Nau Mprơ Ơm 94:16 - Nau Brah Ndu Ngơi 2023

¹⁶ Mbu mra dâk yor ma gâp, tâm rdâng ma phung ƀai? Mbu nơm dâk koh dŏng gâp, tâm rdâng đah phung janh ƀai?

Nau Mprơ Ơm 94:16 ပူးပေါင်းရင်းမြစ်များ

II Phung Hađăch 10:15

Tơlah du luh tă bơh ntŭk nây, Y-Jêhu tâm mâp đah Y-Jêhônadap, kon Y-Rêkap, dôl văch chuă vơt ma păng. Y-Jêhu mbah ma Y-Jêhônadap jêh ri ôp: “Nuih n'hâm may jêng răp jăp ma gâp lĕ, nâm bu nuih n'hâm gâp răp jăp ma may?” Y-Jêhônadap plơ̆ lah: “Nanê̆ ngăn.” Y-Jêhu lah: “Tơlah pônây, yơr hom ti may.” Y-Jêhônadap yơr ti, jêh ri Y-Jêhu ăn păng hao klơ ndeh seh ndrel păng.

II Phung Hađăch 9:32

Y-Jêhu n'gơr măt hao ma mpeh mpông bloh jêh ri ôp: “Mbu nơm gŭ mpeh ma gâp? Mbu moh?” Geh bar mâu lah pe kôranh bu char uănh ma păng.

Nêhêmi 5:7

Gâp mĭn tâm nuih n'hâm ma nau nây jêh ri gay ŭch nduyh phung ndrŏng nđâp ma phung kôranh pô aơ: “Khân may hŏ ăn ma phung oh mâu khân may nơm manh sa kao jâk.” Gâp nkra nau tâm rƀŭn toyh tâm rdâng đah khân păng.

Nau Mprơ Ơm 118:6

Brah Yêhôva gŭ koh dŏng gâp, gâp mâu mra klach ôh, Moh bunuyh dơi mra ƀư ma gâp?

Nau Mprơ Ơm 17:13

Ơ Brah Yêhôva, dăn dâk hăn hom, tâm mâp jêh ri lơh rlâm lơi khân păng! Dŏng đao May tâm rklaih huêng gâp tă bơh phung mhĭk.

Nau Mprơ Ơm 59:2

Tâm rklaih gâp bơh phung ƀư mhĭk, Jêh ri bơh phung ji hir mham.

Êsai 59:16

Păng saơ mâu geh du huê bunuyh sŏng srăng ôh, Jêh ri hih rhâl yor mâu geh nơm vah vơl. Păng dŏng ti păng nơm ƀư tât nau tâm rklaih; Nau sŏng Păng nơm kơl.

Êsai 63:5

Gâp uănh, mâu geh nơm kơl ôh; Gâp hih rhâl, mâu geh nơm tâm kơl; Rĭ dĭng ti Gâp nơm yơh kơl Gâp, Nau Gâp ji nuih kơl Gâp.

Yêrêmi 5:1

“Hăn hom lam lĕ rŏ trong ƀon Yêrusalem, Ntreng uănh jêh ri nchih dơn! Tĭng joi hom lĕ ntŭk nhuang ƀon, Tơlah may dơi joi du huê bunuyh Ƀư nau sŏng srăng, joi ma nau nanê̆ ngăn, Pôri Gâp mra yô̆ an ma lĕ ƀon.

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Nau Kơp Bunuyh 10:35

Tơlah Hip Nau Tâm Rnglăp trơn, Y-Môis lah pô aơ: “Ơ Brah Yêhôva, dăn dâk hăn gay ƀư ma phung rlăng May chah rai pru pra, Jêh ri ƀư ma phung tâm rmot ma May nchuăt du panăp May!”

Mathay 12:30

Mbu nơm mâu gŭ ndrel ma Gâp jêng tâm rdâng đah Gâp; mbu nơm mâu tâm rnglăp đah Gâp jêng chah rai pru pra.

III Yôhan 1:8

Yor nây, ăn he kơl phung bunuyh nây, gay ma he plơ̆ jêng phung pah kan ndrel ma khân păng yorlah nau ngăn.

Phung Kôranh Phat Dôih 5:23

Phung mbơh Brah Yêhôva lah: ‘Rak rtăp hom ƀon Mêros; Rak rtăp hom ma phung ƀon lan păng! Yorlah khân păng mâu văch kơl ôh Brah Yêhôva, Mâu kơl Brah Yêhôva tâm lơh đah phung ktang nây!’