Nau Mprơ Ơm 94:2 - Nau Brah Ndu Ngơi 2023

² Ơ Kôranh jêng phat dôih ma neh ntu, Dâk hom har plơng khư ma phung sưr rlau.

Nau Mprơ Ơm 94:2 ပူးပေါင်းရင်းမြစ်များ

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

II Nau Rêh Jêng 20:12

Ơ Brah Ndu hên! Mâu di hĕ May mra phat dôih khân păng? Yorlah hên mâu tŏng nau ktang gay tâm rdâng đah phung tahan âk râk dôl văch lơh hên. Hên mâu gĭt ôh mâm mra ƀư, ƀiălah măt hên gŭ uănh ma May!”

Nau Mprơ Ơm 31:23

Hơi phung kloh ueh Brah Yêhôva, rŏng hom ma Păng! Brah Yêhôva mât mơh phung răp jăp Ƀiălah tâm rmal ktang ngăn ma phung gŭ ngao sưr rlau.

Nau Mprơ Ơm 50:6

Lĕ ndâr trôk mra mbơh nau sŏng srăng Păng. Yorlah Brah Ndu yơh jêng kôranh phat dôih. (Sêla)

Nau Mprơ Ơm 68:1

Dăn Brah Ndu dâk, gay ƀư ma phung rlăng Păng chah rai pru pra Jêh ri ƀư ma phung tâm rmot Păng nchuăt du panăp Păng.

Nau Mprơ Ơm 7:6

Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Nau Mprơ Ơm 74:22

Ơ Brah Ndu, dâk hăn hom koh dŏng nau May ngơi. Ăn kah gĭt tay ma phung rluk suai rak May ăp nar.

Nau Mprơ Ơm 82:8

Ơ Brah Ndu, dăn gơnh oi phat dôih neh ntu, Yorlah lĕ rngôch mpôl băl bunuyh jêng drăp ndơn May da dê.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 2:17

Nuih n'hâm sưr kon bunuyh bu mra chŭn, Jêh ri nau hưn kon bunuyh bu mra n'glưh; Tâm nar nây, knŏng êng Brah Yêhôva geh nau bu yơk.

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Êsai 37:29

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Mika 5:9

Brah Yêhôva lah: “Nau tât tâm nar nây Gâp mra ƀư rai lơi seh may tă bơh may. Jêh ri ƀư rai lĕ rngôch ndeh seh may.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.