Nau Mprơ Ơm 93:4 - Nau Brah Ndu Ngơi 2023

⁴ Brah Yêhôva gŭ prêh klơ, bêng ma nau brah, Ktang lơn nteh ngrông huy lĕ dak n'hor toyh, Rlau lơn ma dak mƀŭt rbuh toyh.

Nau Mprơ Ơm 93:4 ပူးပေါင်းရင်းမြစ်များ

Ndrom Samƀŭt bơh Yôp 38:11

Jêh ri lah: ‘May knŏng tât ta aơ dơm, mâu hôm hăn ngai đŏng ôh, Ăp tơ̆ dak rbuh gơm mpray may mra nsrŭng ta ntŭk aơ yơh!’

Nau Mprơ Ơm 29:4

Bâr Brah Yêhôva ktang ngăn; Bâr Brah Yêhôva rnam ngăn.

Nau Mprơ Ơm 65:7

May buay dak rlai ngrông huy, Mpiăt dak khuh lŭng nter; Păng buay nau uh ah mpôl băl bunuyh.

Nau Mprơ Ơm 89:6

Yorlah mbu nơm gŭ ta klơ lĕ ndâr trôk dơi tâm rđĭl ma Brah Yêhôva? Tâm lĕ phung brah, mbu nơm dơi tâm ban ma Brah Yêhôva?

Nau Mprơ Ơm 89:9

May chiă uănh nau ngrông huy phung dak mƀŭt: Tơlah rbuh dak, May ăn khân păng gŭ rklăk.

Nau Mprơ Ơm 92:8

Ƀiălah ơ Brah Yêhôva, May dơi geh nau yơk mro mrăng.

Yêrêmi 5:22

Brah Yêhôva lah: “Lĕ phung khân may mâu klach yơk ma Gâp Mâu râm nsâr hĕ tanăp măt Gâp? Gâp jêng Nơm hŏ sŏk jêh choih ƀư n'har ma dak mƀŭt, Du ntŭk nal n'ho ro mâu dơi rlau ôh. Rbuh geh nkŏch ăt mâu dơi; Dak Mƀŭt geh ngrông nteh ăt mâu ler rlau ôh.