Nau Mprơ Ueh 6:9 - Nau Brah Ndu Ngơi 2023

⁹ Ƀiălah sĭm plŭk, hơi nơm ueh ngăn ngên, ay jêng mrô nguay! Jêng kon bu ur knŏng nguay ma mê̆ păng, Du huê kon nơm rŏng lơn ma nơm hŏ deh păng. Lĕ bu ur druh saơ păng rnê păng geh nau ueh uĭn da dê. Lĕ hađăch bu ur jêh ri ur yông tâm rnê păng da dê.

Nau Mprơ Ueh 6:9 ပူးပေါင်းရင်းမြစ်များ

Nau Ntơm 30:13

H'Lêa lah: “Maak ngăn gâp! Yorlah phung bu ur mra rnha gâp nơm geh nau ueh uĭn.” Păng tâm amoh kon se nây jêng Y-Aser.

I Phung Hađăch 11:3

Hađăch geh pơh rhiăng nuyh ur jêh ri pe rhiăng nuyh ur yông; khân păng ƀư vĭ ma nuih n'hâm hađăch.

Nau Mprơ Ơm 126:2

Rnôk nây trôm mbung hên bêng ma nau gơm, Mpiăt hên ma nau mprơ troh rhơn. Bu lah ta nklang phung mpôl băl pô aơ: “Brah Yêhôva hŏ ƀư lĕ nau kan dŭt toyh jêh ma khân păng.”

Nau Mprơ Ơm 45:9

Tâm phung ndrŏng hađăch geh phung kon bu ur hađăch; Ur hađăch gŭ pa ma hađăch, ndơ nkrơ̆ ma mah Ôphir.

Nau Mprơ Ueh 2:14

Hơi plŭk gâp! Ay krap ay nơm tâm nđa lŭ, kêng mpir yôk rdâk, Ăn gâp dơi uănh muh măt ay, Jêh ri tăng bâr ay ngơi; Yorlah bâr ay njŭng rah rơch, Muh măt ay ueh reh.

Nau Mprơ Ueh 5:2

Gâp bê̆ch ƀiălah nuih n'hâm gâp rngeh. Ri! Nơm gâp rŏng goh mpông: “Pơk mpông ăn ma gâp, oh bu ur gâp, nơm gâp rŏng, Sĭm plŭk gâp nơm, nơm ueh ngăn ngên ma gâp! Yorlah bôk gâp bĕ hâu ngăn, Sŏk gâp bĕ dak ngom dôl bri măng.”

Nau Kơp Bunuyh 23:9

Yorlah bơh klơ n'gơn yôk gâp saơ Israel, Tă bơh chor prêh, gâp uănh khân păng: Aơ jêng du phung ƀon lan prăp êng, Jêh ri mâu kơp ôh păng nơm ndrel ma phung mpôl băl bunuyh.

Galati 4:26

Ƀiălah ƀon Yêrusalem ta klơ trôk jêng kon me; nây jêng me he.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

II Têsalônik 1:10

tơlah Păng plơ̆ văch tâm nar nây, gay geh nau tâm rnê ta nklang phung kloh ueh Păng jêh ri lĕ rngôch phung chroh geh nau n'gơr uănh, tâm nây geh khân may, yor ma khân may chroh jêh ma nau hên mbơh tanăp măt khân may.