Nau Mprơ Ơm 95:7 - Nau Brah Ndu Ngơi 2023

⁷ Yorlah Păng jêng Brah Ndu he: He jêng phung ƀon lan tâm ndrêch gơ̆ nse Păng Jêh ri jêng phung biăp ti Păng têk ndrêng. Nar aơ tơlah khân ay may iăt bâr Păng,

Nau Mprơ Ơm 95:7 ပူးပေါင်းရင်းမြစ်များ

I Nau Rêh Jêng 16:14

Păng yơh jêng Yêhôva Brah Ndu he; Nau phat dôih Păng ƀư ma lĕ rngôch bri ta neh ntu.

Nau Mprơ Ơm 100:3

Ăn gĭt pô aơ Yêhôva jêng Brah Ndu. Păng yơh njêng jêh he, he jêng ndơ Păng; He jêng phung ƀon lan Păng, jêng phung biăp tâm ndrêch gơ̆ Păng.

Nau Mprơ Ơm 115:3

Brah Ndu he gŭ tâm klơ lĕ ndâr trôk; Păng ƀư lĕ rngôch nau Păng geh nau maak.

Nau Mprơ Ơm 23:1

Brah Yêhôva jêng Nơm rmăk gâp, Gâp mâu hôm pưt mpa ôh.

Nau Mprơ Ơm 48:14

Pô aơ: “Aơ Brah Ndu, Jêng Brah Ndu he kŏ tât n'ho ro dŭt ngăn; Păng mra njŭn leo he kŏ tât lôch du njăr rêh.”

Nau Mprơ Ơm 67:6

Neh ntu hon geh kao play, Brah Ndu jêng Brah Ndu phung he mra ăn nau ueh lăng ma he.

Nau Mprơ Ơm 74:1

Ơ Brah Ndu! Mâm ƀư May chalơi hên ƀaƀơ? Mâm ƀư May ji nuih ma phung biăp tâm ndrêch gơ̆ nse May?

Nau Mprơ Ơm 79:13

Bi hên jêng phung ƀon lan May jêh ri jêng phung biăp tâm ndrêch gơ̆ nse May, Hên mra tâm rnê ma May mro mrăng; Ntơm bơh rnôk aơ tât rnôk ri, hên mra mbơh nau mprơ tâm rnê ma May.

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Nau Hôr 8:6

Iăt hom, yorlah gâp mra ngơi lĕ nau khlay, Mbung gâp mra ngơi nau di.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Mika 7:14

Sŏk hom mâng jra chiă uănh phung ƀon lan may Nây jêng phung biăp drăp ndơn may Păng gŭ êng tâm krŏng, Ta nklang Karmel; Ăn păng sa gơ̆ ta bri Basan jêh ri tâm bri Gilêat Nâm bu tâm rnôk saơm.

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

ហេឞ្រើ 11:16

Ƀiălah khân păng ŭch geh du ƀon tơm ueh lơn, nây jêng ƀon tơm ta klơ trôk, pôri Brah Ndu mâu bêk prêng ôh gay mbơh Păng nơm jêng Brah Ndu khân păng, yorlah Păng ndrăp lor du ƀon ma khân păng.

ហេឞ្រើ 3:13

Ƀiălah ăn khân may nti nkah hom ndrăng khân may tâm ăp nar, bu dơi lah jêng “nar aơ,” gay mâu geh du huê tâm phung khân may yor nau tih ndơm jêh ri dăng nuih n'hâm.

ហេឞ្រើ 3:15

tâm ban geh nchih pô aơ: “Nar aơ tơlah khân may tăng bâr Păng, Lơi ăn dăng nuih n'hâm khân may ôh, nâm bu nôk tâm rdâng.”

ហេឞ្រើ 4:7

Rlau lơn ma nĕ, jêh nau nây jŏ ngăn, tâm du Nau Mprơ Ơm Y-Đavit, Kôranh Brah tâm nal đŏng du nar kuăl jêng “nar aơ,” nâm bu nau nchih lor jêh: “Nar aơ tơlah khân may tăng bâr Păng, Lơi ƀư dăng nuih n'hâm ôh.”

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.

Nau Tâm Mpơl 3:20

Aơ, Gâp gŭ padih mpông jêh ri goh; tơlah mbu nơm tăng bâr Gâp jêh ri pơk mpông, Gâp mra lăp gŭ ndrel ma bunuyh nây, sông sa ndrel ma păng jêh ri păng ndrel ma Gâp.