Nau Mprơ Ơm 92:1 - Nau Brah Ndu Ngơi 2023

¹ Ơ Nơm Dŭt Prêh, ueh dŭt n'hâm ngăn tơlah mprơ tâm rnê Brah Yêhôva Jêh ri tâm rnê ma amoh May;

Nau Mprơ Ơm 92:1 ပူးပေါင်းရင်းမြစ်များ

Nau Mprơ Ơm 107:1

Tâm rnê lah ueh hom ma Brah Yêhôva yorlah Păng jêng ueh; Nau ueh Păng hôm ƀaƀơ n'ho ro.

Nau Mprơ Ơm 107:15

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor nau mbên khlay Păng ƀư jêh ma phung kon bunuyh!

Nau Mprơ Ơm 107:8

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor lĕ nau mbên khlay Păng ƀư jêh ma phung kon bunuyh!

Nau Mprơ Ơm 135:3

Mprơ tâm rnê hom ma Brah Yêhôva yorlah Brah Yêhôva jêng nơm ueh; Mprơ nau tâm rnê ma amoh Păng yorlah nây jêng nau maak.

Nau Mprơ Ơm 147:1

Halêluya! Ueh ngăn yơh dôl mprơ tâm rnê ma Brah Ndu he; Răm maak ngăn jêh ri di tâm rnê ma Păng!

Nau Mprơ Ơm 33:1

Ơ phung sŏng srăng, maak hom tâm Brah Yêhôva! Nau tâm rnê ma Kôranh Brah di ma phung bunuyh sŏng.

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Nau Mprơ Ơm 52:9

Gâp mra tâm rnê lah ueh ma May ƀaƀơ Ma lĕ nau May ƀư jêh. Gâp mra mbơh amoh May tanăp phung răp jăp ma May Yorlah nau nây ueh lăng ngăn.

Nau Mprơ Ơm 54:6

Ơ Brah Yêhôva, gâp mra nhhơr ma May ndơ ƀư brah sân săk; Gâp mra tâm rnê lah ueh ma amoh May Yorlah nau nây jêng nau ueh.

Nau Mprơ Ơm 73:28

Ƀiălah ueh maak ngăn ma gâp dơi văch dăch ma Brah Ndu; Gâp săch Kôranh Brah Yêhôva ƀư ntŭk gâp gŭ krap, Gay nkoch bri lĕ rngôch kan May.

Nau Mprơ Ơm 82:6

Gâp lah: “Khân may jêng brah Lĕ rngôch jêng kon bu klâu Nơm Dŭt Prêh.

Nau Mprơ Ơm 92:8

Ƀiălah ơ Brah Yêhôva, May dơi geh nau yơk mro mrăng.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Êphêsô 5:19

Ăn khân may dŏng nau mprơ ơm, samƀŭt nau mprơ, jêh ri lĕ nau mprơ tâm pă uănh; mprơ, tâm rnê hom ma Kôranh Brah ma lĕ nuih n'hâm.

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

ហេឞ្រើ 4:9

Pôri ăt hôm du nau rlu nar Saƀat ma phung mpôl băl Brah Ndu.