Nau Mprơ Ơm 98:5 - Nau Brah Ndu Ngơi 2023

⁵ Sŏk hom gong rêng jêh ri bâr mprơ Gay mât ton tâm rnê ma Brah Yêhôva!

Nau Mprơ Ơm 98:5 ပူးပေါင်းရင်းမြစ်များ

I Nau Rêh Jêng 15:16

Tâm ban đŏng Y-Đavit ntĭnh ma phung kôranh Lêvi ăn dơm kan phung oh nâu khân păng jêng phung mprơ mra kreh gong rêng, uh n'hôm, rgu nteh dang ăn huy gay geh bâr nteh hâk răm.

I Nau Rêh Jêng 15:28

Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

II Nau Rêh Jêng 29:25

Hađăch dơm phung Lêvi tâm ngih Brah Yêhôva djôt dang, gong rêng jêh ri n'hôm, tĭng nâm nau vay ntrŭnh bơh Y-Đavit, jêh ri Y-Gat, jêng nơm geh nau tâm saơ ma hađăch, jêh ri bơh nơm mbơh lor Y-Nathan ntăm; yorlah nau ntrŭnh nây luh bơh Brah Yêhôva dŏng bâr mbung phung nơm mbơh lor Păng ntĭm nti.

Nau Mprơ Ơm 147:7

Mprơ hom ma Brah Yêhôva ma nau tâm rnê lah ueh, Kreh gong rêng loih gay tâm rnê ma Brah Ndu he.

Nau Mprơ Ơm 33:2

Dŏng gong rêng mprơ tâm rnê hom ma Brah Yêhôva; Dŏng gong rêng loih jât rse mprơ tâm rnê hom ma Păng!

Nau Mprơ Ơm 71:22

Ơ Brah Ndu gâp, gâp mra dŏng gong rêng gay mprơ tâm rnê ma May, Mât ton ma nau răp jăp May. Ơ Nơm Kloh Ueh Israel, Gâp mra dŏng gong rêng gay mprơ tâm rnê ma May.

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Nau Tâm Mpơl 5:8

Tơlah Kon Biăp sŏk ndrom samƀŭt, puăn mlâm mpa rêh jêh ri bar jât ma puăn kôranh bu ranh, chon mon tanăp Kon Biăp; ăp nơm djôt du mlâm gong rêng jêh ri lĕ ngan mah dơ bêng ndơ ƀâu kah, jêng nau mbơh sơm phung kloh ueh.