Nau Mprơ Ueh 4:3 - Nau Brah Ndu Ngơi 2023

³ Ndôi ay nâm bu rse brai dŭm, Mbung ay ueh reh; Bar trô bom ay nâm bu play pom gra nat plah bar, Bok dŭm pakơi bok nkŭm muh măt.

Nau Mprơ Ueh 4:3 ပူးပေါင်းရင်းမြစ်များ

Nau Ntơm 32:10

Gâp mâu khư ôh đah nau rŏng jêh ri nau răp jăp May hŏ prăp jêh ma oh mon May. Nôk gâp rgăn dak krong Y-Yurdan gâp geh knŏng mâng jra dơm, ƀiălah nar aơ gâp hŏ geh bar phung bunuyh jêh ri drăp ndơ aơ.

Êsra 9:6

lah ma Păng: “Hơi Brah Ndu gâp, gâp prêng jêh ri brâp muh măt, mâu janh n'gơr măt uănh May jêng Brah Ndu gâp, yorlah nau djơh mhĭk hên lơ ntop âk lơn rlau bôk hên, jêh ri nau tih phung kon prêh hao tât klơ trôk.

Nau Mprơ Ơm 119:13

Gâp dŏng bâr mbung gâp nkoch tay Lĕ nau vay ƀư bâr mbung May ntăm.

Nau Mprơ Ơm 37:30

Trôm mbung bunuyh sŏng ngơi nau blau mĭn, Mpiăt bunuyh nây nkoch nau sŏng.

Nau Mprơ Ơm 45:2

May ueh lơn ma lĕ rngôch phung bu klâu kon bunuyh; Mbung may bêng ler ma nau yô̆: Yor nây Brah Ndu ăn nau ueh uĭn ma may n'ho ro.

Nau Hôr 10:13

Nau blau mĭn bu saơ ta bâr mbung bunuyh gĭt vât, Ƀiălah mâng rpăt prăp ăn ma ndŭr kơi phung rluk mâl.

Nau Hôr 31:26

Trôm mbung păng mbơh ngơi nau blau mĭn, Mpiăt păng ntĭm nti nau rŏng bu.

Nau Mprơ Ueh 1:5

Hơi bu ur druh ƀon Yêrusalem, Gâp krăk ƀiălah ueh ray, Krăk nâm bu lĕ ngih bok Kêdar, Ueh ray nâm bu lĕ bok nching Y-Salômôn.

Nau Mprơ Ueh 4:11

Hơi ƀăn gâp, trôm mbung ay ăn truh dak sŭk, Tâm dâng mpiăt ay pôn dak sŭt jêh dak toh; Ao ay n'hôl nâm bu ƀâu bri Liban.

Nau Mprơ Ueh 5:13

Bar trô bom păng nâm bu mbor kao ƀâu kah, Thŭl rvêt n'hôl ƀâu kah; Ndôi păng nâm bu kao si ueh, Bĕ dak si tăng hoch njŏ.

Nau Mprơ Ueh 5:16

Mbung păng dŭt njŭng ngăn, Lĕ săk păng di ma rŏng ngăn. Hơi phung bu ur Yêrusalem. Nơm gâp rŏng jêng pônây, băl gâp rŏng nâm bu pônây yơh!

Nau Mprơ Ueh 6:7

Bar trô bom ay nâm bu play pom gra nat plah bar, Bok dŭm pakơi bok nkŭm măt.

Nau Mprơ Ueh 7:9

Jêh ri mbung ay ndrănh kah ngăn. Ŭch ma ndrănh hoch ueh lăp ma nơm ay rŏng, Bêng ler trôm mbung nơm gŭ bê̆ch.

Êsêkiêl 16:63

Ay mra kah gĭt ma nau bêk prêng, jêh ri yor nau bêk prêng ngăn ay mâu hôm dơi hă mbung ngơi du ntil nau đŏng ôh tơlah Gâp yô̆ an nau tih ay ƀư jêh,” Kôranh Brah Yêhôva lah pônây.

Kan Lêvi 14:4

kôranh ƀư brah mra ntăm ma nơm dăch ƀư nau kloh, sŏk bar mlâm sĭm rêh kloh, du n'gâng tơm si sêdar, du rse brai sut chăng rhưch jêh ri n'gĭng hisôp.

Kan Lêvi 14:6

Jêh nây, sŏk sĭm hôm rêh ndrel ma n'gâng tơm si sêdar, rse brai sut chăng, jêh ri n'gĭng hisôp, mbŭk lĕ tâm mham sĭm hŏ nkhĭt jêh ta glah uk geh prăp dak hoch.

Nau Kơp Bunuyh 19:6

Jêh nây, kôranh ƀư brah mra sŏk tơm si sêdar, n'gĭng hisôp jêh ri brai chăng rhưch, jêh ri mƀăr ndơ nây ta nklang ndrôk me dôl hit ŭnh.

Nau Kơp Bunuyh 4:8

Khân păng nkŭm du blah bok sut chăng rhưch ta klơ lĕ ndơ nây, ling ntop du blah ntâu ka toyh, jêh nây nsro mâng tung lăp.

Mathay 12:35

Bunuyh ueh mpơl ndơ ueh tă bơh ntŭk prăp nau ueh păng; bi bunuyh mhĭk mpơl ndơ mhĭk tă bơh ntŭk prăp nau mhĭk.

Luka 4:22

Lĕ rngôch mbơh nkoch ueh ma Păng da dê, jêh ri hih rhâl ma lĕ nau ngơi bêng nau yô̆ luh bơh bâr mbung Păng. Khân păng ôp: “Mâu di hĕ bunuyh aơ jêng kon Y-Yôsep?”

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Kôlôh 4:6

Ăn nau khân may ngơi geh nau rdơ̆ rbăn ƀaƀơ jêh ri ƀư kah nâm bu boh gay ma khân păng gĭt mâm nau plơ̆ lah ma ăp nơm.

ហេឞ្រើ 9:19

Yorlah nôk Y-Môis mbơh lĕ nau vay ntăm tâm nau vay ma phung ƀon lan, păng sŏk mham kon ndrôk jêh ri be nkuăng, ndrel ma dak, rse chăng krăk jêh ri n'gĭng hisôp, păng djrah ta ndrom samƀŭt jêh ri ndrel ma lĕ rngôch ƀon lan

Yôsuê 2:18

Tơlah hên lăp jêh tâm bri aơ, ăn ay kât rse sut chăng aơ ta mpông bloh ntŭk ay hŏ njŭr hên trŭnh, jêh nây ay rgum mê̆ mbơ̆, phung oh nâu, jêh ri lĕ rngôch phung tâm ngih mbơ̆ ay gŭ tâm ngih ay.