Nau Ngluh Êjipt 1:20 - Nau Brah Ndu Ngơi 2023

²⁰ Brah Ndu ăn nau ueh uĭn ma phung bu ur mât deh; rnoh phung ƀon lan Israel bĭk rơ̆ jêh ri khăn păng jêng dăng ngăn ngên.

Nau Ngluh Êjipt 1:20 ပူးပေါင်းရင်းမြစ်များ

Nau Mprơ Ơm 103:11

Yorlah ndah nâm ƀah lĕ ndâr trôk đah neh, Rlau lơn ma nĕ đŏng nau ueh Păng toyh ngăn ăn mbu nơm yơk ma Păng.

Nau Mprơ Ơm 111:5

Păng ăn ndơ sông sa ma phung klach yơk Păng, Jêh ri kah gĭt nau Păng tâm rnglăp mro mrăng.

Nau Mprơ Ơm 145:19

Păng ƀư mpay ma phung klach yơk Păng, Tăng đŏng nau khân păng kuăl dăn jêh ri rklaih an khân păng.

Nau Mprơ Ơm 61:5

Ơ Brah Ndu, May tăng jêh nau gâp ton, Ăn ma gâp drăp ndơn ma phung klach yơk ma amoh May.

Nau Mprơ Ơm 85:9

Nanê̆ nau Păng tâm rklaih gŭ dăch phung klach yơk ma Păng, Gay ma nau chrêk rmah Păng dơi gŭ tâm n'gor bri he mro.

Nau Ngluh Êjipt 1:12

Ƀiălah phung Êjipt lơ hô ƀư rêh ni khân păng, rnoh ƀon lan Israel lơ hô bĭk rơ̆ jêh ri lam ăp ntŭk, yor ri phung Êjipt klach ma phung ƀon lan Israel

Nau Ngluh Êjipt 1:19

Phung bu ur mât deh plơ̆ lah ma Pharaôn: “Yorlah phung bu ur Hêbrơ mâu jêng tâm ban phung bu ur Êjipt ôh. Khân păng dăng ngăn, hŏ deh lor jêh dôl bu ur mât deh ê tât.”

Nau Ngluh Êjipt 1:7

Kon sau Y-Israel deh kon âk râk ngăch ngăn; rnoh bunuyh hao âk bĭk rơ̆, bêng ăp n'gor jêh ri mra jêng dŭt dăng ngăn ngên.

Nau Hôr 11:18

Bunuyh ƀư nau ƀai dơn rnoh nkhôm ma nau ndơm, Ƀiălah bunuyh srih nau sŏng srăng dơi geh nau nkhôm n'hêl nanê̆ ngăn.

Nau Hôr 19:17

Mbu nơm gĭt yô̆ ma phung o ach jêng ăn Brah Yêhôva manh, Păng mra mplơ̆ sĭt nau kan ueh nây ăn ma păng.

Nơm Nti 8:12

Nđâp tơlah nơm ƀư mhĭk rhiăng tơ̆ dơi geh nau rêh jŏ gâp hôm gĭt pô aơ bunuyh klach yơk ma Brah Ndu mra dơi geh nau ueh uĭn, yorlah bunuyh klach yơk ma Păng.

Êsai 3:10

Lah hom ma phung sŏng srăng, ueh maak yơh ma khân păng, Yorlah khân păng mra sa play bơh kan khân păng ƀư.

Mathay 10:42

Mbu nơm ăn ma du huê tâm phung jê̆ aơ nhêt du kachok dak me, yorlah bunuyh nây jêng oh mon Gâp; nanê̆ Gâp lah ma khân may, bunuyh nây mâu mra roh nau nkhôm ma păng ôh.”

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Luka 1:50

Jêh ri Păng yô̆ nđach ma phung bunuyh klach yơk mbah ma Păng, Ntơm bơh rnôk aơ tât rnôk ri.

ហេឞ្រើ 6:10

Yorlah Brah Ndu mâu di jêng kue ôh, gay ƀư chuêl nau kan jêh ri nau rŏng khân may tâm mpơl jêh yor ma amoh Păng, nôk pah kan ma phung kloh ueh, jêh ri ăt hôm pah kan đŏng.