Nau Ngluh Êjipt 1:11 - Nau Brah Ndu Ngơi 2023

¹¹ Yor ri, phung Êjipt dơm phung kôranh uănh kan gay ƀư rêh ni phung Israel ma nau kan jâk jêr, nchâp đă khân păng ƀư ƀon toyh Pithôm jêh ri ƀon Ramsê gay ma ƀư ntŭk prăp drăp khlay ăn ma Pharaôn.

Nau Ngluh Êjipt 1:11 ပူးပေါင်းရင်းမြစ်များ

Nau Ntơm 15:13

Brah Yêhôva lah ma Y-Abram: “Ăn may gĭt n'hêl nanê̆ pô aơ noi deh may mra jêng bunuyh bu năch tâm n'gor bu êng, mra jêng dĭk ma phung ƀon tơm, jêh ri phung nây mra tŭn jot khân păng tâm puăn rhiăng năm.

Nau Ntơm 47:11

Tĭng nâm Pharaôn ntăm jêh, Y-Yôsep ăn ntŭk gŭ ma mbơ̆ păng jêh ri phung oh nâu păng, ăn neh ma khân păng ƀư drăp ndơn tâm n'gor Êjipt, tâm nkual Ramsê.

I Phung Hađăch 9:19

jêh ri ndâk lĕ rngôch ƀon geh jay prăp nkrem ndơ sông sa Y-Salômôn, lĕ ƀon ma ndeh seh, lĕ ƀon ma phung tahan ncho seh, jêh ri lĕ rngôch kan Salômôn ŭch ndâk ta Yêrusalem, Liban, jêh ri tâm lĕ rngôch n'gor tâm nau dơi hađăch chiă uănh.

II Nau Rêh Jêng 16:4

Y-Ben-Hadat iăt tĭng nau hađăch Asa, đă phung kôranh chiă uănh phung tahan djôt leo phung tahan hăn lơh lĕ phung ƀon Israel, pit sŏk ƀon Ijôn, Dan, Abel-Maim ndrel ma lĕ rngôch ƀon geh jay prăp drăp ndơ khlay tâm n'gor Naptali.

II Nau Rêh Jêng 8:4

Hađăch ndâk Tatmôr tâm bri rdah jêh ri ndâk lĕ ƀon ƀư ntŭk prăp drăp khlay tâm n'gor Hamat.

Nau Mprơ Ơm 105:13

Hăn tă bơh bri dak aơ tât ma bri dak êng, Tă bơh ƀon bri hađăch tê̆ tât ma phung ƀon lan ri.

Nau Mprơ Ơm 129:1

“Ntơm bơh gâp hôm jêng mom, khân păng vay tŭn jot gâp” Aƀaơ, Israel lah hom:

Nau Mprơ Ơm 129:2

“Ntơm bơh gâp hôm jêng mom, khân păng vay tŭn jot gâp, Ƀiălah khân păng mâu mâp dơi đah gâp ôh.

Nau Mprơ Ơm 68:13

Tơlah khân may gŭ rlu tâm nklang ndrung biăp, Ăt geh năr plŭk nkŭm ma prăk. Jêh ri rsau ma mah chrêk.

Nau Mprơ Ơm 81:6

“Gâp sŏk jêh ndơ anh jâk bơh săng nglik păng; Jêh ri mƀơk bơh bĭ jâk bơh ti păng.”

Nau Ngluh Êjipt 1:14

ƀư ma nau rêh khân păng ntop nđêh nji đah âk kan jâk jêr nâm bu plên neh, ƀư ƀrĭk, jêh ri ăp ntil kan tâm mir. Ăp ntil kan phung Êjipt nchâp phung Israel kan tâm nau hŏt rgănh ngăn.

Nau Ngluh Êjipt 2:11

Du nar, lah Y-Môis hŏ toyh jêh, păng hăn luh padih, joi phung ƀon lan păng jêh ri saơ nau kan hŏt rgănh. Păng saơ đŏng du huê bunuyh Êjipt dong du huê bunuyh Hêbrơ jêng oh nâu păng.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Ngluh Êjipt 5:10

Pôri phung kôranh uănh kan jêh ri phung kôranh mbŭch hăn ngơi ma phung ƀon lan: “Pharaôn hŏ lah kơt aơ: ‘Gâp mâu hôm ƀơk ôh rhe ma khân may.

Nau Ngluh Êjipt 5:15

Phung kôranh mbŭch Israel văch nter lŭng ma Pharaôn: “Mâm ƀư may ƀư pônây ma phung oh mon may?

Nau Ngluh Êjipt 5:8

Ƀiălah rnoh ƀrĭk ăn khân may đă khân păng ƀư tâm ban ƀoi ơm, mâu dơi n'hŭch ôh. Yor ti khân păng gŭ dơm dĭng khân păng tâm jă ndrăng khân păng: ‘Hăn hom he nhhơr mpa ƀư brah ma Brah Ndu he!’

Nau Hôr 27:4

Nau ji nuih jêng nau janh djơh ngăn, jêh ri nau ji nuih nâm bu dak bŭk, Ƀiălah mbu moh dơi dơn tanăp nau mâu nach?

Nau Kơp Bunuyh 20:15

jêh ri nau phung chô yau hên hăn trŭnh hăn jêh ma n'gor Êjipt. Hên hŏ gŭ jêh ta nây jŏ năm; jêh ri phung Êjipt hŏ ƀư nau mhĭk hên jêh ri chô yau hên.

Nau Vay Nkah Tay 26:6

Phung Êjipt ƀư nau mhĭk, ƀư rêh ni phung hên jêh ri dơm klơ hên mâng mbăk nau ƀư dĭk jâk jêr ngăn.