Nau Mprơ Ueh 7:13 - Nau Brah Ndu Ngơi 2023

¹³ Play pom bri ntô̆ ƀâu n'hôl ƀâu kah, Ta mpông he rơm ndrăp ăp ntil play kah Lĕ rngôch mhe nđâp ma ơm, Gâp gay prăp ăn ma may, nơm gâp rŏng!

Nau Mprơ Ueh 7:13 ပူးပေါင်းရင်းမြစ်များ

Nau Ntơm 30:14

Tâm yan kăch ba ƀlê, Y-Ruben hăn tâm mir, joi saơ play pom bri, jêh ri păng djôt play nây ăn H'Lêa me păng. H'Rachel lah ma H'Lêa: “Ăn ma gâp pă play pom bri kon ay.”

Nau Mprơ Ueh 2:3

Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Nau Mprơ Ueh 4:13

Jêng du đang play pom gra nat ndrel lĕ nkeh nse, Ndrel ăp ntil play tơm si săch, Kao hêna jêh ri tơm si dak kôlônh;

Nau Mprơ Ueh 4:16

Hơi sial pa lơ, khôm hom, Hơi sial pa dâng, ăn văch hom! Khôm hom ta đang gâp, Gay ƀâu n'hôl dak ƀâu kah lam ntŭk! Ndă lah nơm gâp rŏng lăp tâm đang păng, Jêh ri chiăm âk kao ƀâu play kah!

Nau Mprơ Ueh 6:11

Gâp hăn jŭr ta đang play nhhăr, Gay uănh nkeh nse tâm rlŭng, Uănh đang krăk ƀâu hŏ chăt nkŭr, Pom gra nat hŏ luh kao mâu lah ê hŏ.

Nau Mprơ Ueh 8:1

Ndă lah may nâm bu nâu ma gâp, Ndrel pu nsum ta toh mê̆! Gay dôl mâp may ta rŏ trong, Gâp mra dơi chŭm may, Mâu geh ôh nơm tâm mưch rmot.

Êsai 23:18

Ƀiălah ndrăp kao jêh ri rnoh nkhôm păng mra prăp êng ma Brah Yêhôva, ntrok dônh bun nkrem. Yorlah drăp kao nây mra dơi prăp ma phung pah kan tanăp măt Brah Yêhôva, gay khân păng dơi sa rmeh ler jêh ri nsoh bok ao ueh.

Mathay 13:52

Păng lah: “Pôri, ăp nơm kôranh nchih samƀŭt gĭt lĕ nau ƀon bri hađăch klơ trôk, nâm bu du huê kôranh ngih ri, djôt leo lĕ ndơ mhe nđâp ndơ ơm luh bơh jay ndơ khlay păng nơm.”

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Yôhan 15:8

Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp.

I Kôrintô 16:2

Ta nar nguay ăp nar pơh, ăp nơm tâm khân may, tĭng nâm dơi geh khân may nơm, prăp hom du kô̆; lơi kâp nôk gâp tât jêh nây ntơm riu prăk.

I Kôrintô 2:9

Ƀiălah, tâm ban ma nau nchih: “Lĕ nau măt mâu mâp saơ, tôr mâu mâp tăng, Jêh ri nuih n'hâm mâu mâp mĭn Brah Ndu hŏ ơm rơm jêh ma phung bunuyh rŏng ma Păng.”

Êphêsô 5:9

yorlah play nau ang jêng lĕ nau ueh, nau sŏng srăng jêh ri nau nanê̆ ngăn.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Kôlôh 3:17

Ăp ntil nau khân may ngơi mâu lah ƀư, ƀư hom lĕ rngôch nau tâm amoh Kôranh Brah jêng Brah Yêsu, yor tă Păng he lah ueh Brah Ndu, jêng Brah Ndu Mbơ̆.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.