Nau Ngluh Êjipt 11:3 - Nau Brah Ndu Ngơi 2023

³ Brah Yêhôva ăn phung ƀon lan geh nau yô̆ tanăp măt phung Êjipt. Khlay ngăn, tanăp măt phung oh mon Pharaôn tâm ban đŏng tanăp măt phung Êjipt, Y-Môis jêng nơm geh nau lư n'găr tâm n'gor Êjipt.

Nau Ngluh Êjipt 11:3 ပူးပေါင်းရင်းမြစ်များ

Nau Ntơm 12:2

Gâp mra ăn ma may jêng du mpôl băl toyh, Gâp mra ăn nau ueh uĭn ma may, Ăn ma may geh nau lư n'găr, Jêh ri may mra jêng du tu nau ueh uĭn.

Nau Ntơm 39:21

Ƀiălah Brah Yêhôva kâp kơl ma Y-Yôsep. Păng mpơl nau ueh ma păng jêh ri ƀư ma păng geh nau yô̆ tanăp măt kôranh bu nă.

II Samuel 7:9

Gâp hŏ gŭ ndrel ma may tâm lĕ rngôch ntŭk may hăn, ƀư rai lĕ rngôch phung rlăng may; jêh ri Gâp hŏ ƀư ăn may lư n'găr nâm bu amoh phung toyh ta neh ntu.

Êsther 9:4

Y-Môrdêkai geh nau dơi toyh tâm ngih hađăch, nau lư n'găr păng hăn lam lĕ rngôch n'gor; nau dơi Y-Môrdêkai lơ nar lơ hao toyh.

Nau Mprơ Ơm 106:46

Păng ăt ƀư ma bu geh nau yô̆ Tanăp phung nhŭp khân păng ƀư dĭk.

Nau Ngluh Êjipt 12:35

Phung ƀon lan Israel hŏ ƀư jêh tĭng nâm nau Y-Môis ntĭnh, khân păng dăn ma phung Êjipt ăp ntil ndơ khlay ma prăk, ma mah, jêh ri kho ao.

Nau Ngluh Êjipt 12:36

Brah Yêhôva ƀư ma phung ƀon lan geh nau yô̆ tanăp măt phung Êjipt, yor ri khân păng ăn tĭng nâm ndơ phung Israel dăn. Kơt nây, phung Israel pit sŏk drăp ndơ phung Êjipt.

Nau Ngluh Êjipt 3:21

Gâp mra ƀư ma phung ƀon lan aơ geh nau yô̆ tanăp phung Êjipt gay ma nôk khân may hăn du luh, khân may mâu ôh mra hăn du luh ti dơm.

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Kôranh Oh Mon 7:22

Y-Môis nti lĕ nau blau mĭn phung Êjipt; păng geh nau dơi tâm nau ngơi jêh ri tâm kan.

Nau Vay Nkah Tay 34:10

Bah kơi taơ, tâm phung Israel mâu hôm geh ôh du huê nơm mbơh lor tâm ban Y-Môis, nơm Brah Yêhôva dơi gĭt măt tâm rđĭl ma măt.

Nau Vay Nkah Tay 34:11

Mâu geh ôh nơm tâm ban ma păng, nơm Brah Yêhôva njuăl hăn ƀư mpơl lĕ nau mbên jêh ri nau mbên mha tâm n'gor Êjipt tanăp măt Y-Pharaôn, phung oh mon păng jêh ri lam n'gor bri hađăch nây.

Yôsuê 4:14

Tâm nar nây, Brah Yêhôva ƀư ma Y-Yôsuê geh nau yơk tanăp măt lĕ rngôch phung ƀon lan Israel; khân păng yơk ma păng tâm lĕ nar păng gŭ rêh tâm ban ma khân păng hŏ yơk ma Y-Môis.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.