Nau Mprơ Ơm 95:2 - Nau Brah Ndu Ngơi 2023

² Ăn he văch tanăp Păng ma nau tâm rnê lah ueh, Jêh ri troh maak mprơ tâm rnê ma Păng.

Nau Mprơ Ơm 95:2 ပူးပေါင်းရင်းမြစ်များ

Nau Mprơ Ơm 100:2

Maak hom pah kan ma Brah Yêhôva, Mprơ hom văch tanăp Păng.

Nau Mprơ Ơm 100:4

Tâm rnê lah ueh hom jêh ri lăp tâm mpông pêr Păng, Mprơ tâm rnê hom jêh ri lăp tâm nkual ngih Păng. Tâm rnê lah ueh ma Păng, mât ton tâm amoh Păng.

Nau Mprơ Ơm 105:2

Mprơ hom ma Păng, tâm rnê hom ma Păng! Mĭn rvê hom ma lĕ rngôch nau kan khlay Păng.

Nau Mprơ Ơm 17:13

Ơ Brah Yêhôva, dăn dâk hăn hom, tâm mâp jêh ri lơh rlâm lơi khân păng! Dŏng đao May tâm rklaih huêng gâp tă bơh phung mhĭk.

Nau Mprơ Ơm 7:7

Ăn hom phung ƀon lan tâm rƀŭn jŭm May; Ta ntŭk prêh klơ May chiă uănh khân păng.

Nau Mprơ Ơm 81:2

Sŏk hom ma bâr mprơ jêh ri goh gâr jê̆, Kreh gong rêng găl jêh ri uh rlet.

Nau Mprơ Ơm 98:4

Ơ lĕ rngôch neh ntu, sŏk hom bâr troh maak ma Brah Yêhôva, Jêh ri mprơ mât ton ma Păng.

Mika 6:6

Moh ndơ gâp mra djôt gay tâm mpơl tanăp măt Brah Yêhôva, Jêh ri chon mbah tra năp măt Brah Ndu ta klơ lơn? Gâp mra văch tât tra năp măt Păng ma lĕ ndơ ƀư brah gŭch Jêh ri ma phung kon ndrôk du năm ƀơh?

Êphêsô 5:19

Ăn khân may dŏng nau mprơ ơm, samƀŭt nau mprơ, jêh ri lĕ nau mprơ tâm pă uănh; mprơ, tâm rnê hom ma Kôranh Brah ma lĕ nuih n'hâm.

Yakơ 5:13

Mbu moh tâm khân may geh nau rêh ni? Bunuyh nây mbơh sơm hom. Mbu moh geh nau răm maak? Tâm rnê hom.