Nau Mprơ Ueh 8:11 - Nau Brah Ndu Ngơi 2023

¹¹ Y-Salômôn geh du đang krăk ƀâu ta Baal-Hamôn: Hađăch jao đang nây ăn ma phung kan nkhôm; Nôk rgum kao play ăp nơm mra njŭn ăn ma hađăch du rbăn glo prăk.

Nau Mprơ Ueh 8:11 ပူးပေါင်းရင်းမြစ်များ

Nau Ntơm 20:16

Jêh nây hađăch lah ma H'Sara: “Aơ, gâp ăn ma nâu ay du rbăn rnglay prăk; aơ jêng bok nkŭm măt lĕ rngôch bunuyh gŭ ndrel ay, jêh ri ay mra dơi kơp gŭ sŏng tanăp măt lĕ rngôch bunuyh.”

Nơm Nti 2:4

Gâp hŏ ƀư lĕ nau kan ndâk toyh: ndâk ngih hađăch, njêng đang krăk ƀâu,

Nau Mprơ Ueh 1:6

Lơi ntrâng uănh ma gâp yorlah gâp krăk, Nar hŏ ƀư nđat ntâu gâp; Phung kon bu klâu mê̆ gâp ji nuih ma gâp, Hŏ jao ma gâp mât mray lĕ mir krăk ƀâu; Bi mir krăk ƀâu êng gâp nơm, gâp mâu mât mray!

Nau Mprơ Ueh 2:3

Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Nau Mprơ Ueh 7:12

He mra dâk ơm ôi hăn chop đang krăk ƀâu, Kay long uănh krăk ƀâu hŏ chăt nkŭr, Kao hŏ dang, Play pom gra nat hŏ luh kao mâu lah ê hŏ. Ta nây ay mra jao nau rŏng ăn ma gâp.

Nau Mprơ Ueh 8:12

Hơi hađăch Y-Salômôn, du rbăn glo prăk jêng ndơ hađăch, Bar rhiăng jêng ndơ phung kan nkhôm. Bi đang krăk ƀâu gâp jêng ndơ gâp yơh.

Êsai 7:23

Tât nôk nây, ta ăp ntŭk tăm du rbăn tơm krăk ƀâu, rnoh khlay du rbăn rlay prăk, mra hon bêng rtau lok jêh ri pih pŭm.

Markôs 12:1

Brah Yêsu ntơm dŏng nau hôr gay lah ma khân păng: “Bunuyh ri tăm du đang krăk ƀâu, ƀư n'gar jŭm mir, kuyh ntu mpet krăk ƀâu, ƀư du ngih tŭm gak, jêh nây ăn phung kan nkhôm mir krăk ƀâu, jêh ri păng hăn rgăn du bri êng.