Nau Mprơ Ơm 94:22 - Nau Brah Ndu Ngơi 2023

²² Ƀiălah Brah Yêhôva jêng pôih nâp ma gâp, Brah Ndu jêng lŭ toyh king n'gang gâp.

Nau Mprơ Ơm 94:22 ပူးပေါင်းရင်းမြစ်များ

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 59:9

Brah Ndu jêng nau ktang gâp, gâp mra rnơm tâm May. May yơh jêng ntŭk gâp nde krap.

Nau Mprơ Ơm 62:2

Knŏng du huê Păng jêng lŭ toyh jêh ri nau tâm rklaih gâp; Jêng ntŭk gâp gŭ krap tâm ban lĕ; gâp mâu mra geh nau mpât n'gơ ôh.

Nau Mprơ Ơm 62:6

Knŏng du huê Păng yơh jêng lŭ toyh gâp jêh ri nau tâm rklaih gâp, Jêng ntŭk gâp nde krap; gâp mâu mra geh nau mpât n'gơ ôh.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Mprơ Ơm 9:9

Brah Yêhôva jêng ntŭk krap ma phung bu tŭn jot, Jêng ntŭk krap n'gang săk tâm rnôk rêh ni.

Nau Mprơ Ơm 94:10

Nơm nduyh nkra lĕ bri dak Mâu mra tâm rmal hĕ? Păng jêng Nơm ăn nti nau gĭt rbăng ma kon bunuyh.

Êsai 33:16

Bunuyh kơt nĕ mra dơi gŭ tâm ntŭk prêh, Geh pôih ma mpir lŭ mra jêng ntŭk păng du krap; Bu mra ăn ndơ sông sa ma păng Jêh ri păng mâu rvê pưt dak nhêt ôh.