Nau Ngluh Êjipt 11:8 - Nau Brah Ndu Ngơi 2023

⁸ Aƀaơ, phung oh mon hađăch mra trŭnh văch ta gâp, păn mbah tanăp gâp jêh ri lah: ‘May jêh ri lĕ rngôch phung ƀon lan tĭng may hăn hom!’ Jêh nây gâp mra hăn.” Lôch ngơi, Y-Môis luh bơh Pharaôn ma nau ji nuih.

Nau Ngluh Êjipt 11:8 ပူးပေါင်းရင်းမြစ်များ

I Phung Hađăch 20:10

Y-Ben-Hadat prơh tay bunuyh êng đŏng hăn lah pô aơ: “Tơlah ndruyh neh ta Samari geh tŏng ma lĕ tahan gâp ăp nơm dơi geh du mbăt, dăn phung brah ƀư nau mhĭk ma gâp jâk ngăn!”

II Phung Hađăch 3:9

Pônây, hađăch Israel, hađăch Yuđa jêh ri hađăch Êđôm leo phung tahan khân păng hăn. Khân păng hăn ndăch jêh pơh nar trong, mâu hôm geh dak ôh ma phung tahan jêh ri ma mpô mpa rong hăn tĭng ndô̆ khân păng.

Nêhêmi 5:6

Tơlah gâp tăng nau khân păng nter, ngơi ƀrôk, gâp geh nau ji nuih ngăn.

Nau Mprơ Ơm 6:1

Ơ Brah Yêhôva! Lơi ta nduyh gâp dôl May ji nuih, Lơi May nduyh nkra đŏng gâp tâm nau May ji nuih.

Nau Ngluh Êjipt 10:29

Y-Môis lah: “Di nâm nau may lah, gâp mâu mra hôm saơ ôh măt may.”

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Daniel 3:19

Rnôk nây, Nêbukatnetsar ji nuih pal muh măt, uănh ma Y-Sadrak, Y-Mêsăk, Y-Abetnêgô jêh ri đă su ŭnh năk duh pơh tơ̆ ktang lơn tĭng nâm bu vay ƀư.

Nau Kơp Bunuyh 12:3

Y-Môis jêng du huê bunuyh hêt rhôi, hêt rhôi lơn ma lĕ rngôch bunuyh ta neh ntu.

Markôs 3:5

Păng uănh ma khân păng, ji nuih ƀă rngot ƀă yor nuih n'hâm khân păng dăng ngăn, jêh ri Păng lah ma bunuyh siăr ti: “Yơr ti may.” Nơm nây yơr ti ro, ti păng bah.

Nau Vay Nkah Tay 29:24

Lĕ rngôch phung ndŭl mpôl mra ôp: ‘Mâm ƀư Brah Yêhôva hŏ ƀư pô aơ ma n'gor aơ?’ ‘Mâm dĭng geh nau ji nuih klach krit aơ?’

Nau Vay Nkah Tay 32:24

Khân păng mra huănh hươi yor ma nau ji ngot, Lĕ huăr yorlah nau duh hâu ngăn, Roh rai yor nau ji tưp mhĭk. Gâp mra đă mpa bri janh, Jêh ri dak kăch bơh lĕ ntil bêh tâm ndruyh neh văch mra ƀư mhĭk khân păng.

ហេឞ្រើ 11:27

Yor ma nau chroh, păng du tă bơh n'gor Êjipt mâu klach ma nau hađăch ji nuih ôh; yorlah păng srôih nâm bu păng hŏ saơ jêh Nơm bu mâu blau saơ.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.

Phung Kôranh Phat Dôih 4:10

Y-Barak tâm rƀŭn phung Sabulôn jêh ri phung Naptali văch ta Kêdês; geh jât rbăn bunuyh hăn tĭng păng jêh ri H'Dêbôra ăt hăn ndrel ma păng.

Phung Kôranh Phat Dôih 8:5

Păng lah ma phung ƀon Sukôt pô aơ: “Ăn phung tahan gâp djê̆ piăng let, yorlah khân păng huăr ngăn; gâp hăn tĭng Y-Sêba jêh ri Y-Salmuna, jêng bar phung hađăch Madian.”