Nau Mprơ Ơm 92:9 - Nau Brah Ndu Ngơi 2023

⁹ Yorlah ơ Brah Yêhôva, ri, phung rlăng May, Yorlah ri, phung rlăng May mra roh rai; Lĕ rngôch phung ƀư mhĭk bu mra lơh nchah rai.

Nau Mprơ Ơm 92:9 ပူးပေါင်းရင်းမြစ်များ

Nau Mprơ Ơm 1:4

Phung mhĭk mâu dơi jêng tâm ban pônây ôh, Ƀiălah khân păng jêng nâm bu njŏk rhe sial khôm rdu.

Nau Mprơ Ơm 102:13

May mra gơnh yô̆ nđach ma ƀon Siôn; Yorlah jêng mông May ăn nau yô̆ ma păng. Jêh ri mông tât jêh.

Nau Mprơ Ơm 102:25

Rnôk kăl e, May rhăk njêng mbon rplay neh, Lĕ ndâr trôk jêng kan bơh ti May nơm.

Nau Mprơ Ơm 37:20

Bi ma phung mhĭk mra rai yot; Phung rlăng Brah Yêhôva mra nâm bu ngi kon biăp, Bu mra su gŭch, rai lêk roh hêt nâm bu nhhŭk tŭk.

Nau Mprơ Ơm 59:11

Ơ Kôranh Brah, jêng khêl ma hên! Lơi ta nkhĭt ro ma khân păng, klach lah phung ƀon lan May gơnh chuêl nau May yô̆; Sŏk hom nau brah May ƀư ma khân păng du pru pra Jêh ri ƀư rai khân păng.

Nau Mprơ Ơm 68:30

Nduyh lah ma mpa bri rêh gŭ tâm rpho treng, Nduyh lah ma phung ndrôk nkuăng ndrel lĕ ndrôk kon phung ƀon lan Kŏ tât khân păng chon kômâk jêh ri nhhơr lĕ rlay prăk. Dăn May ƀư rai lơi phung mpôl băl bunuyh ŭch ma nau tâm lơh.

Nau Mprơ Ơm 73:27

Yorlah ri phung gŭ ngai đah May mra rai yot; May ƀư rai phung ƀư tih mâu răp jăp, chalơi May

Nau Mprơ Ơm 89:10

May ƀư nchah hăch Rahap nâm bu du mlâm săk jăn khĭt, Ma ti brah toyh, May lơh phung rlăng du pru pra.

Nau Mprơ Ơm 97:9

Yorlah ơ Brah Yêhôva! May jêng Nơm Dŭt Prêh ma lĕ rngôch neh ntu, May geh nau yơk rlau lơn ma lĕ rngôch brah.

Êsai 17:13

Ngăn, phung mpôl băl bunuyh lŭng nter tâm ban ma âk n'hong dak nkhŭt djhu djhut, Ƀiălah nôk Kôranh Brah nduyh, khân păng nchuăt du ngai, Jêh ri bu nsot khân păng tâm ban ma sial khôm njŏk nja ta klơ yôk, Tâm ban ma ndruyh neh tâm phŭt chuănh.

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.

Nau Kơp Bunuyh 10:35

Tơlah Hip Nau Tâm Rnglăp trơn, Y-Môis lah pô aơ: “Ơ Brah Yêhôva, dăn dâk hăn gay ƀư ma phung rlăng May chah rai pru pra, Jêh ri ƀư ma phung tâm rmot ma May nchuăt du panăp May!”

Mathay 7:23

Mông nây, Gâp mra lah rah vah ma khân păng: ‘Hơi phung ƀư mhĭk, du hom tă bơh Gâp, Gâp mâu mâp gĭt năl khân may ôh!’ ”

Luka 19:27

Bi ma phung rlăng đah gâp, mâu ŭch gâp chiă uănh khân păng, njŭn leo hom khân păng văch ta aơ jêh ri nkhĭt lơi khân păng tanăp gâp.’ ”

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Nau Vay Nkah Tay 28:64

Brah Yêhôva mra ăn khân may chah rai ta nklang lĕ rngôch phung ƀon lan, ntơm bơh dŭt bri neh đah aơ ma dŭt bri neh đah ri. Ta nây, khân may mra pah kan ma phung brah êng ƀư ma si, ƀư ma lŭ, lĕ khân may nđâp phung chô yau khân may mâu hŏ mâp gĭt ôh.

Phung Kôranh Phat Dôih 5:31

Ơ Brah Yêhôva, mbơh sơm ma lĕ rngôch phung rlăng May rai lôch tâm ban pônây. Bi phung rŏng yơk ma May tâm ban ma luh nar chrat ral!” Jêh nau nây, n'gor geh nau đăp mpăn tâm puăn jât năm.