Nau Mprơ Ueh 7:5 - Nau Brah Ndu Ngơi 2023

⁵ Bôk ay n'gơr prêh nâm bu yôk Karmel, Sŏk ay mƀơk jong krăk nsrêk, Ƀư ăn ma hađăch ŭch uănh rŏng ngăn.

Nau Mprơ Ueh 7:5 ပူးပေါင်းရင်းမြစ်များ

Nau Ntơm 32:26

Bunuyh nây lah: “Trôk lĕ ang jêh, ăn gâp hăn hom.” Ƀiălah Y-Yakôb lah: “Gâp mâu ăn ôh may hăn, tơlah may mâu ăn nau ueh uĭn ma gâp.”

Nau Mprơ Ơm 68:24

Ơ Brah Ndu jêng Hađăch may, lĕ rngôch bunuyh hŏ saơ jêh phung hăn tâm groi ndrel vơt May, Du phung hăn tâm groi ndrel hăn lăp tâm ntŭk kloh ueh.

Nau Mprơ Ơm 87:2

Brah Yêhôva rŏng ma lĕ mpông pêr Siôn Rlau lơn lĕ ntŭk Yakôb gŭ.

Nau Hôr 5:19

Nâm bu jun me tâm rŏng jêh ri yơng ueh reh ngăn, Ntang ntơh păng ƀư ăn may mpay ƀaƀơ, Jêh ri nau rŏng păng ƀư may hâk răm mro mrăng.

Nau Mprơ Ueh 1:17

Lĕ njon chor ngih he ƀư ma tơm si sêdar da dê, Kađar mpet mpir ƀư ma tơm n'ho.

Nau Mprơ Ueh 4:1

Hơi nơm gâp rŏng, ay ueh reh ngăn, Ay dŭt ueh reh ngăn! Măt ay nâm bu kôp sĭm plŭk Nde pakơi bok nkŭm măt; Sŏk ay nâm bu phung be Nsăt ta lô̆ ta jŭr sop Gilêat.

Nau Mprơ Ueh 4:4

Trô ko ay nâm bu vâl tŭm Y-Đavit, Ndâk jêh gay prăp ndơ tâm lơh. Geh âk khêl yông ta nây, Lĕ rngôch jêng khêl phung tahan janh ktang.

Nau Mprơ Ueh 5:11

Bôk păng jêng mah khlay; Sŏk păng nâm bu rbuh dak Krăk nsrêk nâm bu rsau nđak.

Êsai 35:2

Păng mra geh kao âk jêh ri hâk maak, Răm maak ma nau mprơ. Bu mra ăn ma păng nau chrêk rmah bri Liban, Nđâp ma nau ueh yôk Karmel jêh ri bri Sarôn. Khân păng mra saơ nau chrêk rmah Brah Yêhôva Jêh ri nau chrêk rmah Brah Ndu he.

Mika 7:14

Sŏk hom mâng jra chiă uănh phung ƀon lan may Nây jêng phung biăp drăp ndơn may Păng gŭ êng tâm krŏng, Ta nklang Karmel; Ăn păng sa gơ̆ ta bri Basan jêh ri tâm bri Gilêat Nâm bu tâm rnôk saơm.

Nau Kơp Bunuyh 21:26

Hêsbôn jêng ƀon ma Y-Sihôn, hađăch phung Amôrit, jêng hađăch hŏ tâm lơh jêh đah hađăch kăle ri Môap jêh ri pit sŏk lĕ rngôch neh păng kŏ tât dak krong Arnôn.

Mathay 18:20

Yor lah ta ntŭk geh bar pe nuyh khân may tâm rƀŭn, ma amoh săk Gâp, ta nây Gâp mra gŭ ta nklang khân păng.”

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Êphêsô 1:22

Păng dơm jêh lĕ rngôch ndơ tâm dâng jâng Brah Krist jêh ri njêng Brah Krist jêng bôk ma lĕ ntil ndơ yorlah Phung Ngih Brah Ndu.

Kôlôh 1:18

Păng jêng bôk ma săk jăn, nâm bu ntĭt Phung Ngih Brah Ndu. Păng jêng nau ntơm, jêng Nơm deh lor lơn bơh phung khĭt, gay tâm lĕ rngôch ndơ Păng jêng kôranh toyh da dê.

Kôlôh 2:19

Khân păng mâu tâm rnglăp răp jăp đah bôk gay bơh Păng lĕ săk jăn geh nau siăm rong, geh nau tâm rnglăp ndrel bơh lĕ tâm trŭp nting, rse tâm rnglăp, jêh ri văch ma toyh tĭng nau Brah Ndu ŭch.

Nau Tâm Mpơl 1:14

Bôk jêh ri sŏk Păng nglang nâm bu rsau biăp nglang nâm bu pler; măt Păng nâm bu mpiăt ŭnh;