Nau Mprơ Ueh 3:11 - Nau Brah Ndu Ngơi 2023

¹¹ Hơi, phung bu ur druh Siôn, Gơnh oi uănh hađăch Salômôn. Păng ndô đon hađăch me păng hŏ n'gân ta klơ bôk hađăch. Tâm nar tâm nkol ur sai hađăch, Nar nuih n'hâm hađăch hâk răm.

Nau Mprơ Ueh 3:11 ပူးပေါင်းရင်းမြစ်များ

Nau Mprơ Ơm 48:11

Ăn yôk Siôn maak răm, Phung kon bu ur Yuđa răm rhơn Yor nau May phat dôih.

Nau Mprơ Ơm 9:14

Gay ma gâp mbơh tay lĕ nau tâm rnê ma Kôranh Brah; Ta mpông ƀon Kon Bu Ur Siôn, Gâp răm maak ma nau May tâm rklaih.

Nau Mprơ Ueh 1:5

Hơi bu ur druh ƀon Yêrusalem, Gâp krăk ƀiălah ueh ray, Krăk nâm bu lĕ ngih bok Kêdar, Ueh ray nâm bu lĕ bok nching Y-Salômôn.

Nau Mprơ Ueh 2:7

Hơi phung bu ur druh Yêrusalem, gâp vơl dăn khân ay, Tâm amoh phung yơng jêh ri phung jun tâm ndrêch, Lơi ƀư mpât, lơi ta rlay nau rŏng gâp Kŏ tât dôl nau rŏng ŭch mpay.

Nau Mprơ Ueh 7:11

Hơi nơm gâp rŏng, tât hom, He mra hăn ta mir, jêh ri gŭ tâm ƀon jê̆; Jêh ri rlu măng ntŭk ƀon jê̆.

Nau Mprơ Ueh 8:5

Mbu dôl bơh bri rdah hăn hao, Mbin nsing ma nơm păng rŏng? Tâm dâng tơm si mandragôr gâp hŏ rlay may, Ta ntŭk aơ yơh mê̆ may hŏ hŏt rgănh yor may, Ta ntŭk aơ yơh mê̆ may ma nau ji deh may.

Êsai 4:4

Tơlah Kôranh Brah sŏk nau di jêh ri huêng brah nau su gay rao lơi nau ƀơ̆ ƀơch phung kon bu ur ƀon Siôn, jêh ri ƀư kloh lơi mham tă bơh tâm nklang ƀon Yêrusalem,

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Êsai 62:5

Tâm ban ma du huê bu klâu ndăm nđăp du huê bu ur druh, Pôri phung kon bu klâu may mra dơn drăp ndơn may; Tâm ban ma bu klâu gŭ ur răm maak yor bu ur păng gŭ, Tâm ban pônây lĕ Brah Ndu may mra răm maak yor may.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Yêrêmi 32:41

Gâp mra maak ƀư nau ueh ma khân păng, ma lĕ nuih n'hâm ma lĕ nau ktang tăm khân păng ma nau nâp tâm bri aơ.’

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Sakari 6:11

Ăn may sŏk dơn prăk jêh ri mah nây ƀư du mlâm đon hađăch, jêh ri ndô klơ bôk kôranh ƀư brah toyh lơn Y-Yôsuê, kon bu klâu Y-Jêhôsadak.

Mathay 12:42

Tâm nar phat dôih, hađăch bu ur mpeh pa dâng mra dâk hăn tâm rdâng đah bunuyh rnôk aƀaơ aơ jêh ri phong khân păng, yorlah păng văch tă bơh bôk neh ntu tât lôch ŭch iăt nau blau mĭn hađăch Salômôn; ƀiălah ta aơ geh du huê toyh lơn ma hađăch Salômôn!

Luka 15:32

Ƀiălah di ngăn ƀư nau sông sa jêh ri răm maak, yorlah oh may aơ khĭt jêh, ƀiălah nar aơ păng dâk rêh, hŏ roh jêh ƀiălah dơi saơ.’ ”

Yôhan 15:11

Gâp lah lĕ nau aơ ma khân may, gay ma nau răm maak Gâp gŭ tâm khân may, jêh ri nau răm maak khân may dơi nŭm rĭng.

Yôhan 3:29

Mbu mhe gŭ ur, păng nây jêng klay; ƀiălah mĭt jiăng klay gŭ iăt jêh ri maak răm ngăn nôk tăng bâr klay ngơi. Nây jêng nau gâp răm maak nanê̆ rĭng ngăn.

Kôlôh 1:18

Păng jêng bôk ma săk jăn, nâm bu ntĭt Phung Ngih Brah Ndu. Păng jêng nau ntơm, jêng Nơm deh lor lơn bơh phung khĭt, gay tâm lĕ rngôch ndơ Păng jêng kôranh toyh da dê.

ហេឞ្រើ 13:13

Yor ri he hăn luh hom ndrel ma Păng ta padih pôih tahan, gay sŏk dơn nau bêk prêng ndrel ma Păng.

ហេឞ្រើ 2:9

Ƀiălah he saơ Brah Yêsu, Brah Ndu dơm Păng dêh lơn phung tông mpăr tâm ƀât lât, aƀaơ aơ ndô jêh đon hađăch nau chrêk rmah jêh ri nau yơk yor nau khĭt, Păng dơn jêh, yor ma nau yô̆ bơh Brah Ndu, Păng dơi dơn nau khĭt yor ma lĕ rngôch bunuyh.

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.

Nau Tâm Mpơl 19:12

Măt Păng nâm bu mpiăt ŭnh; ta bôk Păng geh âk đon hađăch, ta klơ geh nchih du amoh, mâu geh nơm gĭt ôh, knŏng Păng nơm.

Nau Tâm Mpơl 19:7

Răm maak hom, hâk maak hom, tâm rnê hom ma Păng, yorlah rƀŭn tâm nsông Kon Biăp tât jêh jêh ri Ur Păng ndrăp lor jêh săk păng.