Nau Mprơ Ueh 5:16 - Nau Brah Ndu Ngơi 2023

¹⁶ Mbung păng dŭt njŭng ngăn, Lĕ săk păng di ma rŏng ngăn. Hơi phung bu ur Yêrusalem. Nơm gâp rŏng jêng pônây, băl gâp rŏng nâm bu pônây yơh!

Nau Mprơ Ueh 5:16 ပူးပေါင်းရင်းမြစ်များ

II Samuel 1:23

Y-Sôl jêh ri Y-Jônathan rŏng ndrăng khân păng âk ngăn, Tâm nau rêh jêh ri tâm nau khĭt, khân păng mâu tâm nkhah ôh: Khân păng prăl lơn klang lêl, Ktang lơn yau mŭr!

Nau Mprơ Ơm 119:103

Nau May ngơi jêng njŭng mpiăt gâp hâu ngăn! Nanê̆ njŭng lơn ma dak sŭt tâm trôm mbung gâp!

Nau Mprơ Ơm 148:13

Ăn lĕ rngôch ndơ tâm rnê ma amoh Yêhôva! Yorlah knŏng amoh Păng yơh khư yơk mbah! Nau chrêk rmah Păng ta klơ lơn ma neh ntu jêh ri ma lĕ ndâr trôk.

Nau Mprơ Ơm 19:10

Lĕ nau nây khlay lơn ma mah, Nanê̆ ngăn khlay lơn ma mah chrêk; Njŭng lơn ma dak sŭt, Ngăn yơh njŭng lơn ma mpơng dak sŭt.

Nau Mprơ Ơm 45:2

May ueh lơn ma lĕ rngôch phung bu klâu kon bunuyh; Mbung may bêng ler ma nau yô̆: Yor nây Brah Ndu ăn nau ueh uĭn ma may n'ho ro.

Nau Mprơ Ơm 89:6

Yorlah mbu nơm gŭ ta klơ lĕ ndâr trôk dơi tâm rđĭl ma Brah Yêhôva? Tâm lĕ phung brah, mbu nơm dơi tâm ban ma Brah Yêhôva?

Nau Mprơ Ueh 1:16

Nơm gâp rŏng ơi, may bu klâu ueh, May di rŏng ngăn! Sưng he jêng lôk mir nđĭr rngêt.

Nau Mprơ Ueh 1:2

Ndă lah păng chŭm gâp đah nau chŭm bơh trôm mbung păng! Yorlah nau păng rŏng ueh lơn ma ndrănh.

Nau Mprơ Ueh 1:5

Hơi bu ur druh ƀon Yêrusalem, Gâp krăk ƀiălah ueh ray, Krăk nâm bu lĕ ngih bok Kêdar, Ueh ray nâm bu lĕ bok nching Y-Salômôn.

Nau Mprơ Ueh 2:1

Gâp jêng kao rôs tâm lôk mir Sarôn, Jêng n'gĭng kao si ueh tâm rlŭng jru.

Nau Mprơ Ueh 2:16

Nơm gâp rŏng jêng ndơ gâp, jêh ri gâp jêng ndơ păng; Păng ăn biăp sa gơ̆ tâm nklang kao si ueh.

Nau Mprơ Ueh 2:3

Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Nau Mprơ Ueh 4:3

Ndôi ay nâm bu rse brai dŭm, Mbung ay ueh reh; Bar trô bom ay nâm bu play pom gra nat plah bar, Bok dŭm pakơi bok nkŭm muh măt.

Nau Mprơ Ueh 6:3

Gâp jêng ndơ nơm gâp rŏng jêh ri nơm gâp rŏng jêng ndơ gâp; Păng ăn biăp sa gơ̆ tâm nklang kao si ueh.

Nau Mprơ Ueh 7:9

Jêh ri mbung ay ndrănh kah ngăn. Ŭch ma ndrănh hoch ueh lăp ma nơm ay rŏng, Bêng ler trôm mbung nơm gŭ bê̆ch.

Yêrêmi 15:16

Mâp geh nau May ngơi, gâp hŏ sa rvăn jêh; Nau May ngơi jêng nau răm maak, hâk maak ma nuih n'hâm gâp; Yorlah gâp dơi ntơ ma amoh May, Ơ Yêhôva Brah Yêhôva ma phung tahan.

Yêrêmi 3:20

Ƀiălah hơi ngih phung Israel, Mâm du huê bu ur mâu răp jăp chalơi sai păng. Pôri khân may ăt mâu răp jăp đah Gâp pônây lĕ.’ ” Brah Yêhôva lah pônây.

Ndrom Samƀŭt bơh Ôsê 3:1

Brah Yêhôva lah ma gâp: “Hăn hom jêh ri rŏng tay ma du huê bu ur dôl văng tĭr jêh ri geh nơm tĭr, nâm bu Brah Yêhôva ăt rŏng ma phung ƀon lan Israel nđâp lah khân păng rle ma phung brah êng jêh ri rŏng ma ƀănh play krăk ƀâu kro.”

Galati 2:20

Bu pâng kđĭn jêh gâp ta si tâm rkăng ndrel ma Brah Krist, jêh ri gâp gŭ rêh, mâu di gâp gŭ rêh đŏng, ƀiălah Brah Krist gŭ rêh tâm gâp. Aƀaơ aơ gâp gŭ rêh tâm nglay săk, nâm bu ntĭt gâp gŭ rêh tâm nau chroh ma Kon Brah Ndu, jêng Nơm rŏng jêh ma gâp jêh ri jao jêh Păng nơm yor gâp.

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

Yakơ 2:23

Pôri, nau ngơi tâm Nau Brah Ndu Ngơi hŏ geh tât di ngăn: “Abraham chroh ma Brah Ndu, jêh ri tă bơh nĕ păng dơi kơp jêng sŏng srăng” jêh ri Brah Ndu kuăl păng jêng mĭt jiăng ma Păng.

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.