Nau Ngluh Êjipt 12:14 - Nau Brah Ndu Ngơi 2023

¹⁴ Nau aơ mra jêng du nau ndray ma khân may. Tâm lĕ rngôch rô̆ ăn khân may mât păng tâm ban du nar rƀŭn ma Brah Yêhôva, jêng nau ntăm djôt prăp n'ho ro.

Nau Ngluh Êjipt 12:14 ပူးပေါင်းရင်းမြစ်များ

II Phung Hađăch 23:21

Hađăch Jôsia ntĭnh ma lĕ rngôch phung ƀon lan: “Kah gĭt ndray hom rƀŭn Nau Găn ma Yêhôva Brah Ndu khân may, tĭng nâm bu nchih jêh tâm ndrom samƀŭt nau tâm rnglăp aơ.”

Nau Ngluh Êjipt 12:24

Djôt prăp hom nau rƀŭn aơ jêng nau ntăm n'ho ro ăn ma khân may jêh ri ma phung kon sau khân may.

Nau Ngluh Êjipt 12:17

Pôri ăn khân may kah gĭt nau rƀŭn Piăng Let Mâu Geh Ndrui yorlah di tâm nar aơ Gâp hŏ djôt phung tahan khân may luh bơh n'gor Êjipt. Yor ri, tâm lĕ rngôch rô̆ ăn khân may kah gĭt prăp nar aơ nâm bu du nau ntăm n'ho ro.

Nau Ngluh Êjipt 12:43

Brah Yêhôva lah ma Y-Môis jêh ri ma Y-Arôn: “Aơ jêng nau vay ma nau rƀŭn Nau Găn: Phung bu năch mâu dơi ôh nhêt sa tâm nau rƀŭn nây.

Mathay 26:13

N'hêl nanê̆, Gâp lah ma khân may, lam neh ntu, ăp ntŭk bu mbơh nkoch ma Nau Mhe Mhan Ueh aơ, nau kan bu ur nây hŏ ƀư bu mra nkah tât gay kah gĭt păng.”

Nau Mprơ Ơm 135:13

Ơ Brah Yêhôva, amoh May hôm tât ƀaƀơ; Ơ Brah Yêhôva, Nau kah gĭt ndray ma May gŭ mro ntơm bơh rnôk aơ tât rnôk ri.

Nau Mprơ Ơm 111:4

Păng ăn bu kah gĭt tay ma kan khlay Păng ƀư jêh. Brah Yêhôva vay ƀư ueh jêh ri bêng nuih n'hâm yô̆ nđach.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Nau Vay Nkah Tay 16:1

“Ăn khân may kah gĭt prăp khay rƀŭn Nau Găn ma Yêhôva Brah Ndu he tâm khay Abip yorlah tâm khay Abip nây Yêhôva Brah Ndu khân may hŏ njŭn leo jêh khân may luh bơh n'gor Êjipt tâm kêng măng.

Nau Ngluh Êjipt 5:1

Jêh nây, Y-Môis jêh ri Y-Arôn hăn mbơh ma Pharaôn jêh ri lah: “Brah Yêhôva, Brah Ndu phung Israel, lah: ‘Ăn phung ƀon lan Gâp hăn gay ma khân păng nkra nau tâm rƀŭn yơk mbah ma Gâp tâm bri rdah.’”

Luka 22:19

Jêh nây Păng sŏk piăng let, lah ueh, nkê̆ch piăng let, tâm pă ma phung oh mon jêh ri lah: “Aơ jêng săk jăn Gâp ăn ma yor khân may. Ƀư hom nau nây gay ma kah gĭt ma Gâp.”

Sakari 6:14

Đon hađăch mra gŭ tâm ngih Brah Yêhôva jêng du ntil ndơ kah gĭt ma Y-Hêlem, Y-Tôbia, Y-Jêdaya jêh ri Y-Hen kon bu klâu Y-Sêphania.”

Êsêkiêl 46:14

Ăp ôi, hađăch mra nhhơr biăp kon nây ndrel du kô̆ tâm prao êpha rnih, ndrel ma du kô̆ tâm pe hin dak ngi ôlive gay pot đah rnih. Ndơ ƀư brah rnih môi nhhơr ma Brah Yêhôva ăp nar jêng nau vay ƀư n'ho ro.

