Nau Mprơ Ueh 6:4 - Nau Brah Ndu Ngơi 2023

⁴ Hơi nơm gâp rŏng, ay ueh nâm bu ƀon Tirsa Rom nkrơ̆ nâm bu ƀon Yêrusalem, Rnam nâm bu tahan yơr kơ rduh tâm lơh.

Nau Mprơ Ueh 6:4 ပူးပေါင်းရင်းမြစ်များ

I Phung Hađăch 14:17

Ur Y-Jêrôbôam dâk hăn sĭt jêh ri hăn tât ta Tirsa. Tơlah păng jot jâng ta mpông sâng lăp ngih, kon se khĭt.

I Phung Hađăch 15:21

Y-Baêsa gĭt nau nây, rlu ro ndâk pôih Rama jêh ri gŭ ta Tirsa.

I Phung Hađăch 15:33

Tâm năm tơ̆ pe Y-Asa hađăch Yuđa, Y-Baêsa, kon bu klâu Y-Ahija, hao ƀư hađăch lĕ rngôch Israel jêh ri chiă uănh bar jât ma puăn năm ta Tirsa.

Nau Mprơ Ơm 48:2

Yôk Siôn prêh ngăn ueh reh Jêng nau răm maak ma lĕ rngôch neh ntu. Jêng yôk prêh lơn ma Saphôn, Jêng ƀon Hađăch dŭt toyh.

Nau Mprơ Ơm 48:3

Brah Ndu gŭ lĕ pôih nâp tâm ƀon Jêh ri Păng jêng ntŭk păng nde krap.

Nau Mprơ Ơm 50:2

Bơh Siôn ueh reh rah vah ngăn, Brah Ndu nchrat ang jêh.

Nau Mprơ Ueh 1:15

Nơm rŏng ueh reh gâp ơi, Ay ueh reh jêh ri mâm ƀư rom nkrơ̆! Măt ay nâm bu măt plŭk.

Nau Mprơ Ueh 1:5

Hơi bu ur druh ƀon Yêrusalem, Gâp krăk ƀiălah ueh ray, Krăk nâm bu lĕ ngih bok Kêdar, Ueh ray nâm bu lĕ bok nching Y-Salômôn.

Nau Mprơ Ueh 2:14

Hơi plŭk gâp! Ay krap ay nơm tâm nđa lŭ, kêng mpir yôk rdâk, Ăn gâp dơi uănh muh măt ay, Jêh ri tăng bâr ay ngơi; Yorlah bâr ay njŭng rah rơch, Muh măt ay ueh reh.

Nau Mprơ Ueh 4:7

Hơi nơm gâp rŏng, ay ueh reh ngăn, Mâu khap mâu têl khap jât kô̆ nŭm jât.

Nau Mprơ Ueh 5:2

Gâp bê̆ch ƀiălah nuih n'hâm gâp rngeh. Ri! Nơm gâp rŏng goh mpông: “Pơk mpông ăn ma gâp, oh bu ur gâp, nơm gâp rŏng, Sĭm plŭk gâp nơm, nơm ueh ngăn ngên ma gâp! Yorlah bôk gâp bĕ hâu ngăn, Sŏk gâp bĕ dak ngom dôl bri măng.”

Nau Mprơ Ueh 6:10

Bu ur ri mbu nơm jêng dĭng mpơl nâm bu ƀhit rvi ang, Ueh nâm bu khay, chrêk lơp nâm bu nar, Rnam nâm bu tahan yơr kơ rduh tâm lơh?

Nau Nhĭm Vơl 2:15

Lĕ rngôch bunuyh rgăn rŏ trong Tap ti, nsŭch, rteh bôk, Ntêh rmot bu ur druh ƀon Yêrusalem: “Di lĕ aơ jêng ƀon toyh bu ntơ: ‘Nau ueh reh rah vah ngăn, Nau răm rhơn ma lĕ rngôch neh ntu’ lĕ?”

Sakari 12:3

Tâm nar nây, Gâp mra ƀư ăn ma ƀon Yêrusalem jêng du mlâm lŭ toyh jâk ngăn ăn ma lĕ rngôch ntil mpôl bunuyh; mbu moh chông păng mra geh nau sôt rmanh jru. Jêh ri lĕ rngôch bri dak ta klơ neh mra tâm rgum gay tâm rdâng đah păng.”

II Kôrintô 10:4

Ndơ tâm lơh hên dŏng mâu di jêng lĕ ndơ tâm lơh bơh nglay săk ôh, ƀiălah jêng nau brah Brah Ndu gay ƀư rlâm lĕ pôih,

Êphêsô 5:27

gay tâm mpơl măt ta năp Păng du Phung Ngih Brah Ndu chrêk rmah, mâu têl, mâu nsŭn, mâu geh ndơ tâm ban pônây ôh, ƀiălah kloh ueh jêh ri dŭt ueh ngăn.

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.