Nau Ngluh Êjipt 11:1 - Nau Brah Ndu Ngơi 2023

¹ Brah Yêhôva lah ma Y-Môis: “Gâp mra ƀư ăn ma Pharaôn jêh ri n'gor Êjipt du nau mhĭk đŏng. Jêh nĕ, hađăch nây mra ăn khân may hăn. Mâu knŏng hađăch nây ăn khân may hăn du luh ƀiălah păng mra nsot lĕ khân may hăn luh bơh aơ đŏng.

Nau Ngluh Êjipt 11:1 ပူးပေါင်းရင်းမြစ်များ

Nau Ntơm 15:14

Ƀiălah Gâp mra phat dôih noi deh hŏ tŭn jot may, jêh ri pakơi taơ khân păng mra du luh bơh bri nây geh âk ngăn drăp ndơ.

Ndrom Samƀŭt bơh Yôp 10:17

May dŏng nau mbơh mhe tâm rdâng đah gâp, Jêh ri ntop nau ji nuih tâm gâp, Djôt phung tahan rduh lơh gâp mro.

Nau Ngluh Êjipt 12:29

Ta klong măng, Brah Yêhôva ƀư nau nđêh nji lĕ rngôch phung kon bôk rah tâm n'gor Êjipt, ntơm bơh kon bôk rah Pharaôn nơm dôl chiă uănh kŏ tât kon bôk rah lĕ rngôch phung bu nă dôl krŭng tâm ndrung, nđâp ma lĕ rngôch kon dak bôk mpô mpa rong.

Nau Ngluh Êjipt 3:20

Yor ri, Gâp mra yơr ti rmal n'gor Êjipt đah lĕ nau mbên mha Gâp mra ƀư tâm n'gor nây, jêh nây khân păng mra ăn khân may hăn.

Nau Ngluh Êjipt 6:1

Brah Yêhôva lah ma Y-Môis: “Aƀaơ may mra saơ lĕ nau Gâp mra ƀư ma Pharaôn. Nanê̆, yor tă bơh mpang ti nau brah Gâp, hađăch nây mra ăn phung Israel hăn luh; yor tă bơh mpang ti nau brah Gâp, hađăch nây mra mprơh khân păng luh bơh n'gor păng.”

Nau Ngluh Êjipt 9:14

Yorlah tal aơ Gâp mra ƀư ăn ma may lĕ nau mhĭk tât tâm nuih n'hâm may, ma phung oh mon may jêh ri ma phung ƀon lan may, gay ma may gĭt tâm lam neh ntu mâu geh ôh bunuyh dơi ban Gâp.

Kan Lêvi 26:21

Tơlah khân may hôm tâm rdâng đah Gâp jêh ri mâu ŭch iăt nau Gâp ôh, Gâp mra nkhŭt nau tât ji tưp pơh tơ̆ âk lơn ma khân may yor nau tih khân may.

Nau Vay Nkah Tay 4:34

Mâu lah mâp geh lĕ du huê brah hăn săch ma păng nơm du mpôl băl bunuyh tă bơh nklang du mpôl băl êng ma lĕ nau tâm rlong, mpơl nau mbên jêh ri nau mbên mha, ma nau tâm lơh, ma ti nau dơi yơr huy, ma lĕ nau krit klach toyh, nâm bu lĕ rngôch nau Yêhôva Brah Ndu hŏ ƀư jêh ma khân may tâm n'gor Êjipt tanăp măt khân may?

Nau Tâm Mpơl 16:9

Jêh ri n'hôl duh hâu ir ngăn su kon bunuyh jêh ri khân păng ngơi djơh tât amoh Brah Ndu, jêng Nơm geh nau dơi ma ntil nau rêh ni nây, ƀiălah khân păng mâu đŏng rmal nau tih gay ma tâm rnê Păng.

I Samuel 6:4

Phung Philistin ôp: “Moh ndơ hên mplơ̆ nhhơr ma Păng gay ma chuai nau tih?” Khân păng plơ̆ lah: “Prăm mlâm rup tŭl ko ƀư ma mah, jêh ri prăm mlâm kon đe ƀư ma mah, tĭng nâm ndah âk nuyh kôranh phung Philistin; yorlah lĕ rngôch khân may, jêh ri phung kôranh khân may, ăt tâm ban du nau rêh ni.