Nau Mprơ Ueh 3:6 - Nau Brah Ndu Ngơi 2023

⁶ Mbu nơm nây văch tă bơh bri rdah, Nâm bu n'gâng nhhŭk ŭnh, Ƀâu n'hôl âk ntăk si ƀâu kah dak si tăng, Thŭl rvêt lĕ ntil rnih ƀâu kah rvăt tă bơh phung tăch drăp?

Nau Mprơ Ueh 3:6 ပူးပေါင်းရင်းမြစ်များ

Nau Ngluh Êjipt 30:34

Brah Yêhôva lah tay ma Y-Môis: “Dŏng hom lĕ ndơ ƀâu kah tâm ban ƀâu kah stakê, ƀâu kah ônika, ƀâu kah galbanum jêh ri ndơ ƀâu kah njŭng, ăp ntil mra dơi nhueh njing tâm ban;

Nau Hôr 7:17

Gâp hŏ djrah jêh ntŭk bê̆ch Đah dak si tăng, alôê jêh ri ma sinamôn.

Nau Mprơ Ueh 1:13

Ndrel gâp, nơm gâp rŏng nâm bu nchăp kao dak si tăng Bê̆ch ta klơ ntang tơh gâp.

Nau Mprơ Ueh 1:3

Dak ngi may n'hôl ƀâu kah ngăn, Nau lư amoh may jêng nâm bu dak ƀâu kah n'hôl bu troch; Yor nây yơh bu druh tang tat rŏng ma may.

Nau Mprơ Ueh 3:7

Uănh ri, rpê̆ tung hađăch Salômôn! Geh prao jât tahan janh ktang hăn nchueng, Phung tahan janh ktang Israel.

Nau Mprơ Ueh 4:6

Kŏ tât sial ang ôi khôm, Jêh ri nau ngo du roh, Gâp mra hăn hao yôk dak si tăng, Tât gôl ntăk si ƀâu kah.

Nau Mprơ Ueh 5:13

Bar trô bom păng nâm bu mbor kao ƀâu kah, Thŭl rvêt n'hôl ƀâu kah; Ndôi păng nâm bu kao si ueh, Bĕ dak si tăng hoch njŏ.

Nau Mprơ Ueh 5:5

Gâp dâk ro pơk mpông ăn ma nơm gâp rŏng, Kôp ti gâp truh dak si tăng, Jêh ri nglau ti gâp bêng ma dak si tăng Jŭr hoch lĕ ma rnăng nđăng mpông.

Nau Mprơ Ueh 8:5

Mbu dôl bơh bri rdah hăn hao, Mbin nsing ma nơm păng rŏng? Tâm dâng tơm si mandragôr gâp hŏ rlay may, Ta ntŭk aơ yơh mê̆ may hŏ hŏt rgănh yor may, Ta ntŭk aơ yơh mê̆ may ma nau ji deh may.

Êsai 43:19

Aơ, Gâp dăch ƀư du nau mhe! Aƀaơ aơ păng luh mpơl; ƀiălah khân păng mâu gĭt rbăng hĕ? Gâp mra ƀư du ntŭk trong tâm bri rdah, Jêh ri ƀư ăn lĕ n'hong dak krong hoch tâm ntŭk neh sơh.

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Yêrêmi 31:2

Brah Yêhôva lah: “Phung ƀon lan klaih bơh tak đao Hŏ dơi geh jêh nau yô̆ tâm bri rdah, Lah phung Israel joi ntŭk sĭt rlu.”

Ndrom Samƀŭt bơh Ôsê 9:10

Gâp hŏ mâp Israel Nâm bu mâp rkŭm play krăk ƀâu tâm bri rdah; Gâp hŏ saơ chô yau khân may Nâm bu play bôk rah bôk yan ta klơ tơm play rvi nse. Ƀiălah khân păng hŏ tât Baal-Pêôr; Nhhơr săk jăn khân păng ăn ma ndơ khư bêk prêng, Jêh ri jêng ndơ ƀơ̆ nâm bu ndơ khân păng hŏ rŏng jêh.

Mathay 2:11

Lăp tâm ngih, khân păng saơ kon se jê̆ ndrel mê̆ Păng H'Mari, khân păng chon mon yơk mbah Păng. Jêh nây khân păng pơk hip ndơ khlay, nhhơr ma Păng lĕ ndơ nhhơr jêng mah, ntăk si ƀâu kah jêh ri dak si tăng.

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.

Nau Tâm Mpơl 12:14

Ƀiălah bu ăn ma bu ur nây bar mlâm nting năr klang ƀŭng gay ma păng mpăr tât ta ntŭk păng nơm tâm bri rdah, ta ntŭk bu mât siăm păng dôl du rnôk, lĕ rnôk, jêh ri n'gul rnôk, der ngai bơh bêh nhŭk nhăk.

Nau Tâm Mpơl 12:6

Bi bu ur nĕ nchuăt du tâm bri rdah; ta nây, Brah Ndu ndrăp lor jêh du ntŭk ma păng gay ma bu mât siăm păng tâm du rbăn bar rhiăng prao jât nar.

Nau Tâm Mpơl 18:13

ma sinamôn, ndơ ƀâu kah, dak ƀâu kah, dak si tăng jêh ri ntăk si ƀâu kah; ndrănh jêh ri dak ngi ôlive, rnih môi jêh ri ba ƀlê; mpô mpa rong jêh ri biăp, seh jêh ri ndeh seh; dĭk bu jêh ri huêng kon bunuyh.

Nau Tâm Mpơl 5:8

Tơlah Kon Biăp sŏk ndrom samƀŭt, puăn mlâm mpa rêh jêh ri bar jât ma puăn kôranh bu ranh, chon mon tanăp Kon Biăp; ăp nơm djôt du mlâm gong rêng jêh ri lĕ ngan mah dơ bêng ndơ ƀâu kah, jêng nau mbơh sơm phung kloh ueh.