Nau Mprơ Ơm 97:10 - Nau Brah Ndu Ngơi 2023

¹⁰ Ơ phung rŏng ma Brah Yêhôva, tâm rmot hom ma nau mhĭk. Păng king n'gang huêng phung kloh ueh Păng Jêh ri tâm rklaih khân păng bơh ti phung mhĭk.

Nau Mprơ Ơm 97:10 ပူးပေါင်းရင်းမြစ်များ

Nau Mprơ Ơm 101:3

Gâp mâu mra dơm du ntil ndơ djơh mhĭk ôh tanăp măt gâp; Gâp tâm rmot ma kan phung mâu răp jăp, Khân păng mâu mra krêp ôh tât ma gâp.

Nau Mprơ Ơm 119:104

Yor nau May ntăm, gâp geh nau gĭt rbăng; Yor ri gâp tâm rmot lĕ trong nau mƀruh.

Nau Mprơ Ơm 119:163

Gâp tâm rmot jêh ri tâm rmot ngăn ma nau mƀruh, Ƀiălah gâp rŏng ma nau vay May.

Nau Mprơ Ơm 121:7

Brah Yêhôva mra mât mray may bơh lĕ rngôch nau mhĭk. Păng mra mât mray nau rêh may.

Nau Mprơ Ơm 125:3

Yorlah mâng hađăch nau ƀai Mâu mra gŭ n'gân ôh ta klơ drăp ndơn phung sŏng srăng, Gay ma phung sŏng srăng mâu yơr ti Lăp pah kan nau mhĭk.

Nau Mprơ Ơm 145:20

Brah Yêhôva king n'gang lĕ rngôch phung rŏng ma Păng, Ƀiălah Păng mra ƀư rai lĕ rngôch phung ƀai.

Nau Mprơ Ơm 31:23

Hơi phung kloh ueh Brah Yêhôva, rŏng hom ma Păng! Brah Yêhôva mât mơh phung răp jăp Ƀiălah tâm rmal ktang ngăn ma phung gŭ ngao sưr rlau.

Nau Mprơ Ơm 34:14

Du hom đah nau mhĭk jêh ri ƀư nau ueh. Tĭng joi hom nau đăp mpăn jêh ri hăn tĭng păng.

Nau Mprơ Ơm 36:4

Păng nchră ŭch ƀư nau mhĭk ta klơ sưng păng, Gŭ dâk tâm trong mâu ueh, Jêh ri mâu chalơi ôh nau ƀai.

Nau Mprơ Ơm 91:14

Yorlah păng rŏng ma Gâp yor nây Gâp mra tâm rklaih păng; Gâp mra king n'gang păng yorlah păng gĭt năl amoh Gâp.

Nau Hôr 2:8

Gay ma n'gang trong phung sŏng srăng, Jêh ri mât mray trong phung kloh ueh Păng.

Nau Hôr 3:7

Lơi ta kơp nau blau mĭn tĭng măt may nơm ôh; Klach yơk hom ma Brah Yêhôva jêh ri du hom bơh nau mhĭk.

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Yêrêmi 15:21

“Gâp mra rklaih may bơh ti phung ƀai, Jêh ri sâm chuai may bơh phung kôranh djơh mhĭk.”

Daniel 3:28

Hađăch Nêbukatnetsar lah: “Tâm rnê ma Brah Ndu Y-Sadrak, Y-Mêsăk, jêh ri Y-Abetnêgô, Nơm njuăl jêh tông mpăr Păng văch jêh ri tâm rklaih phung oh mon Păng. Khân păng gĭt rnơm nsing ma Păng, janh tâm rgâl nau hađăch ntăm, jêh ri sân săk jăn gay mâu pah kan jêh ri yơk mbah ma brah êng ôh padih Brah Ndu khân păng nơm.

Daniel 6:22

Brah Ndu gâp njuăl jêh tông mpăr Păng tât jêh ri rdêp lơi mbung yau mŭr yor ri khân păng mâu ƀư mhĭk ma gâp ôh, yorlah tanăp măt Păng dơi kơp gâp jêng mâu geh nau tih ôh. Ơ hađăch, tanăp măt may tâm ban lĕ gâp mâu mâp ƀư tih ôh.”

Daniel 6:27

Păng tâm chuai jêh ri rklaih, Ƀư lĕ nau mbên nau khlay ndâp tâm trôk jêh ri ta neh ntu; Păng nơm tâm rklaih Y-Daniel Bơh neng nheh yau mŭr.”

Amôt 5:14

Tĭng joi hom nau ueh jêh ri lơi dĭng joi ôh nau mhĭk Gay ma khân may dơi gŭ rêh Pôri mơ Yêhôva Brah Ndu ma phung tahan mra gŭ ndrel ma khân may, Nâm bu khân may lah jêh.

Amôt 5:15

Tâm rmot hom ma nau mhĭk jêh ri rŏng hom ma nau ueh; Ndâk hom nau sŏng ta mpông ƀon. Klăp lah Yêhôva Brah Ndu ma phung tahan Mra ăn nau yô̆ ma phung Yôsep hôm klen!

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Samƀŭt Pôl Njuăl Ăn Ma Phung Nsing Ta Ƀon Rôm 7:15

Gâp mâu gĭt rbăng nau gâp ƀư. Yorlah gâp mâu ƀư nau gâp ŭch, ƀiălah ƀư nau gâp rmot.

Samƀŭt Pôl Njuăl Ăn Ma Phung Nsing Ta Ƀon Rôm 7:24

Rêh ni ngăn ma gâp! Mbu nơm mra rklaih gâp bơh săk jăn blau khĭt aơ?

I Kôrintô 8:3

Ƀiălah tơlah mbu nơm rŏng ma Brah Ndu, Brah Ndu gĭt năl jêh nơm nây.

II Têsalônik 3:2

jêh ri gay ma hên geh nau rklaih bơh phung bunuyh ƀai jêh ri djơh mhĭk; yorlah mâu di lĕ rngôch geh nau chroh da dê.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

I Yôhan 4:19

He rŏng yorlah Kôranh Brah rŏng jêh ma he lor.

I Yôhan 5:18

He gĭt mbu nơm deh jêh tă bơh Brah Ndu mâu ƀư tih ôh, yorlah Nơm deh jêh bơh Brah Ndu mât mray bunuyh nây, jêh ri brah mhĭk mâu pah bi bunuyh nây ôh.

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.