Nau Mprơ Ueh 2:3 - Nau Brah Ndu Ngơi 2023

³ Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Nau Mprơ Ueh 2:3 ပူးပေါင်းရင်းမြစ်များ

Nau Mprơ Ơm 45:2

May ueh lơn ma lĕ rngôch phung bu klâu kon bunuyh; Mbung may bêng ler ma nau yô̆: Yor nây Brah Ndu ăn nau ueh uĭn ma may n'ho ro.

Nau Mprơ Ơm 45:3

Hơi hađăch geh nau dơi, cheng hom đao ta bŭt; Tâm nau chrêk rmah jêh ri nau hit rnam may.

Nau Mprơ Ơm 57:1

Ơ Brah Ndu! Yô̆ nđach ma gâp, yô̆ nđach ma gâp, Yorlah huêng gâp nde krap tâm May! Di yơh, gâp nde krap tâm dâng gui năr May Kŏ tât nau mhĭk rlau lôch.

Nau Mprơ Ơm 89:6

Yorlah mbu nơm gŭ ta klơ lĕ ndâr trôk dơi tâm rđĭl ma Brah Yêhôva? Tâm lĕ phung brah, mbu nơm dơi tâm ban ma Brah Yêhôva?

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Nau Mprơ Ueh 1:16

Nơm gâp rŏng ơi, may bu klâu ueh, May di rŏng ngăn! Sưng he jêng lôk mir nđĭr rngêt.

Nau Mprơ Ueh 2:5

Ăn ƀư n'hâm suan ma gâp đah ƀănh play krăk ƀâu kro, Ƀư mpay gâp đah play mandragôr; Yorlah gâp hŏ kop yor nau gâp rŏng.

Nau Mprơ Ueh 4:13

Jêng du đang play pom gra nat ndrel lĕ nkeh nse, Ndrel ăp ntil play tơm si săch, Kao hêna jêh ri tơm si dak kôlônh;

Nau Mprơ Ueh 4:16

Hơi sial pa lơ, khôm hom, Hơi sial pa dâng, ăn văch hom! Khôm hom ta đang gâp, Gay ƀâu n'hôl dak ƀâu kah lam ntŭk! Ndă lah nơm gâp rŏng lăp tâm đang păng, Jêh ri chiăm âk kao ƀâu play kah!

Nau Mprơ Ueh 5:16

Mbung păng dŭt njŭng ngăn, Lĕ săk păng di ma rŏng ngăn. Hơi phung bu ur Yêrusalem. Nơm gâp rŏng jêng pônây, băl gâp rŏng nâm bu pônây yơh!

Nau Mprơ Ueh 7:13

Play pom bri ntô̆ ƀâu n'hôl ƀâu kah, Ta mpông he rơm ndrăp ăp ntil play kah Lĕ rngôch mhe nđâp ma ơm, Gâp gay prăp ăn ma may, nơm gâp rŏng!

Nau Mprơ Ueh 8:11

Y-Salômôn geh du đang krăk ƀâu ta Baal-Hamôn: Hađăch jao đang nây ăn ma phung kan nkhôm; Nôk rgum kao play ăp nơm mra njŭn ăn ma hađăch du rbăn glo prăk.

Nau Mprơ Ueh 8:12

Hơi hađăch Y-Salômôn, du rbăn glo prăk jêng ndơ hađăch, Bar rhiăng jêng ndơ phung kan nkhôm. Bi đang krăk ƀâu gâp jêng ndơ gâp yơh.

Nau Mprơ Ueh 8:5

Mbu dôl bơh bri rdah hăn hao, Mbin nsing ma nơm păng rŏng? Tâm dâng tơm si mandragôr gâp hŏ rlay may, Ta ntŭk aơ yơh mê̆ may hŏ hŏt rgănh yor may, Ta ntŭk aơ yơh mê̆ may ma nau ji deh may.

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 4:2

Tâm nar nây, nkeh Brah Yêhôva mra jêng ueh jêh ri chrêk rmah; play do tâm bri neh jêng nau hâk răm jêh ri n'hao nuih ma phung Israel hôm klen.

Êsai 4:6

ndơ nkŭm nây mra jêng ndưp ƀư gui nkŭm bơh duh nôk nar, king duh nôk nar, jêh ri jêng ntŭk du krap gay der sial phŭt jêh ri mih.

Êsêkiêl 47:12

Ta klơ kơh dak krong nây, đah aơ jêh ri đah ri, mra hon geh ăp ntil tơm si geh play sa, n'ha păng mâu blau kro ôh jêh ri play păng mâu tăch yơt lĕ. Ăp khay, khân păng mra geh play mhe, yorlah dak hoch luh tă bơh ntŭk kloh ueh djrah ăn ma khân păng. Play păng dŏng gay ma sa, n'ha păng prăp ma ƀư dak si.”

Yôel 1:12

Tơm krăk ƀâu huănh kro, tơm rvi roh rai; Nđâp tơm pom gra nat, tơm đung, tơm pôm, Jêh ri lĕ rngôch tơm si tâm mir huănh kro da dê; Nau răm maak kon bunuyh huănh roh tâm ban lĕ!

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

Phung Kôranh Phat Dôih 9:15

Rlô lok plơ̆ lah ma tơm si: ‘Tơlah ma nuih n'hâm nanê̆ ngăn khân may ŭch tŏ dak ƀâu kah ăn gâp jêng hađăch khân may Văch hom nde tâm dâng gui n'hâm gâp; Lah mâu pônây, ăn geh ŭnh luh bơh rlô lok Jêh ri su tơm si sêdar n'gor Liban!’