Nau Mprơ Ueh 4:16 - Nau Brah Ndu Ngơi 2023

¹⁶ Hơi sial pa lơ, khôm hom, Hơi sial pa dâng, ăn văch hom! Khôm hom ta đang gâp, Gay ƀâu n'hôl dak ƀâu kah lam ntŭk! Ndă lah nơm gâp rŏng lăp tâm đang păng, Jêh ri chiăm âk kao ƀâu play kah!

Nau Mprơ Ueh 4:16 ပူးပေါင်းရင်းမြစ်များ

Nơm Nti 1:6

Sial khôm sĭt mpeh pa dâng, Jêh ri ndăch rgăn mpeh pa lơ; Sial ndăch hăn rvang tay mâu rlu, Jêh ri plơ̆ sĭt rvang ơm păng.

Nơm Nti 2:5

njêng ăn ma gâp nơm đang tơm si sa play jêh ri n'gar kao, tăm ăp ntil tơm si ta nây.

Nau Mprơ Ueh 1:13

Ndrel gâp, nơm gâp rŏng nâm bu nchăp kao dak si tăng Bê̆ch ta klơ ntang tơh gâp.

Nau Mprơ Ueh 1:4

Dăn têk gâp tĭng may, ăn he gơnh chuat ndrel, — Hađăch hŏ njŭn gâp sĭt tâm ngih hađăch — Phung he nsum răm maak rhơn răm ndrel may, Nsum tâm rnê nau may rŏng, âk lơn ma ndrănh. Lĕ bu druh mâm ƀư mâu dơi rŏng ma may!

Nau Mprơ Ueh 2:3

Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Nau Mprơ Ueh 2:8

Bâr nơm gâp rŏng bơh ntŭk! Ri, păng tât, Nsăt rlau lĕ yôk, Găn rlau lĕ dor.

Nau Mprơ Ueh 5:1

Hơi oh gâp, ƀăn gâp, Gâp hŏ lăp tâm đang gâp jêh! Gâp hŏ pĕ si tăng jêh ri ndơ ƀâu kah, Sa mpơng sŭt nđâp dak sŭt gâp, Nhêt ndrănh đah dak toh. Hơi mĭt jiăng, sa hom! Hơi băl mpôl, nhŭl hom ndrui nau rŏng!

Nau Mprơ Ueh 6:2

Nơm gâp rŏng hăn jŭr đang păng, Ntŭk tăm mbor ndơ ƀâu kah, Gay ăn biăp sa gơ̆ tâm đang, Jêh ri pĕ lĕ n'gĭng kao si ueh.

Nau Mprơ Ueh 8:12

Hơi hađăch Y-Salômôn, du rbăn glo prăk jêng ndơ hađăch, Bar rhiăng jêng ndơ phung kan nkhôm. Bi đang krăk ƀâu gâp jêng ndơ gâp yơh.

Êsai 64:1

Ơ! Ueh lơn ma May hêk lĕ ndâr trôk jêh ri jŭr văch, Ƀư ma yôk n'gơ n'găr tanăp May;

Êsêkiêl 37:9

Rnôk nây Păng lah ma gâp: “Hơi kon bu nuyh, mbơh lor hom ma sial; mbơh lor hom jêh ri lah ma sial pô aơ Kôranh Brah Yêhôva lah: Hơi nau n'hâm nsôr, văch tât bơh sial puăn njônh jêh ri nsôr ta klơ lĕ rngôch bunuyh bu nkhĭt gay khân păng dơi rêh.”

Mathay 26:10

Ƀiălah Brah Yêsu gĭt nau nây jêh ri lah ma phung oh mon: “Mâm ƀư khân may ƀư rsuak bu ur nây? Bunuyh aơ ƀư du nau ueh ma Gâp jêh.

Mathay 26:12

Nôk păng tŏ dak ƀâu kah ta săk jăn Gâp, bu ur nây ndrăp lor ma nau tâp Gâp.

Yôhan 3:8

Sial khôm ntŭk păng ŭch khôm, may tăng sial, ƀiălah mâu gĭt sial ntŭk tă luh jêh ri ntŭk păng hăn. Mbu nơm deh mhe tă bơh Brah Huêng Ueh kơt nây đŏng.”

Yôhan 5:8

Brah Yêsu lah: “Dâk hom, tuy sưng bê̆ch may jêh ri hăn sĭt.”

Kôranh Oh Mon 4:31

Lôch jêh mbơh sơm, ntŭk khân păng tâm rƀŭn mpât n'gơ, lĕ rngôch khân păng bêng ma Brah Huêng Ueh da dê, mbơh nau Brah Ndu ngơi ma nau nănh.

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 15:28

Pôri, jêh lôch kan aơ, nây jêng nôk hŏ tâm pă jêh ndơ ma khân păng, gâp mra hăn trong, veh khâl khân may, jêh nây gâp hăn ta n'gor Êspanh.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.