Nau Mprơ Ơm 92:13 - Nau Brah Ndu Ngơi 2023

¹³ Phung bu dơi tăm tâm ngih Brah Yêhôva Mra luh kao tâm nkual nhuang Brah Ndu hên.

Nau Mprơ Ơm 92:13 ပူးပေါင်းရင်းမြစ်များ

II Nau Rêh Jêng 4:9

Păng ƀư du nhuang tâm trôm ma phung kôranh ƀư brah, nhuang vâl huy, lĕ mpông ta bar nhuang vâl bu mblum ma kông da dê.

Êsther 9:4

Y-Môrdêkai geh nau dơi toyh tâm ngih hađăch, nau lư n'găr păng hăn lam lĕ rngôch n'gor; nau dơi Y-Môrdêkai lơ nar lơ hao toyh.

Nau Mprơ Ơm 100:4

Tâm rnê lah ueh hom jêh ri lăp tâm mpông pêr Păng, Mprơ tâm rnê hom jêh ri lăp tâm nkual ngih Păng. Tâm rnê lah ueh ma Păng, mât ton tâm amoh Păng.

Nau Mprơ Ơm 116:19

Tâm nkual nhuang ngih Brah Yêhôva, Ta nklang ƀon Yêrusalem! Halêluya!

Nau Mprơ Ơm 135:2

Jêng phung gŭ tâm ngih Brah Yêhôva, Tâm nkual nhuang ngih Brah Ndu he, Tâm rnê hom ma Păng!

Nau Mprơ Ueh 4:11

Hơi ƀăn gâp, trôm mbung ay ăn truh dak sŭk, Tâm dâng mpiăt ay pôn dak sŭt jêh dak toh; Ao ay n'hôl nâm bu ƀâu bri Liban.

Nau Mprơ Ueh 5:15

Kôp jâng păng nâm bu kôp meh n'gâng lŭ marbrơ nglang N'gân ta klơ ndơl mah; Nau rom păng jêng nâm bu yôk Liban, Ndrêh ueh nâm bu tơm si sêdar.

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Ndrom Samƀŭt bơh Ôsê 14:5

Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Samƀŭt Pôl Njuăl Ăn Ma Phung Nsing Ta Ƀon Rôm 11:17

Ƀiălah tơlah geh n'gĭng ƀaƀă bu koh lơi, jêh ri may ơm jêng du tơm ôlive bri tâm ndop lĭr ta ntŭk lĕ n'gĭng nây gay ma dơi tâm pă dak rêh bơh reh tơm ôlive

Samƀŭt Pôl Njuăl Ăn Ma Phung Nsing Ta Ƀon Rôm 6:5

Yorlah tơlah he jêng nguay ndrel ma Păng tâm nau khĭt tâm ban ma nau Păng khĭt, nanê̆ ngăn he ăt mra jêng nguay ndrel ma Păng tâm nau dâk rêh tay tâm ban ma nau Păng dâk rêh tay.

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.