Nau Mprơ Ueh 6:1 - Nau Brah Ndu Ngơi 2023

¹ Hơi nơm ueh reh lơn tâm phung bu ur? Nơm ay rŏng ntŭk hăn? Nơm ay rŏng ntŭk mpeh plơ̆ sĭt Gay ma phung hên joi ndrel ma ay?

Nau Mprơ Ueh 6:1 ပူးပေါင်းရင်းမြစ်များ

Nau Mprơ Ueh 1:4

Dăn têk gâp tĭng may, ăn he gơnh chuat ndrel, — Hađăch hŏ njŭn gâp sĭt tâm ngih hađăch — Phung he nsum răm maak rhơn răm ndrel may, Nsum tâm rnê nau may rŏng, âk lơn ma ndrănh. Lĕ bu druh mâm ƀư mâu dơi rŏng ma may!

Nau Mprơ Ueh 1:8

Aơ bunuyh ueh ray lơn tâm lĕ rngôch bu ur, Tơlah ay mâu gĭt, Pôri hăn tĭng têl phung biăp, Leo phung be kon hăn sa Ta meng vâl bok phung chiăp.

Nau Mprơ Ueh 2:2

Nơm gâp rŏng ta nklang phung bu ur druh, Nâm bu n'gĭng kao si ueh ta nklang pôm lok.

Nau Mprơ Ueh 5:6

Gâp pơk mpông ăn ma nơm gâp rŏng, Ƀiălah nơm gâp rŏng hŏ du roh jêh. Păng hŏ du roh jêh, nuih n'hâm gâp khĭt klêm. Gâp joi păng, ƀiălah mâu mâp ôh; Gâp kuăl păng ƀiălah păng mâu plơ̆ lah.

Nau Mprơ Ueh 5:9

Hơi bu ur ueh rlau lơn tâm lĕ phung bu ur, Nơm ay rŏng geh ndơ rlau nơm êng đŏng? Nơm ay rŏng geh ndơ rlau nơm êng Dĭng ay vơl dăn ma hên nâm bu pônây?

Nau Mprơ Ueh 6:4

Hơi nơm gâp rŏng, ay ueh nâm bu ƀon Tirsa Rom nkrơ̆ nâm bu ƀon Yêrusalem, Rnam nâm bu tahan yơr kơ rduh tâm lơh.

Êsai 2:5

Hơi ngih Yakôb, văch hom! Ăn he chuat hăn hom tâm nau ang Brah Yêhôva.

Yêrêmi 14:8

Ơ Kôranh Brah, May jêng nau kâp gân ma phung Israel, Nơm tâm rklaih tâm nau rêh ni, Mâm ƀư may nâm bu du huê bu năch tâm n'gor aơ, Nâm bu du huê bu năch veh bê̆ch njưh du măng?

Bu ur Rut 2:12

Dăn Brah Yêhôva nsĭt lah nau ay hŏ ƀư jêh. Dăn ma Păng ăn nau nkhôm ma ay rmeh ler yorlah ay hŏ văch jêh gay nde tâm dâng năr Yêhôva Brah Ndu phung Israel.”