Nau Ngluh Êjipt 10:16 - Nau Brah Ndu Ngơi 2023

¹⁶ Pharaôn kuăl ndal Y-Môis n'hanh Y-Arôn văch jêh ri lah: “Gâp hŏ ƀư tih jêh đah Yêhôva Brah Ndu khân may jêh ri đah khân may đŏng.

Nau Ngluh Êjipt 10:16 ပူးပေါင်းရင်းမြစ်များ

II Samuel 19:20

Oh mon may gĭt năl jêh nau tih. Ƀiălah nar aơ, gâp jêng nơm lor lơn tâm lĕ rngôch ngih Y-Yôsep, gâp hŏ trŭnh lor gay chuă vơt hađăch jêng kôranh gâp.”

II Samuel 24:10

Tơlah jêh nau kơp phung ƀon lan nuih n'hâm Y-Đavit nâm bu sôch bu sôr. Y-Đavit ngơi ma Brah Yêhôva: “Gâp hŏ ƀư tih toyh ngăn jêh tâm nau gâp hŏ ƀư jêh. Ƀiălah aƀaơ, hơi Brah Yêhôva! Dăn jut lơi nau kue bơh oh mon May hŏ ƀư tih, yorlah gâp ƀư jêh ma nau rluk ngăn.”

II Samuel 24:17

Saơ tông mpăr rmal phung ƀon lan, Y-Đavit ngơi ma Brah Yêhôva: “Gâp nơm hŏ ƀư tih jêh, gâp nơm ƀư jêh ma nau ƀai. Ƀiălah phung biăp aơ, moh nau khân păng mâp ƀư jêh? Mbơh sơm ti Kôranh Brah rmal ma gâp jêh ri ma ngih mbơ̆ gâp!”

Nau Ngluh Êjipt 8:25

Pharaôn kuăl Y-Môis jêh ri Y-Arôn văch jêh ri lah: “Hăn hom jêh ri nhhơr mpa ƀư brah ma Brah Ndu khân may tâm n'gor aơ.”

Nau Ngluh Êjipt 8:8

Pharaôn kuăl Y-Môis jêh ri Y-Arôn tât ta nây jêh ri lah: “Dăn hom ma Brah Yêhôva gay ăn kĭt du ngai bơh gâp jêh ri phung ƀon lan gâp rĭ mơ gâp mra ăn phung ƀon lan Hêbrơ hăn nhhơr mpa ƀư brah ma Brah Yêhôva.”

Nau Ngluh Êjipt 9:27

Pharaôn kuăl Y-Môis jêh ri Y-Arôn hăn văch jêh ri lah: “Tal aơ gâp hŏ ƀư tih jêh. Brah Yêhôva jêng sŏng srăng, bi gâp jêh ri phung ƀon lan gâp jêng tih da dê.

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Nau Kơp Bunuyh 21:7

Phung ƀon lan hăn tât ma Y-Môis jêh ri lah: “Hên lĕ ƀư tih jêh, yorlah hên ngơi sưr ma Brah Yêhôva jêh ri ma may. Dăn may mbơh sơm ma Brah Yêhôva gay ma Păng ƀư ăn bêh aơ nkhah ngai bơh hên.” Pôri Y-Môis mbơh sơm an ma phung ƀon lan.

Nau Kơp Bunuyh 22:34

Y-Balaam lah ma tông mpăr Brah Yêhôva: “Gâp hŏ ƀư tih jêh yorlah gâp mâu gĭt ôh May hŏ dâk jêh tâm trong gay ŭch nking gâp. Aƀaơ, tơlah May mâu di nuih gay gâp hăn, gâp mra plơ̆ sĭt ro yơh.”

Mathay 27:4

jêh ri lah pô aơ: “Gâp hŏ ƀư tih jêh yor jao mham mâu geh nau tih!” Ƀiălah khân păng plơ̆ lah: “Kan nây moh nau geh đah hên? Nây jêng nau may nơm.”

I Samuel 15:24

Y-Sôl plơ̆ lah ma Y-Samuel: “Gâp lĕ ƀư tih jêh, yorlah gâp ƀư tih jêh nau vay Brah Yêhôva ntăm jêh ri nau may ngơi. Yorlah Gâp klach ma phung ƀon lan jêh ri iăt tĭng nau khân păng.

I Samuel 15:30

Y-Sôl lah: “Gâp lĕ ƀư tih jêh, ƀiălah yơk hom ma gâp tanăp phung kôranh bu ranh phung ƀon lan gâp, jêh ri tanăp lĕ rngôch bunuyh ƀon lan Israel. Dăn may plơ̆ văch hom ndrel ma gâp, gay ăn gâp dơi yơk mbah ma Yêhôva Brah Ndu may.”

I Samuel 26:21

Rnôk nây, Y-Sôl ngơi: “Gâp geh nau tih! Hơi Y-Đavit, kon gâp, plơ̆ sĭt hom! Gâp mâu mra ƀư mhĭk ma may đŏng ôh, yorlah nar aơ may hŏ uănh yơk nau rêh gâp. Ngăn yơh, gâp hŏ ƀư jêh nau brŭt moih, hŏ ƀư tih toyh ngăn.”