Nau Mprơ Ueh 1:3 - Nau Brah Ndu Ngơi 2023

³ Dak ngi may n'hôl ƀâu kah ngăn, Nau lư amoh may jêng nâm bu dak ƀâu kah n'hôl bu troch; Yor nây yơh bu druh tang tat rŏng ma may.

Nau Mprơ Ueh 1:3 ပူးပေါင်းရင်းမြစ်များ

Nau Mprơ Ơm 133:2

Nau nây nâm bu dak ngi khlay nkhŭt ta klơ bôk, Hoch jŭr ta têp kang, Ta têp kang Arôn, Hoch jŭr ta trô ko ao păng;

Nau Mprơ Ơm 45:14

Păng mra nsoh ao cheh hăn mpơl tanăp hađăch; Phung bu ur druh jêng băl păng hăn tĭng mra dơi njŭn tanăp hađăch.

Nau Ngluh Êjipt 33:12

Y-Môis lah ma Brah Yêhôva: “Ơ Kôranh Brah, May hŏ lah jêh ma gâp: ‘Njŭn leo hom phung ƀon lan aơ’, ƀiălah May mâu ăn gâp gĭt ôh mbu May mra njuăl hăn ndrel ma gâp, nđâp lah May lah: ‘Gâp năl may ma amoh may, jêh ri may geh jêh nau yô̆ tanăp măt Gâp.’

Nau Ngluh Êjipt 33:19

Brah Yêhôva lah: “Gâp mra ƀư nau dŭt ueh Gâp tanăp may; Gâp mra mbơh amoh Yêhôva tanăp măt may; Gâp mra ƀư nau ueh ma mbu nơm Gâp ŭch ƀư nau ueh jêh ri yô̆ nđach ma mbu nơm Gâp ŭch yô̆ nđach.”

Nau Hôr 27:9

Dak ƀâu kah jêh ri ndơ ƀâu kah ƀư răm maak nuih n'hâm bunuyh, Nau nkah tă tâm nuih n'hâm mĭt jiăng ăt rdơ̆ rbăn nâm bu pônây đŏng.

Nơm Nti 7:1

Amoh geh nau lư n'găr jêng ueh lơn ma dak ngi khlay, Nar khĭt rlau lơn nar deh.

Nau Mprơ Ueh 3:6

Mbu nơm nây văch tă bơh bri rdah, Nâm bu n'gâng nhhŭk ŭnh, Ƀâu n'hôl âk ntăk si ƀâu kah dak si tăng, Thŭl rvêt lĕ ntil rnih ƀâu kah rvăt tă bơh phung tăch drăp?

Nau Mprơ Ueh 4:10

Hơi oh gâp, ur gâp, Nau ay rŏng kah njŭng ngăn! Nau ay rŏng kah lơn ma ndrănh, Dak ƀâu kah ay mâu geh dak ƀâu kah êng ban!

Nau Mprơ Ueh 5:13

Bar trô bom păng nâm bu mbor kao ƀâu kah, Thŭl rvêt n'hôl ƀâu kah; Ndôi păng nâm bu kao si ueh, Bĕ dak si tăng hoch njŏ.

Nau Mprơ Ueh 5:5

Gâp dâk ro pơk mpông ăn ma nơm gâp rŏng, Kôp ti gâp truh dak si tăng, Jêh ri nglau ti gâp bêng ma dak si tăng Jŭr hoch lĕ ma rnăng nđăng mpông.

Nau Mprơ Ueh 6:8

Geh prao jât hađăch bu ur, pham jât ur yông, Jêh ri geh bu ur druh.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Mathay 25:1

“Nôk nây, ƀon bri hađăch klơ trôk mra tâm ntĭt nâm bu jât nuyh bu ur druh djôt ŭnh kađen hăn tâm mâp đah bu klâu gŭ ur.

Yôhan 12:3

H'Mari sŏk du kilô dak ƀâu kah mâu geh rlŭk khlay ngăn tŏ ta jâng Brah Yêsu, jêh nây păng jut jâng Brah Yêsu ma sŏk Păng. N'hôl dak ƀâu kah lam lĕ rngôch ngih nây.

II Kôrintô 11:2

Yorlah khân may, gâp grang đah nau grang bơh Brah Ndu, yorlah gâp ƀư ndrôi jêh khân may ma knŏng du huê sai, tâm mpơl măt khân ay tâm ban du huê bu ur druh kloh ma Brah Krist.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.

Nau Tâm Mpơl 14:4

Phung bunuyh nây mâu mâp ƀư ƀơ̆ ƀơch đah bu ur ôh, yorlah khân păng jêng phung kloh. Mbah ntŭk Kon Biăp hăn, phung bunuyh nây hăn tĭng ta ntŭk nây. Bu hŏ chuai jêh khân păng tă bơh nklang kon bunuyh gay ƀư play bôk yan ma Brah Ndu jêh ri ma Kon Biăp.