Nau Ngluh Êjipt 1:17 - Nau Brah Ndu Ngơi 2023

¹⁷ Ƀiălah phung bu ur mât deh klach yơk ma Brah Ndu, mâu ƀư ôh tĭng nâm nau hađăch Êjipt ntăm, hôm om phung kon bu klâu ăn rêh.

Nau Ngluh Êjipt 1:17 ပူးပေါင်းရင်းမြစ်များ

Nau Ntơm 20:11

Y-Abraham ơh: “Gâp ƀư pônây, yor gâp mĭn tâm n'gor aơ mâu mâp geh ôh bunuyh klach yơk ma Brah Ndu. Klăp lah khân păng mra nkhĭt gâp yor ur gâp.

Nau Ntơm 42:18

Tât nar tal pe, Y-Yôsep lah ma khân păng: “Yorlah gâp klach yơk ma Brah Ndu, lah khân may ŭch rêh ăn khân may ƀư hom kơt aơ.

II Samuel 24:4

Ƀiălah, nau hađăch ngơi dăng rlau lơn ma nau mĭn Y-Jôap jêh ri phung kôranh chiă uănh tahan. Yor ri, Y-Jôap jêh ri phung kôranh chiă uănh tahan hŏ tâm nkhah đah hađăch, dâk hăn gay kơp rnoh phung ƀon Israel.

Nêhêmi 5:15

Ƀiălah phung kôranh chiă uănh hŏ tât lor ma gâp, phung nây hŏ bun kan jâk jêr klơ phung ƀon lan, kêh ăn ndơ sông sa jêh ri ndrănh êng pa meng n'gul kilô prăk. Phung oh mon khân păng tŭn jot ma phung ƀon lan đŏng. Ƀiălah gâp mâu ƀư pônây ôh, yorlah klach yơk ma Brah Ndu.

Êsther 3:3

Lĕ rngôch phung oh mon gŭ ta mpông pêr ngih hađăch lah ma Y-Môrdêkai: “Mâm ƀư may mâu djôt prăp nau hađăch ntrŭnh?”

Nau Mprơ Ơm 31:19

Nau ueh May toyh ngăn! May prăp nau ueh ma bunuyh klach yơk ma May, Ăn ma phung gŭ krap tâm May, Tanăp lĕ rngôch bunuyh.

Nau Ngluh Êjipt 1:18

Hađăch Êjipt kuăl phung bu ur mât deh jêh ri ôp: “Mâm khân ay ƀư pônây? Mâm ƀư om phung kon bu klâu hôm rêh?”

Nau Ngluh Êjipt 1:21

Yorlah phung bu ur mât deh geh nuih n'hâm klach yơk ma Brah Ndu, yor ri Brah Ndu ăn ma rnăk vâl khân păng dơi jêng.

Nau Hôr 16:6

Ma nau ueh jêh ri ma nau nanê̆ ngăn nau tih dơi yô̆ an, Yor ma nau klach yơk ma Brah Yêhôva bu der bơh nau mhĭk.

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Nơm Nti 8:12

Nđâp tơlah nơm ƀư mhĭk rhiăng tơ̆ dơi geh nau rêh jŏ gâp hôm gĭt pô aơ bunuyh klach yơk ma Brah Ndu mra dơi geh nau ueh uĭn, yorlah bunuyh klach yơk ma Păng.

Daniel 6:13

Khân păng plơ̆ lah ma hađăch: “Tâm phung bu nă tă bơh Yuđa geh Y-Daniel mâu chrê ma may ôh. Ơ hađăch, nđâp lah ma nau buay may nchih amoh jêh, păng ăt mbơh sơm pe tơ̆ ăp nar.”

Ndrom Samƀŭt bơh Ôsê 5:11

Êphraim bu tŭn jot, Rchiăt hăch jêh bơh nau phat dôih; Yorlah păng hŏ tâm nal nchuăt tĭng nau ƀơ̆.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

Luka 12:5

Ƀiălah Gâp ntĭm ma khân may gĭt klach mbu nơm: Klach hom ma Nơm, nôk nkhĭt jêh, hôm geh nau dơi mƀăr jŭr ndrung ŭnh. Di kơt nây, Gâp đă ma khân may, klach hom ma Nơm nây!

Kôranh Oh Mon 5:29

Y-Pêtrôs jêh ri kôranh oh mon plơ̆ lah: “Ăn he tông bâr Brah Ndu ueh lơn ma tông bâr bunuyh.

I Samuel 22:17

Hađăch lah ma phung tahan gak dâk jŭm păng: “Văch dăch hom jêh ri nkhĭt lơi lĕ rngôch phung kôranh ƀư brah Brah Yêhôva, yorlah khân păng kơl Y-Đavit, gĭt jêh păng lĕ du ƀiălah mâu ŭch mbơh ăn ma gâp gĭt.” Ƀiălah phung tahan gak hađăch mâu ŭch ôh yơr ti khân păng gay nkhĭt phung kôranh ƀư brah Brah Yêhôva.