Nau Ngluh Êjipt 12:12 - Nau Brah Ndu Ngơi 2023

¹² Tâm măng nây, Gâp mra hăn lam n'gor Êjipt, ƀư nđêh nji lĕ rngôch kon bôk rah tâm n'gor Êjipt, nđâp bunuyh jêh ri mpô mpa. Gâp mra phat dôih lĕ rngôch brah n'gor Êjipt yorlah Gâp jêng Brah Yêhôva.

Nau Ngluh Êjipt 12:12 ပူးပေါင်းရင်းမြစ်များ

I Nau Rêh Jêng 14:12

Phung tahan Philistin chalơi lĕ rup brah khân păng ta nây jêh ri Y-Đavit ntĭnh ma bu su lơi rup brah nây.

Nau Mprơ Ơm 135:8

Păng dong nkhĭt phung kon bu klâu bôk rah tâm n'gor Êjipt, Ntơm bơh bunuyh kŏ tât ma mpô mpa.

Nau Mprơ Ơm 82:1

Brah Ndu gŭ tâm nau phung Păng tâm rƀŭn; Păng phat dôih ta nklang phung brah:

Nau Mprơ Ơm 82:6

Gâp lah: “Khân may jêng brah Lĕ rngôch jêng kon bu klâu Nơm Dŭt Prêh.

Nau Mprơ Ơm 91:7

Mra geh du rbăn nuyh mra prah ta meng may, Jêh ri rmưn nuyh prah pa ma may. Ƀiălah nau mhĭk mâu mra tât dăch may ôh.

Nau Mprơ Ơm 95:3

Yorlah Brah Yêhôva jêng Brah Ndu dŭt toyh, Jêng Hađăch dŭt prêh ta klơ lơn ma lĕ rngôch brah.

Nau Ngluh Êjipt 12:23

Brah Yêhôva mra hăn rgăn gay ƀư nđêh nji phung Êjipt; dôl saơ mham ta mbong mpông luh lăp, Păng mra hăn rgăn ro jêh ri mâu ăn ôh tông mpăr ƀư rai lăp tâm ngih khân may gay ƀư nau nđêh nji.

Nau Ngluh Êjipt 18:11

Aƀaơ gâp gĭt jêh Brah Yêhôva toyh lơn ma lĕ rngôch brah, yorlah dôl phung Êjipt ƀư mhĭk ma phung ƀon lan Păng ma nau dŭt sưr yor ri Păng dơi lơh khân păng.”

Nau Ngluh Êjipt 21:6

pôri kôranh păng mra njŭn leo păng tanăp Brah Ndu, djôt leo păng hăn ta mpông mâu lah ta n'gâng mpông, jêh nây kôranh nây chuh tôr păng ma mâng mplanh; bunuyh dĭk nây mra pah kan ma kôranh păng lôch nau rêh păng.

Nau Ngluh Êjipt 22:28

May mâu dơi ôh sưr rlau ma Brah Ndu, mâu lĕ dơi rtăp rak ma kôranh chiă uănh phung ƀon lan khân may.

Nau Ngluh Êjipt 6:2

Brah Ndu lah tay ma Y-Môis: “Gâp jêng Brah Yêhôva.

Nau Ngluh Êjipt 9:6

Kah ôi taơ, Brah Yêhôva ƀư nau nây; lĕ rngôch mpô mpa phung Êjipt khĭt da dê, ƀiălah mpô mpa phung Israel mâu ôh khĭt du mlâm.

Êsai 19:1

Nau mbơh lor ma Êjipt: “Aơ, Brah Yêhôva ncho ta klơ ndâr tŭk, Ngăch tât ta Êjipt. Phung rup brah bri Êjipt râm sâr da dê tanăp Păng, Nuih n'hâm phung Êjipt klach krit.

Yêrêmi 43:12

Gâp mra klŭp su ma ŭnh lĕ jây rhŏ brah phung brah n'gor bri Êjipt; Y-Nêbukatnetsar mra su ma ŭnh jêh ri njŭn leo phung brah khân păng. Hađăch nây djôt ntŭng lĕ bri Êjipt nâm bu rmăk biăp nhŭp lĕ si tâm bok ao păng, jêh nây du hăn ma nau đăp mpăn.

Yêrêmi 43:13

Hađăch nây mra mbang nchah lơi lĕ n'gâng ƀư brah ta Bet-Sêmes, tâm bri Êjipt, jêh ri mra su ma ŭnh lĕ jây rhŏ brah ma lĕ brah n'gor bri Êjipt.’”

Yêrêmi 46:25

Brah Yêhôva ma phung tahan, Brah Ndu Israel, lah: “Aơ, Gâp mra tâm rmal ma phung Amôn, jêng brah ta ƀon Thêbes, Pharaôn jêh ri bri Êjipt, ndrel phung brah jêh ri phung hađăch păng: nây jêng hađăch Pharaôn nđâp ma phung rnơm nsing ma păng.

Êsêkiêl 12:16

Nđâp tơlah, Gâp mra om lơi ƀaƀă tâm phung khân păng klaih tă bơh tak đao, nau sa sât ji ngot, nau ji tưp nkhĭt gay ma khân păng dơi mbơh tay lĕ nau ƀơ̆ ƀơch khân păng ăn ma phung mpôl băl bunuyh khân păng mra hăn gŭ, jêh ri khân păng mra dơi gĭt Gâp jêng Brah Yêhôva.”

Amôt 5:17

Lĕ rngôch đang krăk ƀâu mra huy nau nhĭm vơl Yorlah Gâp mra rgăn ta nklang khân may.” Brah Yêhôva lah pônây.

Sôphôni 2:11

Ma đah khân păng, Brah Yêhôva ma nau krit klach dŭt n'hâm, Yorlah Păng mra ƀư rai lĕ rngôch phung brah ta neh ntu, Jêh ri ăp nơm mra yơk mbah ma Păng tâm ntŭk păng nơm, Lĕ rngôch gôl dak mƀŭt ma lĕ bri dak tâm ban pônây lĕ.

Nau Kơp Bunuyh 33:4

Tâm dôl nây, phung Êjipt gŭ tâp lĕ rngôch kon dak rah Brah Yêhôva rmal jêh yorlah Păng hŏ phat dôih ma phung brah khân păng.

I Samuel 5:3

Ôi taơ, phung ƀon lan Asdôt kah rngăl ơm ôi saơ Dagôn cha lôt nkŭp muh măt ta neh, panăp Hip Nau Tâm Rnglăp Brah Yêhôva. Khân păng leo nglăp Dagôn dơm tay ta ntŭk ơm.

I Samuel 6:5

Pôri, khân may ƀư hom rup tŭl ko, jêh ri phung rup kon đe ƀư rai n'gor khân may, jêh ri tâm rnê hom ma Brah Ndu Israel. Klăp lah Păng mra rhuăt ti Păng tă bơh khân may, tă bơh phung brah khân may, jêh ri tă bơh bri khân may.