Nau Mprơ Ueh 6:10 - Nau Brah Ndu Ngơi 2023

¹⁰ Bu ur ri mbu nơm jêng dĭng mpơl nâm bu ƀhit rvi ang, Ueh nâm bu khay, chrêk lơp nâm bu nar, Rnam nâm bu tahan yơr kơ rduh tâm lơh?

Nau Mprơ Ueh 6:10 ပူးပေါင်းရင်းမြစ်များ

II Samuel 23:4

Păng jêng nâm bu nchrat ang ôi, tơlah ƀli luh nar, Kêng ôi mâu geh ndâr tŭk ôh; Nâm bu nau ang nchrat lah jêh mih, Ƀư ma gơ̆ nse chăt bơh neh.’

Ndrom Samƀŭt bơh Yôp 11:17

Nau rêh may mra ang lơn nar nklang bôk; Nau ngo plăch jêng ƀhit rvi ang.

Ndrom Samƀŭt bơh Yôp 31:26

Tơlah gâp treng uănh nar nchrat ang, Uănh khay luh mpơl nchrang lơ vơ.

Nau Mprơ Ơm 14:5

Ta nây, khân păng geh nau klach krit hâu ngăn, Yorlah Brah Ndu koh dŏng noi deh bunuyh sŏng srăng.

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Nau Mprơ Ueh 1:15

Nơm rŏng ueh reh gâp ơi, Ay ueh reh jêh ri mâm ƀư rom nkrơ̆! Măt ay nâm bu măt plŭk.

Nau Mprơ Ueh 3:6

Mbu nơm nây văch tă bơh bri rdah, Nâm bu n'gâng nhhŭk ŭnh, Ƀâu n'hôl âk ntăk si ƀâu kah dak si tăng, Thŭl rvêt lĕ ntil rnih ƀâu kah rvăt tă bơh phung tăch drăp?

Nau Mprơ Ueh 6:4

Hơi nơm gâp rŏng, ay ueh nâm bu ƀon Tirsa Rom nkrơ̆ nâm bu ƀon Yêrusalem, Rnam nâm bu tahan yơr kơ rduh tâm lơh.

Nau Mprơ Ueh 8:5

Mbu dôl bơh bri rdah hăn hao, Mbin nsing ma nơm păng rŏng? Tâm dâng tơm si mandragôr gâp hŏ rlay may, Ta ntŭk aơ yơh mê̆ may hŏ hŏt rgănh yor may, Ta ntŭk aơ yơh mê̆ may ma nau ji deh may.

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Êsai 63:1

Nơm bơh ƀon Bôsra bri Êđôm văch, Nsoh bok ao chăng rhưch, ndơ nsoh chrêk rmah, Nhuat hăn rnam ma nau ktang dŭt toyh, Mbu moh Nơm aơ? “Gâp yơh, Nơm mbơh nau sŏng srăng, Nơm brah dơi tâm rklaih!”

Ndrom Samƀŭt bơh Ôsê 6:5

Yor ri, Gâp dŏng jêh phung nơm mbơh lor koh lơi khân păng; Gâp hŏ nkhĭt khân păng ma nau ngơi tă bơh trôm mbung Gâp, Nau Gâp phat dôih luh hăn nâm bu nau ang.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Mathay 13:43

Nôk nây, phung sŏng srăng mra geh nchrat ang nâm bu nar tâm ƀon bri hađăch Mbơ̆ khân păng. Mbu nơm geh tôr rkêng iăt hom!”

Mathay 17:2

Păng rgâl săk jăn tanăp khân păng: muh măt Păng ral ang nâm bu ang nar ao Păng jêng nglang nâm bu nau ang.

Samƀŭt Pôl Njuăl Ăn Ma Phung Nsing Ta Ƀon Rôm 8:37

Ƀiălah, tâm lĕ nau nây phung he yor Nơm rŏng ma he, he dơi mro mrăng.

Êphêsô 5:27

gay tâm mpơl măt ta năp Păng du Phung Ngih Brah Ndu chrêk rmah, mâu têl, mâu nsŭn, mâu geh ndơ tâm ban pônây ôh, ƀiălah kloh ueh jêh ri dŭt ueh ngăn.

Nau Tâm Mpơl 1:16

Ti pa ma Păng djôt pơh mănh mbing; geh du mlâm đao bar măt mplônh ngăn luh tă bơh trôm mbung Păng; muh măt Păng tâm ban ma nar nchrat ang ma lĕ nau ktang.

Nau Tâm Mpơl 10:1

Pakơi nây, gâp saơ du huê tông mpăr êng geh nau dơi jŭr tă bơh trôk, geh du ndâr tŭk nkŭm păng. Ta klơ bôk tông mpăr geh bêh tŭng tĭng; muh măt tông mpăr nâm bu nar jêh ri jâng nâm bu n'gâng ŭnh.

Nau Tâm Mpơl 12:1

Jêh nây geh du nau mbên khlay toyh mpơl ta klơ trôk: Du huê bu ur geh nau nkŭm păng nơm ma nar, jâng păng dâk ta klơ khay, bôk păng ndô đon hađăch geh jât ma bar mlâm mănh mbing.

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

Nau Tâm Mpơl 22:16

“Gâp jêng Brah Yêsu, njuăl jêh tông mpăr Gâp văch gay mbơh nkoch lĕ nau aơ ma khân may tanăp lĕ Phung Ngih Brah Ndu. Gâp jêng Tơm Reh jêh ri Kon Sau Y-Đavit, jêng Mănh Mbing Ôi nchrat ral ngăn.”

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.