Nau Mprơ Ueh 1:12 - Nau Brah Ndu Ngơi 2023

¹² Tâm dôl hađăch gŭ ta tâm trôm ngih hađăch, Dak kôlônh gâp n'hôl ƀâu kah ngăn.

Nau Mprơ Ueh 1:12 ပူးပေါင်းရင်းမြစ်များ

Nau Mprơ Ơm 45:1

Nuih n'hâm gâp bêng ler ma nau ueh ngăn; Gâp ngơi ma nau mprĭng aơ ma may; Mpiăt gâp tâm ban ma du mlâm mâng nchih du huê nơm nchih samƀŭt njêh.

Nau Mprơ Ueh 1:11

Hên mra ƀư ăn ay Rvang ndơ nkrơ̆ mah lĭr găr prăk.

Nau Mprơ Ueh 7:5

Bôk ay n'gơr prêh nâm bu yôk Karmel, Sŏk ay mƀơk jong krăk nsrêk, Ƀư ăn ma hađăch ŭch uănh rŏng ngăn.

Mathay 22:11

Ƀiălah dôl hađăch lăp ŭch uănh phung râng nhêt sông, păng saơ du huê bunuyh mâu nsoh ao prăp ma nau nhêt sông tâm nkol ur sai

Mathay 22:4

Hađăch njuăl tay phung oh mon êng jêh ri ntăm pô aơ: ‘Lah hom ma phung gâp jă jêh pô aơ: Nĕ, gâp ndrăp lor jêh, ndrôk jêh ri lĕ mpô mpa lay ƀư puăch jêh, lĕ rngôch ndơ rơm ndrăp jêh. Văch hom râng nau nhêt sông.’

Mathay 25:34

Nôk nây, Hađăch mra lah ma phung mpeh pa ma pô aơ: ‘Hơi phung Mbơ̆ Gâp ăn nau ueh uĭn, văch hom dơn ƀon bri hađăch klơ trôk ndrăp nkra jêh ăn ma khân may ntơm bơh rhăk njêng neh ntu.

Markôs 14:3

Brah Yêsu gŭ ta ƀon Bêthani, tâm ngih Y-Simôn jêng nơm geh phŭng sa. Dôl Păng hôm gŭ ta sưng sông sa, geh du huê bu ur lăp, djôt du mlâm rchŏk ma lŭ khlay geh dak ƀâu kah mâu hŏ pot li khlay prăk ngăn. Bu ur nây dong nchah lơi rchŏk jêh ri lĭng dak ƀâu kah ta klơ bôk Brah Yêsu.

Yôhan 12:3

H'Mari sŏk du kilô dak ƀâu kah mâu geh rlŭk khlay ngăn tŏ ta jâng Brah Yêsu, jêh nây păng jut jâng Brah Yêsu ma sŏk Păng. N'hôl dak ƀâu kah lam lĕ rngôch ngih nây.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.

Nau Tâm Mpơl 3:20

Aơ, Gâp gŭ padih mpông jêh ri goh; tơlah mbu nơm tăng bâr Gâp jêh ri pơk mpông, Gâp mra lăp gŭ ndrel ma bunuyh nây, sông sa ndrel ma păng jêh ri păng ndrel ma Gâp.