Nau Ngluh Êjipt 10:22 - Nau Brah Ndu Ngơi 2023

²² Y-Môis yơr ti păng leo klơ trôk, nau ngo klĕng nkŭm lam bri Êjipt tâm pe nar.

Nau Ngluh Êjipt 10:22 ပူးပေါင်းရင်းမြစ်များ

Ndrom Samƀŭt bơh Yôp 5:14

Dôl nôk nar khân păng mâp nau ngo klĕng, Dôl nar nklang bôk khân păng rvơ but nâm bu ngo klong măng.

Nau Mprơ Ơm 105:28

Păng njuăl nau ngo jêh ri ƀư ma n'gor ngo klĕng, Ƀiălah phung nây ăt mâu iăt ôh nau Păng.

Nau Ngluh Êjipt 20:21

Phung ƀon lan gŭ dâk ngai, bi Y-Môis hăn dăch ndâr tŭk mbâl, ta ntŭk Brah Ndu dôl gŭ.

Êsai 8:22

jêh nây khân păng kŭnh uănh ta neh ntu, ƀiălah knŏng saơ nau rêh ni jêh ri nau ngo, nau rngot klâng; bu mra nklơ̆ khân păng tâm nau ngo mbâl.

Êsêkiêl 32:7

Tơlah Gâp buh nhhât may Gâp mra nkŭm lĕ ndâr trôk, Jêh ri ăn phung mănh klơ trôk jêng ngo klĕng; Nkŭm nar ma ndâr tŭk, Jêh ri khay mâu mra hôm nchrat ang đŏng ôh.

Êsêkiêl 32:8

Gâp mra ƀư nau ang phung mănh ta klơ trôk, Nhhât klêm ta may, Jêh ri Gâp mra leo nau ngo nkŭm ta bri may,’ Kôranh Brah Yêhôva lah pônây.

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Amôt 4:13

N'hêl nanê̆ Păng hŏ njêng jêh yôk jêh ri rhăk njêng sial; Păng yơh mpơl nau bunuyh mĭn tâm nuih n'hâm. Păng rgâl luh nar luh jêng ngo Jêh ri hăn tâm lĕ ntŭk prêh ta neh ntu. Amoh Păng jêng Yêhôva Brah Ndu ma phung tahan.

Amôt 4:7

“Tâm ban lĕ Gâp mâu ăn ôh dak mih ma khân may Tâm pe khay lor ma yan rek ba; Gâp hŏ ăn jêh dak mih ta ƀon toyh aơ Ƀiălah mâu ăn dak mih ta ƀon toyh ri. Mir aơ lĕ geh dak mih jêh, Bi ma lôk mir ri mâu geh dak mih ôh lĕ nhop kro.

Nau Vay Nkah Tay 4:11

Jêh nây khân may văch dăch jêh ri dâk ta jâng yôk, dôl ta klơ yôk ŭnh hit hao prêh kŏ tât ta trôk, ma ndâr tŭk thŭl krăk, nau ngo nkŭm.

Nau Vay Nkah Tay 5:22

Nây jêng lĕ nau ngơi tă bơh klơ yôk, Brah Yêhôva hŏ ngơi bâr huy ntĭnh ma lĕ rngôch phung Israel tâm rƀŭn luh bơh ŭnh, nklang ndâr tŭk krăk kher ngo klĕng. Păng mâu hôm ntop nau êng ôh ƀiălah Păng nchih lĕ nau nây ta bar rlat lŭ jêh ri jao ma gâp.

Nau Tâm Mpơl 16:10

Tông mpăr rơh prăm nkhŭt ngan păng nơm ta sưng hađăch mpô mpa dŭt janh, ƀon bri hađăch păng nkŭm ma nau ngo ro, jêh ri bu kăp mpiăt yor nau ji ngăn.