Nau Mprơ Ơm 97:7 - Nau Brah Ndu Ngơi 2023

⁷ Ăn lĕ rngôch ma phung mbah rup brah, Jêh ri phung ngơi blă blơ ma rup brah geh nau bêk prêng da dê. Ơ lĕ brah, yơk mbah hom ma Brah Yêhôva!

Nau Mprơ Ơm 97:7 ပူးပေါင်းရင်းမြစ်များ

II Nau Rêh Jêng 3:13

Lĕ rngôch nting năr bar chêrubim lĭ da dê, lĕ rngôch jong jât met. Bar chêrubim nây dâk sŏng klơ jâng, măt rle năp mpeh ntŭk kloh ueh.

Nau Ngluh Êjipt 20:4

Kon mâu dơi ƀư ma may nơm du mlâm rup brah tĭng nâm rup lĕ mpa tâm trôk ta klơ, mâu lah ta neh ntu, mâu lah tâm dak tâm dâng neh ntu.

Nau Ngluh Êjipt 25:20

Bar chêrubim mra lĭ bar đah nting năr nkŭm ndrŭp nau yô̆. Phung chêrubim tâm thâng muh măt, uănh ndrel mpeh ta ndrŭp nau yô̆ an.

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Êsai 42:17

Bi phung rnơm nsing ma lĕ rup brah, Ngơi ma lĕ rup tŏ chiăr: “Khân may jêng phung brah hên,” Mra rle ndŭr kơi da dê jêh ri bêk brêng âk ngăn!

Êsai 42:7

Gay pơk măt phung chieh măt, Ngluh phung bu nă bơh ndrung bu krŭng, Phung gŭ tâm nau ngo ngluh bơh ndrung bu krŭng.

Êsai 45:16

Lĕ rngôch phung ƀư rup brah mra bêk, bu mưch; Khân păng rŭch plơ̆ sĭt tâm nau bêk prêng.

Yêrêmi 10:14

Ăp nơm jêng rluk da dê kƀah nau gĭt rbăng; Phung chiăr prăk prêng ma rup brah păng; Yorlah lĕ rup tŏ knŏng jêng nchơt dơm, Mâu geh n'hâm nsôr ôh tâm trôm nây.

Yêrêmi 2:26

Nơm ntŭng prêng ngăn lah bu ban păng dôl ntŭng. Pôri ngih phung Israel, Nđâp ma kôranh hađăch, phung kôranh chiă uănh, Phung kôranh ƀư brah, lĕ phung nơm mbơh lor, ăt prêng ngăn nâm bu pônây.

Kan Lêvi 26:1

“‘Khân may mâu dơi ƀư ôh lĕ rup brah mâu lah ndâk rup trah mâu lah meh lŭ; mâu dơi đŏng ndâk tâm n'gor du mlâm lŭ geh rup gay chon mon yơk mbah tanăp ndơ nây, yorlah Gâp jêng Brah Yêhôva, Brah Ndu khân may.

Nau Vay Nkah Tay 27:15

‘Rak rtăp ma nơm ƀư rup trah mâu lah rup tŏ, jêng ndơ Brah Yêhôva tâm rmot ngăn, jêng ndơ bơh ti blau bunuyh ƀư, jêh ri ndâk ndơ nây tâm ntŭk ndâp gay mbah!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 5:8

May mâu dơi ƀư ma may nơm du mlâm rup brah tĭng nâm rup lĕ mpa tâm trôk ta klơ, mâu lah ta neh ntu tâm dâng, mâu lah tâm dak jru.

ហេឞ្រើ 1:6

Ƀiălah dôl njŭn leo Kon bôk rah lăp tâm neh ntu, Păng lah: “Ăn lĕ rngôch phung tông mpăr Brah Ndu yơk mbah ma Păng.”

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

I Samuel 5:3

Ôi taơ, phung ƀon lan Asdôt kah rngăl ơm ôi saơ Dagôn cha lôt nkŭp muh măt ta neh, panăp Hip Nau Tâm Rnglăp Brah Yêhôva. Khân păng leo nglăp Dagôn dơm tay ta ntŭk ơm.