Nau Mprơ Ơm 94:21 - Nau Brah Ndu Ngơi 2023

²¹ Khân păng tâm rgum gay ƀư mhĭk ma nau rêh bunuyh sŏng srăng Jêh ri tâm rmal nkhĭt phung mâu geh nau tih.

Nau Mprơ Ơm 94:21 ပူးပေါင်းရင်းမြစ်များ

I Phung Hađăch 21:19

Ăn may lah ma Y-Ahap pô aơ: ‘Brah Yêhôva lah: Mâu di hĕ may hŏ nkhĭt bunuyh, jêh nây pit rvan drăp ndơn păng?’ Ăn may lah tay: ‘Brah Yêhôva lah: Ta ntŭk so hŏ ler jêh mham Y-Nabôt, so mra ler mham may nơm đŏng.’”

II Nau Rêh Jêng 24:21

Khân păng tâm rnglăp ndrel rdâng đah păng, jêh ri tĭng nâm nau hađăch ntrŭnh, khân păng klŭp păng ma lŭ tâm nkual toyh ngih Brah Yêhôva.

Nau Mprơ Ơm 106:38

Khân păng ƀư nkhŭt mham mâu geh tih, Nây jêng mham kon bu klâu kon bu ur khân păng Gay ƀư brah ma rup brah n'gor bri Kanaan, Ăn n'gor bri jêng ƀơ̆ ƀơch yor mham nây.

Nau Mprơ Ơm 22:16

Yorlah phung so gŭ jŭm gâp, Du phung janh ƀai nchueng jŭm gâp; Khân păng ntâp bluh ti jêh ri jâng gâp.

Nau Mprơ Ơm 56:6

Khân păng tâm rƀŭn, gŭ kâp, Tĭng sek uănh ăp nhuat jâng gâp. Yorlah khân păng ŭch ƀư mhĭk nau rêh gâp.

Nau Mprơ Ơm 59:3

Yorlah khân păng dôl gŭ kâp gay ƀư rai nau rêh gâp; Ơ Brah Yêhôva! Phung janh ƀai tâm rgum gay tâm rdâng đah gâp Nđâp tơlah gâp mâu tâm rdâng mâu lĕ du ntil ƀư tih.

Nau Ngluh Êjipt 23:7

Ăn kon der ngai đah lĕ nau ngơi nklă jêh ri lơi ta nkhĭt ôh bunuyh mâu geh nau tih mâu lah nơm sŏng srăng, yorlah Gâp mâu mra kơp ôh nau sŏng srăng ma nơm djơh mhĭk.

Nau Hôr 1:11

Tơlah khân păng lah: “Văch hom ndrel ma hên, gay kâp dâp ƀư nkhŭt mham păng, Rmoch gay ƀư rai bunuyh mâu geh nau tih;

Nau Hôr 1:16

Yorlah jâng khân păng ngăch nchuăt tât ma nau mhĭk, Ndil ndal ƀư nkhŭt mham bunuyh.

Nau Hôr 17:15

Mbu nơm kơp bunuyh mhĭk jêng sŏng srăng jêh ri nơm nduyh bunuyh sŏng srăng, Lĕ bar hê tâm rmot ma Brah Yêhôva da dê.

Yêrêmi 26:15

Nđâp lah pônây, ăn khân may gĭt nanê̆ pô aơ lah nkhĭt gâp pôri khân may, ƀon toyh aơ jêh ri lĕ rngôch phung gŭ tâm ƀon mra sŏk dơn mham mâu geh ôh nau tih. Yorlah n'hêl nanê̆ ngăn Brah Yêhôva hŏ prơh gâp tât gay mbơh lĕ rngôch nau ngơi aơ lăp ta tôr khân may.”

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Êsêkiêl 22:6

Uănh hom, phung kôranh Israel gŭ tâm may, ăp nơm sŏk tĭng nau dơi chiă uănh da dê ƀư pling mham.

Daniel 6:8

Aƀaơ aơ, ơ hađăch ƀư hom nau buay nây jêh ri nchih amoh tâm samƀŭt gay ma nau vay mâu dơi rgâl ôh tĭng nâm nau vay phung Mêdơ jêh ri phung Persi nây.”

Mathay 27:1

Tât ôi, lĕ rngôch phung kôranh ƀư brah toyh jêh ri phung bu ranh phung ƀon lan tâm nchră tâm rdâng đah Brah Yêsu gay nkhĭt lơi Păng.

Mathay 27:4

jêh ri lah pô aơ: “Gâp hŏ ƀư tih jêh yor jao mham mâu geh nau tih!” Ƀiălah khân păng plơ̆ lah: “Kan nây moh nau geh đah hên? Nây jêng nau may nơm.”

Kôranh Oh Mon 7:52

Mbu tâm phung nơm mbơh lor, dĭng phung chô yau khân may mâu ƀư mhĭk? Khân păng nkhĭt jêh phung ngơi nau mbơh lor ma Nơm Sŏng mra văch, jêng Nơm aƀaơ aơ khân may rlăng jêh ri nkhĭt lơi jêh.

Yakơ 5:6

khân may tâm rmal jêh ri nkhĭt jêh phung sŏng srăng, ƀiălah păng mâu tâm rdâng đah khân may ôh.

Nau Tâm Mpơl 17:6

Gâp saơ bu ur nĕ nhŭl mham phung kloh ueh jêh ri mham phung mbơh nkoch ma Brah Yêsu. Tơlah gâp saơ păng, gâp hih rhâl hâu ngăn.