Nau Mprơ Ueh 4:6 - Nau Brah Ndu Ngơi 2023

⁶ Kŏ tât sial ang ôi khôm, Jêh ri nau ngo du roh, Gâp mra hăn hao yôk dak si tăng, Tât gôl ntăk si ƀâu kah.

Nau Mprơ Ueh 4:6 ပူးပေါင်းရင်းမြစ်များ

Nau Mprơ Ơm 66:15

Gâp mra nhhơr ma May lĕ biăp lay ueh jêng mpa ƀư brah gŭch Ma ngi biăp nkuăng. Gâp mra nhhơr lĕ ndrôk nkuăng jêh ri be nkuăng. (Sêla)

Nau Ngluh Êjipt 20:24

Ăn may ndâk ma Gâp nơng ƀư brah ma neh jêh ri ta klơ nây nhhơr ndơ ƀư brah gŭch, ndơ ƀư brah ma nau đăp mpăn, mâu lah biăp mâu lah ndrôk khân may. Ta ăp ntŭk Gâp mpơl amoh Gâp gay kah gĭt, Gâp mra văch jêh ri ăn nau ueh uĭn ma may.

Nau Ngluh Êjipt 30:8

Kêng măng, dôl mpoh ŭnh kađen, Y-Arôn mra su đŏng ndơ ƀâu kah; nây jêng ndơ ƀâu kah nhhơr ăn ƀaƀơ tanăp Brah Yêhôva tâm ăp rô̆.

Nau Ngluh Êjipt 37:29

Păng lŭk lai đŏng dak ƀâu kah kloh gay mhĭng, jêh ri ndơ ƀâu kah njŭng tĭng nâm nau vay lŭk lai ndơ ƀâu kah.

Nau Mprơ Ueh 2:17

Kŏ tât sial ơm ôi khôm lhêt, Jêh ri nau ngo du roh. Hơi nơm gâp rŏng! Plơ̆ sĭt hom, Nâm bu du mlâm yơng Mâu lah jun kon jê̆ ta klơ yôk Bêthet.

Nau Mprơ Ueh 3:6

Mbu nơm nây văch tă bơh bri rdah, Nâm bu n'gâng nhhŭk ŭnh, Ƀâu n'hôl âk ntăk si ƀâu kah dak si tăng, Thŭl rvêt lĕ ntil rnih ƀâu kah rvăt tă bơh phung tăch drăp?

Nau Mprơ Ueh 4:14

Dak kôlônh jêh ri rmĭt kring, Calamôs jêh ri sinamôn, Jêh ri ăp ntil tơm si geh n'hôl ƀâu kah, Dak si tăng, alôê Ndrel ma lĕ dak si ƀâu kah ngăn.

Nau Mprơ Ueh 8:14

Gơnh hom, hơi nơm gâp rŏng, Ăn nâm bu du mlâm yơng Nâm bu mlâm jun nkuăng ndăm Ta klơ yôk n'hôl ƀâu kah!

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Luka 1:78

Yor nuih n'hâm yô̆ nđach bơh Brah Ndu he, Ang ơm ôi bơh klơ prêh chop khâl he,

II Pêtrôs 1:19

Yor ma nau nây, nau mbơh lor hên geh lơ hô ngơi rah vah lơn. Ăn khân may rkêng tôr iăt ma nau aơ nâm bu ŭnh kađen sol ang tâm ntŭk ngo, kŏ tât mpơl nôk nar jêh ri mănh mbing ôi luh tâm nuih n'hâm khân may.

I Yôhan 2:8

Ƀiălah, gâp nchih đŏng ma khân may nau vay ntăm mhe, jêng nau nanê̆ ngăn tâm Păng jêh ri tâm khân may, yorlah nau ngo hŏ ntơm roh jêh, jêh ri nau ang ngăn dôl sol ang.

Nau Tâm Mpơl 22:16

“Gâp jêng Brah Yêsu, njuăl jêh tông mpăr Gâp văch gay mbơh nkoch lĕ nau aơ ma khân may tanăp lĕ Phung Ngih Brah Ndu. Gâp jêng Tơm Reh jêh ri Kon Sau Y-Đavit, jêng Mănh Mbing Ôi nchrat ral ngăn.”

Nau Tâm Mpơl 5:8

Tơlah Kon Biăp sŏk ndrom samƀŭt, puăn mlâm mpa rêh jêh ri bar jât ma puăn kôranh bu ranh, chon mon tanăp Kon Biăp; ăp nơm djôt du mlâm gong rêng jêh ri lĕ ngan mah dơ bêng ndơ ƀâu kah, jêng nau mbơh sơm phung kloh ueh.