Nau Mprơ Ơm 96:1 - Nau Brah Ndu Ngơi 2023

¹ Mprơ hom ma Brah Yêhôva du nau mprơ mhe. Hơi lĕ rngôch neh ntu, mprơ hom ma Brah Yêhôva.

Nau Mprơ Ơm 96:1 ပူးပေါင်းရင်းမြစ်များ

Nau Mprơ Ơm 149:1

Halêluya! Mprơ hom ma Brah Yêhôva du nau mprơ mhe! Tâm rnê hom ma Păng, tâm nau tâm rƀŭn phung kloh ueh Păng.

Nau Mprơ Ơm 33:3

Mprơ tâm rnê hom ma Păng du ntil nau mprơ mhe, Jêh ri kreh dĭng ma nau săr lah đah bâr nter maak!

Nau Mprơ Ơm 66:4

Lĕ neh ntu mra yơk mbah ma May; Khân păng mprơ tâm rnê ma May, Khân păng mprơ tâm rnê ma amoh May.” (Sêla)

Nau Mprơ Ơm 68:32

Ơ lĕ ƀon bri hađăch ta neh ntu, mprơ tâm rnê hom ma Brah Ndu! Mprơ hom, tâm rnê ma Kôranh Brah kloh ueh! (Sêla)

Nau Mprơ Ơm 98:1

Mprơ hom ma Brah Yêhôva nau mprơ mhe, Yorlah Păng ƀư jêh nau mbên khlay. Ti ma jêh ri nting tur kloh ueh Păng Djôt jêh nau dơi ma Păng.

Samƀŭt Pôl Njuăl Ăn Ma Phung Nsing Ta Ƀon Rôm 15:11

jêh ri lah: “Hơi lĕ rngôch phung bu năch, tâm rnê hom ma Kôranh Brah Jêh ri lĕ rngôch ntil mpôl bunuyh tâm rnê hom ma Păng!”

Nau Tâm Mpơl 14:3

Khân păng mprơ du nau mprơ mhe tanăp sưng hađăch, tanăp puăn mlâm mpa rêh jêh ri phung kôranh bu ranh. Mâu geh bunuyh dơi nti nau mprơ nây, knŏng phung du rhiăng puăn jât ma puăn rbăn, phung bu hŏ chuai jêh bơh neh ntu.

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,