Nau Mprơ Ueh 8:5 - Nau Brah Ndu Ngơi 2023

⁵ Mbu dôl bơh bri rdah hăn hao, Mbin nsing ma nơm păng rŏng? Tâm dâng tơm si mandragôr gâp hŏ rlay may, Ta ntŭk aơ yơh mê̆ may hŏ hŏt rgănh yor may, Ta ntŭk aơ yơh mê̆ may ma nau ji deh may.

Nau Mprơ Ueh 8:5 ပူးပေါင်းရင်းမြစ်များ

II Nau Rêh Jêng 32:8

Păng knŏng geh ti nglay săk; bi he geh Yêhôva Brah Ndu gŭ ndrel he gay kâp kơl, jêh ri sâm tâm lơh ăn ma he.” Phung ƀon lan geh nau n'hao nuih yor bơh nau ngơi Y-Hêsêkia, hađăch Yuđa.

Nau Mprơ Ơm 63:8

Huêng gâp kuăn nâp tâm May; Ti ma May kuăn rdâng gâp.

Nau Mprơ Ơm 63:9

Phung joi ŭch ƀư mhĭk ma nau rêh gâp Mra tŭp tâm ntu jru neh ntu.

Nau Mprơ Ueh 2:3

Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Nau Mprơ Ueh 3:11

Hơi, phung bu ur druh Siôn, Gơnh oi uănh hađăch Salômôn. Păng ndô đon hađăch me păng hŏ n'gân ta klơ bôk hađăch. Tâm nar tâm nkol ur sai hađăch, Nar nuih n'hâm hađăch hâk răm.

Nau Mprơ Ueh 3:4

Ƀah plăch ndŭr kơi bơh khân păng, Gâp hŏ mâp nơm nuih n'hâm gâp rŏng. Gâp ut ra-u păng, mâu ŭch mƀơk ôh Kŏ tât njŭn păng sĭt ma ngih mê̆ gâp, Lăp jrô nơm hŏ bă ntreo jêh gâp.

Nau Mprơ Ueh 3:6

Mbu nơm nây văch tă bơh bri rdah, Nâm bu n'gâng nhhŭk ŭnh, Ƀâu n'hôl âk ntăk si ƀâu kah dak si tăng, Thŭl rvêt lĕ ntil rnih ƀâu kah rvăt tă bơh phung tăch drăp?

Nau Mprơ Ueh 4:8

Hơi ƀăn gâp, hăn hom ndrel gâp du bơh yôk Liban, Hăn hom ndrel gâp chalơi yôk Liban, Du hom n'gơn yôk Amana, N'gơn Sênir jêh ri Hermôn, Du bơh trôm yau mŭr, Du bơh yôk yau brăch.

Nau Mprơ Ueh 6:10

Bu ur ri mbu nơm jêng dĭng mpơl nâm bu ƀhit rvi ang, Ueh nâm bu khay, chrêk lơp nâm bu nar, Rnam nâm bu tahan yơr kơ rduh tâm lơh?

Nau Mprơ Ueh 8:1

Ndă lah may nâm bu nâu ma gâp, Ndrel pu nsum ta toh mê̆! Gay dôl mâp may ta rŏ trong, Gâp mra dơi chŭm may, Mâu geh ôh nơm tâm mưch rmot.

Êsai 36:6

Aơ, may rnơm nsing ma n'gor Êjipt, jêng mâng ma tơm rpho lĕ deh jêh, ma mbu nơm rnơm nsing ma păng, păng mra ntâp bluh lăp tâm ti nơm nây. Pharaôn, hađăch Êjipt, ƀư jêng tâm ban pônây đah lĕ rngôch phung rnơm nsing ma păng.

Êsai 40:3

Geh bâr nter tâm bri rdah: “Pơk hom du trong ma Brah Yêhôva; Ƀư hom ăn sŏng du trong toyh tâm ndrêch rdah ma Brah Ndu he!

Êsai 43:19

Aơ, Gâp dăch ƀư du nau mhe! Aƀaơ aơ păng luh mpơl; ƀiălah khân păng mâu gĭt rbăng hĕ? Gâp mra ƀư du ntŭk trong tâm bri rdah, Jêh ri ƀư ăn lĕ n'hong dak krong hoch tâm ntŭk neh sơh.

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Ndrom Samƀŭt bơh Ôsê 12:4

Tâm trôm ndŭl me Yakôb hŏ kuăn jêh ndơl jâng nâu păng, Nôk văch ma toyh păng tâm rdâng đah Brah Ndu.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Yôhan 13:23

Ta nây geh du huê oh mon, jêng nơm Brah Yêsu rŏng, bôk nsing ta ntang ntơh Brah Yêsu.

Samƀŭt Pôl Njuăl Ăn Ma Phung Nsing Ta Ƀon Rôm 7:4

Tâm ban lĕ, hơi phung oh nâu gâp, Tă bơh tâm săk jăn Brah Krist khân may khĭt jêh ma nau vay jêh ri nar aơ khân may jêng ndơ bu êng, jêng Nơm nây hŏ dâk rêh tay tă bơh nau khĭt, gay ma he geh play ma Brah Ndu.

Galati 4:19

Hơi phung kon gâp, yor phung khân may gâp tuy dơn nau nđêh nji tâm ban ma nau ji deh kon kŏ tât nôk Brah Krist jêng tâm khân may!

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

Nau Tâm Mpơl 12:6

Bi bu ur nĕ nchuăt du tâm bri rdah; ta nây, Brah Ndu ndrăp lor jêh du ntŭk ma păng gay ma bu mât siăm păng tâm du rbăn bar rhiăng prao jât nar.