Nau Mprơ Ueh 1:8 - Nau Brah Ndu Ngơi 2023

⁸ Aơ bunuyh ueh ray lơn tâm lĕ rngôch bu ur, Tơlah ay mâu gĭt, Pôri hăn tĭng têl phung biăp, Leo phung be kon hăn sa Ta meng vâl bok phung chiăp.

Nau Mprơ Ueh 1:8 ပူးပေါင်းရင်းမြစ်များ

Nau Mprơ Ơm 16:3

Bi ma lĕ phung kloh ueh tâm neh ntu aơ, Khân păng jêng phung sŏng gâp geh lĕ nau maak.

Nau Mprơ Ơm 45:11

Jêh ri hađăch mra ŭch ma nau ueh ay. Yor păng jêng kôranh ay, yơk mbah hom ma păng.

Nau Mprơ Ơm 45:13

Kon bu ur hađăch gŭ tâm ngih hađăch chrêk rmah ngăn; Ao păng tanh ma mah

Nau Hôr 8:34

Ueh maak ngăn bunuyh iăt nau gâp, Rngeh ăp nar ta mpông pêr gâp Jêh ri gŭ kâp kêng meng mpông lăp ngih gâp.

Nau Mprơ Ueh 1:15

Nơm rŏng ueh reh gâp ơi, Ay ueh reh jêh ri mâm ƀư rom nkrơ̆! Măt ay nâm bu măt plŭk.

Nau Mprơ Ueh 2:10

Nơm gâp rŏng kuăl nteh: “Nơm gâp rŏng, Hơi nơm ueh gâp, Gơnh hom tât kêng gâp!

Nau Mprơ Ueh 4:1

Hơi nơm gâp rŏng, ay ueh reh ngăn, Ay dŭt ueh reh ngăn! Măt ay nâm bu kôp sĭm plŭk Nde pakơi bok nkŭm măt; Sŏk ay nâm bu phung be Nsăt ta lô̆ ta jŭr sop Gilêat.

Nau Mprơ Ueh 4:10

Hơi oh gâp, ur gâp, Nau ay rŏng kah njŭng ngăn! Nau ay rŏng kah lơn ma ndrănh, Dak ƀâu kah ay mâu geh dak ƀâu kah êng ban!

Nau Mprơ Ueh 4:7

Hơi nơm gâp rŏng, ay ueh reh ngăn, Mâu khap mâu têl khap jât kô̆ nŭm jât.

Nau Mprơ Ueh 5:9

Hơi bu ur ueh rlau lơn tâm lĕ phung bu ur, Nơm ay rŏng geh ndơ rlau nơm êng đŏng? Nơm ay rŏng geh ndơ rlau nơm êng Dĭng ay vơl dăn ma hên nâm bu pônây?

Nau Mprơ Ueh 6:1

Hơi nơm ueh reh lơn tâm phung bu ur? Nơm ay rŏng ntŭk hăn? Nơm ay rŏng ntŭk mpeh plơ̆ sĭt Gay ma phung hên joi ndrel ma ay?

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Yôhan 21:15

Lah jêh sa, Brah Yêsu lah ma Y-Simôn Pêtrôs pô aơ: “Ơ Y-Simôn, kon Y-Yôhan, may rŏng ma Gâp âk lơn ma phung aơ lĕ?” Y-Pêtrôs ơh: “Ơ Kôranh Brah, May gĭt jêh gâp rŏng ma May.” Brah Yêsu đă: “Mât mray hom phung kon biăp Gâp.”

I Kôrintô 11:1

Tĭng kơt hom gâp, nâm bu gâp nơm tĭng kơt Brah Krist.

Êphêsô 5:27

gay tâm mpơl măt ta năp Păng du Phung Ngih Brah Ndu chrêk rmah, mâu têl, mâu nsŭn, mâu geh ndơ tâm ban pônây ôh, ƀiălah kloh ueh jêh ri dŭt ueh ngăn.

ហេឞ្រើ 13:7

Kah gĭt hom ma phung gai khân may, jêng phung mbơh nkoch jêh nau ngơi Brah Ndu ma khân may. Sek uănh hom nau tât ma nau rêh khân păng jêh ri kơt nau chroh khân păng.

ហេឞ្រើ 6:12

kŏ tât khân may mâu ƀlao ôh, ƀiălah tĭng kơt phung yor nau chroh jêh ri ma nuih n'hâm srôih dơn nau ton.

Yakơ 2:21

Mâu di hĕ Y-Abraham, chô yau he, dơi kơp sŏng srăng yor ma kan tơlah păng nhhơr kon păng jêng Y-Isăk ta klơ nơng ƀư brah?

Yakơ 2:25

Tâm ban kơt nây đŏng, mâu di hĕ bu ur văng tĭr H'Rahap dơi kơp sŏng srăng tă bơh nau păng kan, nôk păng vơt rom phung mbơh jêh ri njŭn khân păng hăn sĭt trong êng?

Yakơ 5:10

Hơi phung oh nâu, tĭng kơt hom anh dơn nau rêh ni jêh ri nau srôih bơh phung mbơh lor, jêng phung bunuyh lah jêh tâm amoh Kôranh Brah.

I Pêtrôs 3:6

nâm bu H'Sara tông ma Y-Abraham, kuăl păng jêng kôranh. Tơlah khân ay ƀư nau ueh, mâu geh du ntil ƀư ma khân ay rvê klach, khân ay jêng kon bu ur H'Sara yơh.