Nau Mprơ Ueh 2:12 - Nau Brah Ndu Ngơi 2023

¹² Âk kao dang ta klơ neh; Yan mprơ maak hŏ tât jêh, Jêh ri nteh sĭm plŭk ndrau huy Lam lĕ trong tâm ƀon tơm he.

Nau Mprơ Ueh 2:12 ပူးပေါင်းရင်းမြစ်များ

Nau Ntơm 15:9

Păng lah: “May djôt hom ma Gâp du mlâm ndrôk me pe năm, du mlâm be me pe năm, du mlâm biăp nkuăng pe năm, du mlâm ntơp jêh ri du mlâm plŭk kon.”

Nau Mprơ Ơm 74:19

Lơi jao ôh nau rêh plŭk May ma mpa bri janh; Lơi ta chuêl mro nau rêh phung o ach, jêng phung ƀon lan May.

Nau Mprơ Ơm 89:15

Ueh maak yơh ma mpôl băl bunuyh gĭt sŏk bâr nau răm maak! Ơ Brah Yêhôva, khân păng hăn tâm nau ang bơh muh măt May.

Nau Mprơ Ueh 2:11

Yorlah yan puh hŏ rlau jêh, Mih mâu hôm tŭp đŏng;

Nau Mprơ Ueh 6:11

Gâp hăn jŭr ta đang play nhhăr, Gay uănh nkeh nse tâm rlŭng, Uănh đang krăk ƀâu hŏ chăt nkŭr, Pom gra nat hŏ luh kao mâu lah ê hŏ.

Nau Mprơ Ueh 6:2

Nơm gâp rŏng hăn jŭr đang păng, Ntŭk tăm mbor ndơ ƀâu kah, Gay ăn biăp sa gơ̆ tâm đang, Jêh ri pĕ lĕ n'gĭng kao si ueh.

Êsai 55:12

Yorlah khân may mra hăn ma nau răm maak, Bu mra njŭn khân may ma nau đăp mpăn. Yôk jêh ri dor mra mprơ tanăp khân may, Lĕ rngôch tơm si tâm bri mra tap ti.

Yêrêmi 8:7

Nđâp sĭm njơch dak mpăr klơ trôk Hôm gĭt yan trơn ntŭk; Sĭm ntơp, sĭm rlêng, sĭm klang kreo, Hôm kah gĭt yan plơ̆ sĭt; Ƀiălah phung ƀon lan Gâp mâu gĭt ôh Nau Brah Yêhôva phat dôih!

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.