Nau Mprơ Ueh 1:7 - Nau Brah Ndu Ngơi 2023

⁷ Hơi nơm gâp rŏng ma nuih n'hâm gâp, Dăn ăn gâp gĭt ta ntŭk may chiăp biăp, Ta ntŭk may ăn khân păng rlu nar nklang bôk; Moh yor gâp jêng nâm bu du huê bu ur nkŭm măt Kêng phung biăp phung băl may?

Nau Mprơ Ueh 1:7 ပူးပေါင်းရင်းမြစ်များ

Nau Ntơm 37:16

Păng ơh: “Gâp hăn joi phung nâu gâp. Dăn may ntĭm an ma gâp mbah ntŭk khân păng chiăp.”

Nau Mprơ Ơm 116:1

Gâp rŏng ma Brah Yêhôva Yorlah Păng iăt bâr gâp jêh ri nau gâp vơh vơl.

Nau Mprơ Ơm 18:1

Ơ Brah Yêhôva, May jêng nau ktang gâp, Gâp rŏng ma May.

Nau Mprơ Ơm 28:1

Ơ Brah Yêhôva, gâp kuăl May jêng lŭ toyh ma gâp; Lơi ta nsêt tôr ma gâp. Yorlah tơlah May gŭ rklăk mro đah gâp, Gâp mra jêng tâm ban lĕ phung jŭr tâm môch.

Nau Mprơ Ơm 80:1

Ơ Nơm mât njrăng biăp Israel, dăn rkêng tôr iăt! May jêng Nơm njŭn leo Yôsep nâm bu du phung biăp, Ơ Nơm gŭ ta klơ phung Chêrubim, dăn May sol ang.

Nau Mprơ Ueh 2:16

Nơm gâp rŏng jêng ndơ gâp, jêh ri gâp jêng ndơ păng; Păng ăn biăp sa gơ̆ tâm nklang kao si ueh.

Nau Mprơ Ueh 2:3

Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Nau Mprơ Ueh 5:10

Nơm gâp rŏng nglang ngăn bok dŭm, Dŭt ueh tâm lĕ rngôch bunuyh.

Nau Mprơ Ueh 5:16

Mbung păng dŭt njŭng ngăn, Lĕ săk păng di ma rŏng ngăn. Hơi phung bu ur Yêrusalem. Nơm gâp rŏng jêng pônây, băl gâp rŏng nâm bu pônây yơh!

Nau Mprơ Ueh 5:8

Hơi phung bu ur druh ƀon Yêrusalem, gâp vơl dăn ma khân ay, Tơlah mâp nơm gâp rŏng, Dăn mbơh ma păng pô aơ Gâp dôl kop yor nau rŏng.

Nau Mprơ Ueh 6:2

Nơm gâp rŏng hăn jŭr đang păng, Ntŭk tăm mbor ndơ ƀâu kah, Gay ăn biăp sa gơ̆ tâm đang, Jêh ri pĕ lĕ n'gĭng kao si ueh.

Nau Mprơ Ueh 6:3

Gâp jêng ndơ nơm gâp rŏng jêh ri nơm gâp rŏng jêng ndơ gâp; Păng ăn biăp sa gơ̆ tâm nklang kao si ueh.

Nau Mprơ Ueh 8:13

Hơi nơm dôl gŭ tâm đang krăk ƀâu, Mĭt jiăng kâp iăt bâr ay ngơi! Ăn ma gâp iăt bâr ay!

Êsai 13:20

Păng mra n'ho ro mâu hôm geh bunuyh hôm gŭ ôh, Bơh rnôk aơ tât rnôk ri mâu mra geh bunuyh gŭ; Phung Arabi mâu mra rdâk ngih bok khân păng ta nây ôh, Phung rmăk biăp mâu đŏng ăn ma phung biăp khân păng lâng bê̆ch ta ntŭk nây.

Êsai 26:9

Dôl măng huêng gâp ji hir ma May; Ơ, nuih n'hâm gâp nđơr ŭch joi May. Yorlah nau May phat dôih ƀư jêh ta neh Phung gŭ tâm neh ntu nti gĭt nau sŏng srăng.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 5:1

Gâp mra mprơ ma nơm gâp rŏng Du nau mprơ ma nơm gâp rŏng jêh ri đang krăk ƀâu păng: Nơm gâp rŏng geh du đang krăk ƀâu Ta klơ gôl yôk jêng ngăn.

Yêrêmi 33:12

Brah Yêhôva ma phung tahan lah: ‘Tâm ntŭk rngol aơ, mâu geh du huê bunuyh ôh, mâu lah mpô mpa, jêh ri tâm ăp rplay ƀon păng, mra geh tay ndrêch gơ̆ ăn ma phung rmăk biăp djôt leo phung biăp păng văch gŭ rlu.

Mika 5:4

Păng nơm mra jêng nau đăp mpăn ma he. Lah phung Asiri mra tât tâm bri he Jêh ri tŭn jot plên tâm ngih hađăch he, Pôri he mra n'hao pơh nuyh rmăk biăp Jêh ri pham nuyh kôranh bơh phung ƀon lan gay tâm rdâng đah păng.

Mathay 10:37

Mbu nơm rŏng ma mê̆ mâu lah mbơ̆ âk lơn ma Gâp, păng mâu khư ma gâp ôh; mbu nơm rŏng kon bu klâu mâu lah kon bu ur păng âk lơn ma gâp, păng nây mâu khư ma Gâp ôh.

Yôhan 10:11

Gâp jêng bunuyh rmăk biăp ueh, bunuyh rmăk biăp ueh jao nau rêh păng nơm ma biăp păng nơm.

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

I Pêtrôs 2:7

Pônây, ma khân may jêng phung chroh jêh, Păng jêng khlay; ƀiălah ma phung mâu chroh, pô ri: “Lŭ phung ƀư ngih mƀăr lơi jêh, Plơ̆ jêng lŭ njônh ngih,”

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”

Bu ur Rut 2:21

H'Rut bu ur Môap lah tay: “Păng lah đŏng ma gâp pô aơ: ‘Gŭ dăch hom ma phung oh mon gâp kŏ tât lôch yan rek.’”