Nau Mprơ Ơm 97:1 - Nau Brah Ndu Ngơi 2023

¹ Nau Brah Yêhôva chiă uănh! Ơ neh ntu, hâk maak hom! Ơ lĕ rngôch gôl dak mƀŭt, maak răm hom!

Nau Mprơ Ơm 97:1 ပူးပေါင်းရင်းမြစ်များ

Nau Ntơm 10:5

Tă bơh khân păng dĭng geh phung ƀon lan hăn gŭ lĕ gôl dak; ăp phung ƀon lan tĭng nau khân păng nơm ngơi, tĭng ndŭl mpôl êng êng, rêh tâm n'gor khân păng nơm.

Nau Mprơ Ơm 2:11

Pah kan hom ma Brah Yêhôva ma nuih n'hâm klach yơk, Maak răm hom ma nuih n'hâm râm nsâr.

Nau Mprơ Ơm 93:1

Brah Yêhôva chiă uănh, Păng nsoh nau rnam. Brah Yêhôva nsoh jêh ri rêt rse bŭt ma nau ktang. Neh ntu dơi njêng nâp, mâu mâp n'gơ ôh.

Nau Mprơ Ơm 99:1

Brah Yêhôva chiă uănh! Lĕ mpôl băl bunuyh râm sâr hom; Păng gŭ klơ phung Chêrubim; neh ntu geh nau mpât n'gơ.

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 41:5

Lĕ rngôch gôl dak mƀŭt saơ jêh ri klach krit, Lĕ ntŭk nglĕ dŭt neh ntu râm sâr da dê. Khân păng văch dăch jêh ri hăn tât.

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 49:1

Ơ lĕ gôl dak mƀŭt, iăt hom gâp! Ơ phung ƀon lan gŭ ngai, rkêng hom tôr: Brah Yêhôva kuăl jêh gâp bơh ndŭl me, Păng nkah amoh gâp dôl gâp hôm tâm ndŭl me.

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Êsai 51:5

Nau sŏng srăng Gâp dăch êp jêh, Nau Gâp tâm rklaih dăch mpơl jêh, Nting tur Gâp mra chiă uănh phung ndŭl mpôl bunuyh. Lĕ rngôch gôl dak mƀŭt, mra kâp gân Gâp, Jêh ri khân păng kâp gân ma nting tur Gâp.

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Êsai 66:19

Gâp mra dơm du nau mbên ta nklang khân păng, jêh ri Gâp mra njuăl phung hôm gŭ rêh klen khân păng hăn tât ma lĕ bri dak jêng Tarsis, Pul, Lut, jêng phung geh blau pănh na, tât ma phung Tubal jêh ri phung Javan, tât ma lĕ gôl dak mƀŭt gŭ ngai, jêng lĕ ntŭk phung ê hŏ mâp tăng lư ôh nau lư n'găr Gâp jêh ri ê hŏ mâp saơ ôh nau chrêk rmah Gâp. Khân păng mra mbơh nau chrêk rmah Gâp ta nklang lĕ bri dak.”

Apdia 1:21

Phung geh nau rklaih jêh mra hao ta yôk Siôn gay phat dôih yôk Êsau; Bi ƀon bri hađăch mra jêng ndơ Brah Yêhôva.

Sôphôni 2:11

Ma đah khân păng, Brah Yêhôva ma nau krit klach dŭt n'hâm, Yorlah Păng mra ƀư rai lĕ rngôch phung brah ta neh ntu, Jêh ri ăp nơm mra yơk mbah ma Păng tâm ntŭk păng nơm, Lĕ rngôch gôl dak mƀŭt ma lĕ bri dak tâm ban pônây lĕ.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Mathay 3:3

Y-Yôhan jêng bunuyh dơi nơm mbơh lor Y-Êsai hŏ mbơh jêh, dôl lah pô aơ: “Geh bâr bunuyh kuăl nter tâm bri rdah: ‘Nkra hom trong ma Kôranh Brah, Ƀư sŏng lĕ trong Păng.’ ”

Mathay 6:10

Ăn ƀon bri hađăch Mbơ̆ gơnh tât, Ăn nau May ŭch mra jêng, ta neh ntu tâm ban ma ta klơ trôk!

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Markôs 11:10

Ueh maak ngăn ma ƀon bri hađăch dăch tât ma hađăch Đavit, chô yau he! Hôsana ta ntŭk dŭt prêh!”

Kôlôh 1:13

Păng rklaih jêh he bơh nau dơi tâm nau ngo, jêh ri djôt leo he lăp tâm ƀon bri hađăch Kon Păng rŏng ngăn ngên;

Nau Tâm Mpơl 11:17

jêh ri lah pô aơ: “Ơ Kôranh Brah, jêng Brah Ndu Geh Lĕ Nau Brah, NƠM AɃAƠ AƠ JÊH RI GEH JÊH, Hên lah ueh ma May yorlah May djôt jêh nau dơi dŭt prêh, Jêh ri chiă uănh jêh.