Nau Mprơ Ueh 5:6 - Nau Brah Ndu Ngơi 2023

⁶ Gâp pơk mpông ăn ma nơm gâp rŏng, Ƀiălah nơm gâp rŏng hŏ du roh jêh. Păng hŏ du roh jêh, nuih n'hâm gâp khĭt klêm. Gâp joi păng, ƀiălah mâu mâp ôh; Gâp kuăl păng ƀiălah păng mâu plơ̆ lah.

Nau Mprơ Ueh 5:6 ပူးပေါင်းရင်းမြစ်များ

Nau Ntơm 42:28

Păng lah ma phung oh nâu păng: “Uănh aơ, prăk gâp bu hŏ mplơ̆ tay ma gâp. Prăk gŭ ta bâr ƀau gâp!” nâm bu bunuyh roh nuih n'hâm, râm sâr ngơi ndrăng khân păng: “Moh nau Brah Ndu hŏ ƀư ma he aơ?”

II Samuel 16:10

Ƀiălah hađăch lah: “Hơi phung kon bu klâu H'Sêruya, moh nau gâp geh đah khân may? Tơlah Y-Simei rak rtăp yorlah Brah Yêhôva hŏ lah jêh ma păng pô aơ: ‘Rak rtăp hom ma Y-Đavit,’ pôri mbu nănh lah păng: ‘Mbah tă may lah nau nây?’”

Nau Mprơ Ơm 28:1

Ơ Brah Yêhôva, gâp kuăl May jêng lŭ toyh ma gâp; Lơi ta nsêt tôr ma gâp. Yorlah tơlah May gŭ rklăk mro đah gâp, Gâp mra jêng tâm ban lĕ phung jŭr tâm môch.

Nau Mprơ Ơm 30:7

Ơ Brah Yêhôva, yor nau yô̆ May, Yôk gâp dơi ndâk nâp. Ƀiălah dôl May pôn măt, Pôri gâp geh nau rŭng răng ro.

Nau Mprơ Ơm 69:3

Gâp nter, kŏ rgănh, Trô ko gâp lĕ kroh, Măt gâp huănh hươi Dôl kâp Brah Ndu gâp.

Nau Mprơ Ơm 77:3

Gâp kah gĭt ma Brah Ndu jêh ri gâp mra uh ah, lŭng nter; Huêng gâp huăr jêh. (Sêla)

Nau Mprơ Ơm 80:4

Ơ Yêhôva Brah Ndu ma phung tahan, Ndah hôm jŏ May ji nuih ma nau phung ƀon lan May mbơh sơm?

Nau Hôr 1:28

Rnôk nây khân păng mra kuăl gâp, ƀiălah gâp mâu plơ̆ lah ôh; Ơm ôi khân păng mra joi gâp, ƀiălah mâu ôh dơi mâp gâp.

Nau Mprơ Ueh 5:2

Gâp bê̆ch ƀiălah nuih n'hâm gâp rngeh. Ri! Nơm gâp rŏng goh mpông: “Pơk mpông ăn ma gâp, oh bu ur gâp, nơm gâp rŏng, Sĭm plŭk gâp nơm, nơm ueh ngăn ngên ma gâp! Yorlah bôk gâp bĕ hâu ngăn, Sŏk gâp bĕ dak ngom dôl bri măng.”

Nau Mprơ Ueh 5:4

Nơm gâp rŏng nsro ti găn ta trôm mpông, Nuih n'hâm gâp mpât rđŭk yor păng.

Nau Mprơ Ueh 6:1

Hơi nơm ueh reh lơn tâm phung bu ur? Nơm ay rŏng ntŭk hăn? Nơm ay rŏng ntŭk mpeh plơ̆ sĭt Gay ma phung hên joi ndrel ma ay?

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsai 57:16

Gâp mâu ndăng mro nau tih, Mâu lĕ mra nuih mro mrăng; Yorlah huêng bunuyh mra hŏt rgănh tanăp Gâp, Jêh ri lĕ huêng rêh phung Gâp rhăk jêng tâm ban lĕ.

Êsai 58:2

Ăp nar, khân păng joi Gâp, Jêh ri gay gĭt năl trong Gâp, Tâm ban ma du ndŭl mpôl ƀư nau sŏng srăng Jêh ri nâm bu mâu chalơi ôh nau vay ƀư bơh Brah Ndu khân păng! Khân păng dăn ma Gâp nau phat dôih sŏng, Jêh ri răm maak hăn dăch Brah Ndu.

Êsai 8:17

Gâp mra gŭ kâp Brah Yêhôva, jêng Nơm pôn muh măt Păng bơh ngih Yakôb; gâp mra kâp gân Păng!

Nau Nhĭm Vơl 3:8

Nđâp tơlah gâp kuăl vơh vơl jêh ri dăn nau kơl, Păng dun mâu iăt ôh nau gâp mbơh sơm;

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Ndrom Samƀŭt bơh Ôsê 5:6

Khân păng mra hăn ndrel ma phung biăp phung ndrôk khân păng Gay tĭng joi Brah Yêhôva, Ƀiălah khân păng mâu dơi mâp Păng ôh! Păng hŏ chalơi jêh khân păng.

Sakari 7:13

Brah Yêhôva ma phung tahan lah: ‘Lah Gâp kuăl, khân păng mâu ŭch iăt ôh, pôri lĕ, lah khân păng kuăl dăn, kŏ Gâp mâu iăt lĕ.

Mathay 26:75

Y-Pêtrôs kah gĭt tay nau Brah Yêsu lah jêh: “Êlor ta iăr ndrau, may mra dun ma Gâp pe tơ̆.” Jêh nây păng hăn luh, nhĭm rngot ngăn.

Markôs 14:72

Dôl nôk nây, iăr ndrau rơh bar. Y-Pêtrôs kah gĭt ma nau Brah Yêsu lah jêh ma păng: “Êlor ma iăr ndrau rơh bar, may mra dun ma Gâp pe tơ̆.” Păng nhĭm rngot hâu ngăn.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!

I Samuel 28:6

Y-Sôl ôp ma Brah Yêhôva, ƀiălah Brah Yêhôva mâu plơ̆ lah ôh, mâu lĕ saơ nau mbơi, mâu lah ma Urim, mâu lah ma phung nơm mbơh lor.