Nau Mprơ Ueh 5:5 - Nau Brah Ndu Ngơi 2023

⁵ Gâp dâk ro pơk mpông ăn ma nơm gâp rŏng, Kôp ti gâp truh dak si tăng, Jêh ri nglau ti gâp bêng ma dak si tăng Jŭr hoch lĕ ma rnăng nđăng mpông.

Nau Mprơ Ueh 5:5 ပူးပေါင်းရင်းမြစ်များ

Nau Mprơ Ueh 1:16

Nơm gâp rŏng ơi, may bu klâu ueh, May di rŏng ngăn! Sưng he jêng lôk mir nđĭr rngêt.

Nau Mprơ Ueh 3:6

Mbu nơm nây văch tă bơh bri rdah, Nâm bu n'gâng nhhŭk ŭnh, Ƀâu n'hôl âk ntăk si ƀâu kah dak si tăng, Thŭl rvêt lĕ ntil rnih ƀâu kah rvăt tă bơh phung tăch drăp?

Nau Mprơ Ueh 5:13

Bar trô bom păng nâm bu mbor kao ƀâu kah, Thŭl rvêt n'hôl ƀâu kah; Ndôi păng nâm bu kao si ueh, Bĕ dak si tăng hoch njŏ.

Nau Mprơ Ueh 5:2

Gâp bê̆ch ƀiălah nuih n'hâm gâp rngeh. Ri! Nơm gâp rŏng goh mpông: “Pơk mpông ăn ma gâp, oh bu ur gâp, nơm gâp rŏng, Sĭm plŭk gâp nơm, nơm ueh ngăn ngên ma gâp! Yorlah bôk gâp bĕ hâu ngăn, Sŏk gâp bĕ dak ngom dôl bri măng.”

Luka 12:36

Ăn khân may ƀư tâm ban ma phung bunuyh gŭ kâp kôranh khân may plơ̆ văch bơh nau nhêt sông tâm nkol ur sai, gay nôk kôranh sĭt tât, goh mpông ri mơ pơk mpông ro.

II Kôrintô 7:7

mâu knŏng yor nau Y-Tit tât dơm, ƀiălah yor ma nau bonh leng păng nơm hŏ dơn jêh bơh khân may đŏng. Păng lah đah hên jêh ma nau kâp gân, nau rngot rvê, jêh ri nuih n'hâm khân may duh nđơr ma gâp, ƀư ăn gâp geh nau răm maak âk lơn.

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Nau Tâm Mpơl 3:20

Aơ, Gâp gŭ padih mpông jêh ri goh; tơlah mbu nơm tăng bâr Gâp jêh ri pơk mpông, Gâp mra lăp gŭ ndrel ma bunuyh nây, sông sa ndrel ma păng jêh ri păng ndrel ma Gâp.