Nau Ngluh Êjipt 11:10 - Nau Brah Ndu Ngơi 2023

¹⁰ Y-Môis jêh ri Y-Arôn ƀư lĕ rngôch nau mbên khlay aơ tanăp Pharaôn; ƀiălah Brah Yêhôva ƀư dăng nuih n'hâm Pharaôn, yor ri Pharaôn mâu ăn ôh phung ƀon lan Israel du luh tă bơh n'gor păng.

Nau Ngluh Êjipt 11:10 ပူးပေါင်းရင်းမြစ်များ

Ndrom Samƀŭt bơh Yôp 9:4

Brah Ndu blau mĭn jêh ri geh nau brah toyh: Mbu moh tâm rdâng đah Păng ƀiălah hôm dơi geh nau đăp mpăn?

Nau Ngluh Êjipt 10:20

Ƀiălah Brah Yêhôva ƀư dăng nuih Pharaôn; hađăch nây mâu ăn phung ƀon lan Israel hăn ôh.

Nau Ngluh Êjipt 10:27

Ƀiălah Brah Yêhôva ƀư dăng nuih n'hâm Pharaôn, păng mâu ăn ôh phung Israel dâk hăn.

Nau Ngluh Êjipt 12:1

Ta Êjipt, Brah Yêhôva lah ma Y-Môis jêh ri Y-Arôn pô aơ:

Nau Ngluh Êjipt 3:19

Ƀiălah, Gâp gĭt hađăch Êjipt mâu mra ăn khân may hăn ôh, tơlah mâu geh mpang ti nau brah dơi kơl an.

Nau Ngluh Êjipt 4:21

Brah Yêhôva lah ma Y-Môis: “Lah may plơ̆ sĭt ta n'gor Êjipt, ăn may ƀư lĕ rngôch nau mbên khlay Gâp hŏ jao jêh tâm ti may gay ƀư tanăp Pharaôn. Ƀiălah Gâp mra ƀư ăn hađăch Êjipt dăng nuih n'hâm, mâu ăn ôh phung ƀon lan hăn.

Nau Ngluh Êjipt 7:3

Ƀiălah Gâp mra ƀư dăng nuih n'hâm Pharaôn, jêh ri nđâp lah Gâp ăn lơ n'hao âk nau mbên khlay tâm n'gor Êjipt

Nau Ngluh Êjipt 9:12

Brah Yêhôva ƀư dăng nuih n'hâm Pharaôn, mâu iăt ôh nau Y-Môis jêh ri Y-Arôn, di tĭng nâm nau Brah Yêhôva lah jêh ma Y-Môis.

Êsai 63:17

Ơ Brah Yêhôva, mâm ƀư May ăn hên nkhah du bơh trong may? Mâm dĭng ăn nuih n'hâm hên dăng kŏ tât hên mâu hôm klach yơk ma May ôh? Yor phung oh mon May jêh ri phung ndŭl mpôl drăp ndơn May. Dăn Kôranh Brah plơ̆ sĭt hom!

Yôhan 12:40

“Brah Yêsu ƀư ăn măt khân păng chieh, Nuih n'hâm khân păng dăng, Klach lah măt khân păng dơi saơ, Nuih n'hâm khân păng gĭt rbăng jêh ri rmal nau tih, Gay ma Gâp ƀư bah khân păng.”

Samƀŭt Pôl Njuăl Ăn Ma Phung Nsing Ta Ƀon Rôm 9:18

Nâm bu pônây, Brah Ndu ŭch yô̆ nđach ma mbu nơm Păng yô̆ nđach, Mbu nơm Păng ŭch ƀư dăng nuih n'hâm Păng mra ƀư.

Samƀŭt Pôl Njuăl Ăn Ma Phung Nsing Ta Ƀon Rôm 9:22

Tơlah Brah Ndu ŭch tâm mpơl nau ji nuih jêh ri mbơh nau brah Păng, Păng hŏ srôih ŭn nuih tâm lĕ yăng khư geh nau ji nuih prăp ma nau roh rai, mhâm hơh?

Nau Vay Nkah Tay 2:30

Ƀiălah Y-Sihôn hađăch ƀon Hêsbôn, mâu ŭch ăn ôh hên rgăn nkual neh hađăch nây. Yorlah Yêhôva Brah Ndu khân may ƀư nau mĭn hađăch brơl, nuih n'hâm dăng ko, gay jao hađăch nĕ tâm ti khân may nâm bu nar aơ khân may hŏ saơ jêh.

Yôsuê 11:20

Yorlah Brah Yêhôva ƀư ma phung hađăch nây dăng nuih n'hâm tâm rdâng đah phung Israel, gay ma khân păng mra rai lĕ, mâu dơi geh nau yô̆ nđach ôh, di nâm Brah Yêhôva ntăm jêh ma Y-Môis.

I Samuel 6:6

Mâm ƀư khân may dăng nuih n'hâm nâm bu phung Êjipt jêh ri Pharaôn hŏ dăng nuih n'hâm? Lah jêh Brah Yêhôva ƀư rêh ni ma khân păng, mâu di hĕ khân păng hŏ ăn jêh ma phung Israel hăn du luh?