Nau Mprơ Ơm 97:11 - Nau Brah Ndu Ngơi 2023

¹¹ Nau ang sol phung sŏng srăng Jêh ri nau maak bêng ler tâm nuih n'hâm phung sŏng.

Nau Mprơ Ơm 97:11 ပူးပေါင်းရင်းမြစ်များ

Êsther 8:16

Ma phung Yuđa, aơ jêng nar nau ang, răm maak, nau hâk răm ngăn jêh ri nau chrêk rmah.

Ndrom Samƀŭt bơh Yôp 11:17

Nau rêh may mra ang lơn nar nklang bôk; Nau ngo plăch jêng ƀhit rvi ang.

Ndrom Samƀŭt bơh Yôp 22:28

Moh nau kan may ŭch ƀư, nau kan nây mra dơi jêng; Nau ang sol nchrat trong may hăn.

Nau Mprơ Ơm 112:4

Nau ang sol tâm nau ngo ma nơm sŏng, Jêng nơm hô ƀư nau ueh, geh nuih n'hâm yô̆ nđach jêh ri sŏng srăng.

Nau Mprơ Ơm 18:28

Kôranh Brah mpoh ŭnh kađen gâp; Brah Yêhôva Brah Ndu gâp mra sol ang ntŭk nau ngo gâp.

Nau Mprơ Ơm 68:4

Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Êsai 62:1

Yorlah Siôn, Gâp mâu mra gŭ rklăk ôh, Yorlah Yêrusalem, Gâp mâu mra rlu ôh, Kŏ tât nau sŏng srăng păng nchrat tâm ban ma nau ang, Jêh ri nau tâm rklaih păng tâm ban ma ŭnh rdo hôm hit.

Mika 7:9

Gâp mra dơn nau Brah Yêhôva ji nuih Yorlah gâp ƀư tih jêh đah Păng, Kŏ tât Păng koh dŏng an ma yor dôih gâp Jêh ri phat an dôih ma gâp, Pôri Păng mra njŭn leo gâp tât ma nau ang, Gâp mra saơ nau sŏng srăng Păng.

Yôhan 12:46

Gâp jêng nau ang hŏ văch jêh ta neh ntu, gay mbu nơm chroh ma Gâp mâu gŭ tâm nau ngo đŏng ôh.

Galati 6:8

Mbu nơm srih ma nglay săk mra bơh nglay săk rek nau rai yot; ƀiălah mbu nơm srih ma Brah Huêng Ueh mra bơh Brah Huêng Ueh rek nau rêh ƀaƀơ n'ho ro.

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.