Nau Mprơ Ơm 96:11 - Nau Brah Ndu Ngơi 2023

¹¹ Ăn lĕ ndâr trôk maak, jêh ri neh ntu hâk răm, Ăn dak mƀŭt jêh ri lĕ rngôch mpa tâm Păng ngrông huy.

Nau Mprơ Ơm 96:11 ပူးပေါင်းရင်းမြစ်များ

I Nau Rêh Jêng 16:32

Ăn dak mƀŭt jêh ri lĕ rngôch mpa tâm păng ngrông huy; Ăn mir jêh ri lĕ rngôch ndơ tâm nây răm maak da dê!

Nau Mprơ Ơm 69:34

Ăn trôk, neh ntu, dak mƀŭt Jêh ri lĕ ntil mpa rêh tâm nây mprơ tâm rnê ma Păng da dê.

Nau Mprơ Ơm 97:1

Nau Brah Yêhôva chiă uănh! Ơ neh ntu, hâk maak hom! Ơ lĕ rngôch gôl dak mƀŭt, maak răm hom!

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Luka 15:10

Kơt nây đŏng, Gâp lah ma khân may, phung tông mpăr Brah Ndu mra răm maak ma du huê bunuyh tih rmal nau tih.”

Luka 2:10

Ƀiălah tông mpăr lah ma khân păng: “Lơi klach ôh! Aơ, gâp mbơh ma khân may du Nau Mhe Mhan Ueh, aơ mra jêng nau răm maak toyh ma lĕ rngôch bunuyh.

Nau Tâm Mpơl 12:12

Yor ri, hơi lĕ ndâr trôk, jêh ri phung gŭ tâm nây, Răm maak hom! Ƀiălah rêh ni ngăn ma neh ntu jêh ri ma dak mƀŭt, Yorlah brah mhĭk gĭt mông nar păng mâu hôm jŏ, Pôri hăn jŭr ma khân may ma nau ji nuih hâu ngăn.”