I Samuel 30:25

Ntơm bơh nar nây, Y-Đavit njêng nau nây jêng du nau vay dăp jêh ri nau vay ƀư ma phung Israel kŏ tât ta nar aơ.

Yôsuê 4:7

khân may plơ̆ lah hom pô aơ: Dak ta dak krong Yurdan suăt tăch grăl tanăp Hip Nau Tâm Rnglăp Brah Yêhôva. Lah Hip Nau Tâm Rnglăp rgăn dak krong Yurdan dak krong tâm rnglah jêh ri lĕ rplay lŭ aơ jêng ndơ ndray n'ho ro ma phung ƀon lan Israel.”

Nau Kơp Bunuyh 18:8

Brah Yêhôva lah ma Y-Arôn: “Aơ, Gâp ăn jêh ma may mât uănh lĕ ndơ nhhơr Gâp, jêng lĕ rngôch ndơ ƀư brah kloh ueh phung ƀon lan Israel hŏ nhhơr jêh. Gâp ăn jêh lĕ ndơ nhhơr nây ma may jêh ri ma phung kon bu klâu may nâm jêng kô̆ ma nau pah kan ndơ ƀư brah di tĭng vay n'ho ro.

Nau Kơp Bunuyh 16:40

Nau aơ nkah ăn gĭt ma phung ƀon lan Israel pô aơ mâu geh ôh du huê nơm, knŏng noi deh Arôn, dơi vay hăn dăch gay gŭch ndơ ƀâu kah tanăp Brah Yêhôva; lah mâu, bunuyh nây mra jêng nâm bu Y-Kôra jêh ri phung ndrel ma păng, di nâm nau Brah Yêhôva hŏ ntăm jêh ma Y-Môis.

Nau Kơp Bunuyh 10:8

Phung kon bu klâu Y-Arôn jêng phung kôranh ƀư brah mra uh lĕ nŭng nây. Nĕ jêng nau vay nal n'ho ro ma khân may tâm lĕ rngôch rnôk.

Nau Ngluh Êjipt 12:6

djôt prăp păng tât ta nar jât mpuăn khay aơ; nây jêng nar ma lĕ phung Israel tâm rƀŭn mra nkhĭt mpa kêng măng.

Nau Ngluh Êjipt 23:15

Ăn may djôt prăp nau rƀŭn Piăng Let Mâu Geh Ndrui. Tâm pơh nar, ăn sa piăng let mâu geh ndrui tâm nar lĕ nal jêh tâm khay Abip, nâm Gâp hŏ ntăm ntĭnh jêh kon, yor tâm khay nây kon hŏ luh jêh bơh n'gor Êjipt. Mâu geh ăn du huê hăn ti dơm văch tanăp măt Gâp.

Kan Lêvi 23:6

Chuat tât nar jât mprăm tâm khay nây jêng nar rƀŭn Piăng Let Mâu Geh Ndrui nhhơr ma Brah Yêhôva; khân may sa piăng let mâu geh ndrui tâm pơh nar.

Nau Vay Nkah Tay 6:8

Kât hom lĕ nau ngơi nây ta ti gay ƀư nau tâm mbên, mpân ta ndăr kleng gay gĭt năl,

Nau Ngluh Êjipt 27:21

Tâm Ngih Bok Nau Tâm Rƀŭn mpeh padih bok panăp Hip Nau Tâm Rnglăp, Y-Arôn jêh ri phung kon bu klâu păng mra mât mray ŭnh kađen ăn ang mro tanăp Brah Yêhôva ntơm bôk măng tât ôi. Aơ mra jêng nau vay dăp n'ho ro ma lĕ rnôk rô̆ phung ƀon lan Israel.”

Nau Kơp Bunuyh 15:15

Tâm phung tâm rƀŭn, knŏng geh du nau vay dăp nsum gay dŏng ma khân may jêh ri ma lĕ phung gŭ njưh ƀât lât ta nklang khân may. Nây jêng du nau vay dăp n'ho ro tâm lĕ rngôch rô̆. Khân may jêh ri phung gŭ njưh ƀât lât da dê du ai tâm ban tanăp Brah Yêhôva.